Kiffartuussinerit: Isumaqatigiissutit

Pingaaruteqarpoq pisiniartorlu isumaqatigiinnersi erseqqarinnissaa. Nioqquteqarfinni ataasiakkaani oqaatsitsigut isumaqatigiinneq pissusissamisoornerpaassaaq. Kisiannili allakkatigut isumaqatigiissut pitsaanerpaassaaq.

Isumaqatigiissutip allaaserisariaqarpaa:

  • Suliap annertussusaa
  • Suliap allaatiginera, soorlu atortussat toqqarneqarneri
  • Anguniagassatut pilersaarusiaq
  • Akia

Isumaqatigiissummut nutartertartumut tunngappat, soorlu timersortarfimmi ilaasortaaneq, pigisanik nuunneqarsinnaasunik atorneq imaluunniit ilaasortanngornerit tamarmik atungassat isumaqatigiinnermut ersarittariaqarput. Soorlu assersuutigalugu:

  • Piffissaq killilik ataffissaq isumaqatigiissutip taamaatinneqarsinnaannginnera
  • Qaqagukkut qanorlu isumaqatigiissutip taamaatinneqarsinnaanera
  • Akit

Kingusinnerusukkut periarfissaqarusukkuit isumaqatigiissutip allanngortinnissaanut tamanna erserissaaq isumaqatigiinnermiit kingusinnerusukkut allanngortissinnaasoq.

Siunnersuut pitsaasoq: Pisiniartup ilimasunnera suliamut naammassinikumut nakkutigiuk

Kingusinnerusukkut ajornartorsiuteqannginnissaa pinngitsoortinniarlugu isumassarsiatsialaavoq illit misilillugu paasiniarukku pisiniartup suliamut naammassisamut suut naatsorsuutiginerai. Taamaasillutit siunnersuilluarnerusinnaavutit inerneranik pitsaanerpaasinnaasumik.

Pisiniartup assersuutigalugu kissaatigisinnaavaa suliaqartitsinissani illit suliamik paasisimasalittut takusinnaagit atorfissaminut akunnattorujuusoq imaluunniit pitsaanngitsumik aserujuissuseqartoq. Uani pingaaruteqarpoq illit toqqaanerup kingunerisinnaasai siunnersuutigissagitit.

Assersuutigalugu pisiniartup pequtinut nutaamik qalequtartaarniarpat illit paasinarsaqqaassavat atortussaq qajannaatsuunersoq eqqiaruminartoq imaluunniit pisiniartup piumaneruneraa nungullajanerusinnaasoq kisianni kusanarnerulluni. Ingammik pisiniartup nammineq siunnersuutigippagu qalequtaq imaluunniit nammineq annoraaminermik nassaruni nungullajanerujuusumik paasitittariaqarpat inerneranut qanoq sunniuteqarsinnaanersoq.

Pisiniartup aammattaaq kissaatigisinnaavaa nioqqutissamik iluarsaassineq imaluunniit aaqqissuussineq, illillu takusinnaallugu akilersinnaanngitsoq imaluunniit inernera naammaginanngitsuussasoq.

Pisiniartup aammattaaq piumaffigisinnaavaatit akikilliliillutit suliaqarsinnaanersutit imaluunniit toqqarsinnaavai atortussat akikinnerit immaqa aamma naammaginanngitsumik inerneqartussaasut.

Eqqortumik siunnersuinngikkuit imaluunniit naammattumik illit akissarsiutilittut akisussaasunngorsinnaavutit naak pisiniartup nammineq toqqangaringaluaraa.

Scroll to Top