Kiffartuussinerit: Amigaatinik ikiorsiinerit

Pisiniartoq maalaaruteqarpat malittarisaq pingaarnertut ikiorsiisussaatitaavutit. Tassa imaappoq misilillugu sulineq iluarsarsinnaavat imaluunniit aallaqqaataaneerlugu.

Piffissap naleqquttup iluani pinngippat pisiniartup aningaasat tamakkiisumik ilaannakortumilluunniit utertissinnaatitaavai.

Sunaava piffissaq naleqquttoq?

Suna piffissaq naleqquttuunersoq apeqqutaalluinnarpoq qanoq pisoqarnersoq.

Nujalerisuuguit aammalu pisiniartup nujaanik kukkusimallutit sukkasuumik iluarsipallassavat. Allatut pisoqartillugu piffissamik sivisunerulaamik periarfissaqarsinnaavutit. Aammattaaq apeqqutaassaaq pisiniartup pisariaqartitsinera suliap naammassinissaanut – soorlu immaqa aalajangersimasumik pisoqartinnagu – aammalu illit periarfissatit sillimmatissat assigisaallu pissarsiarinissaanut.

Suna piffissaq naleqquunersoq aammattaaq apeqqutaassaaq qasseriarlutit ikiorseeriaraluarsimanersutit.

Isumaqatigiissut atorunnaarsinneqassappat

Sulineq kukkuluttorneqarpat taamaasillunilu pisiniartumut iluaqutissartaqarani piumasarisinnaavaa aningaasat utertinnissai. Ikiuineq pisiniartumut arlaatigut naleqarpat akia ilaannakortumik akiliutitut utertinneqarsinnaavoq, imaluunniit ilissi isumaqatigiissutigisinnaavarsi sillimmatissat illit peersinnaagitit assigisaallu illit ikkussimasatit soorlu assersuutigalugu aaqqissuineq eqqartorneqarpat. Taakku atortut ikkunneqarsimasut tamakkiisumik peqummut ilanngutivissimappata – soorlu issiaviup kiffioqqunneranut – piumasarisinnaanngilat utertinnissai, naak pisineq atorunnaarsinneqaraluartoq.

Akikilliliineq

Akikilliliisinnaavutit ikiuineq naak amigaateqaraluartoq pisiniartumut arlaatigut naleqarpat. Soorlu assersuutigalugu akunnittarfimmi unikkallarnermi inissisimasut nipiliornermik akornusersorneqarsimappata.

Taarsiiffiginninneq

Pisiniartoq taarsiiffigineqaqqusinnaavoq illit pisuussutigigukku pisiniartup pingisaa ajoquserneqarsimappat. Assersuutigalugu atisaq aserorsimagukku kukkusumik errorlugu, nutsikkat iluamik poortorneqarsimanngittut, imaluunniit nalunaaqutaq natermut nakkaasimasat.

Scroll to Top