Kiffartuussinerit: Pisiniartoq ukiut tallimat tikillugit maalaaruteqarsinnaavoq

Pisiniartoq naliginnaasumik kiffartuussineq pillugu maalaaruteqarsinnaatitaavoq ukiut tallimat tikillugit naammassereerneraniit. Pisiniartup uppernarsassavaa ikiuineq amigaateqartoq.

Kiffartuussinerit pisoqalisoorneq pillugu inatsimmut ilaapput. Tamanna isumaqarpoq pisiniartoq naliginnaasumik kiffartuussineq pillugu maalaaruteqarsinnaatitaammat ukiut tallimat tikillugit naammassereerneraniit. Pisiniartup uppernarsassavaa ikiuineq amigaateqartoq.

Pisiniartumut periarfissaasimanngippat amigaateqarnerup paasinissaa ukiuni tallimani piffissaliussaq ingerlaalissaaq maalaaruteqarneq paasineqarpat imaluunniit paasineqarsimasussaangaluarpat. Taamak pisoqartillugu tunngaviusumik ukiut 20-it tikissinnaavaipisiniartup piumasaa pisoqalisinnaappat.

Qularnaveeqqusiinikuuit?

Suliamut qularnaveeqqusiisimaguit aammalu illit isumaqaruit pisiniartup maalaarutaa qularnaveeqqummik matussuserneqanngitsoq illit uppernarsartussaatitaavat.

Maalaaruteqarnerit ima suliarissavatit

Pisiniartoq illit ikiuinerit pillugu maalaaruteqarpat isummerfigisariaqarpat pisiniartoq piffissami naleqquttumi maalaaruteqarsimanersoq, aammalu maalaaruteqarneq naleqquttuunersoq. Ilimasussinnaatitaavutit pisiniartup ikiuineq maalaarutigissagaa paasiguniuk amigaateqartoq imaluunniit piffissaq naleqquttup iluani. Pisiniartoq sivisuallaamk qisuarianngippat pisinnaatitaaffini annaasinnaavai.

Ilaatigut ingasanngitsumik piumasarisinnaavat pisiniartoq maalaaruteqassasoq ikiuinerup tunniunneqarnerani. Tamanna naliginnaasumik atuuttassaaq aliikkusersuinermi, assartuussinermi, illusisimmavinni assigisaanilu periarfissaqarnerni ingerlaannaq aaqqinnissaanut soorlu assersuutigalugu pisiniartoq allamut inimut nuullugu imaluunniit inissinnera imaluunniit allamik pitsaanerusumik umiatsiamik pissarsillutit.

Maalaaruteqarneq naleqquppat

Ikiuineq amigaateqarpoq illit pisiniartorlu isumaqatigiissutigisassinnut naapertuutinngippat, imaluunniit aserujuissuseqanngippat illit neriorsuutigisartuut, imaluuniit pisiniartup ingasanngitsumik naatsorsuutigisinnaasaattuut.

Najoqqutatut pisinnaatitaajuaannarputit kukkunerup aaqqinnissaanut, kisiannili pisiniartup immikkuullarissuni pisuni isumaqatigiinneq atorunnaarsissinnaavaa imaluunniit akikilliliivigitilluni periarfissaanngippat kukkunerup aaqqinnissaanut. Aammattaaq pisoqarsinnaavoq kingusinnerusukkut paasinarsilluni ikiuineq suliarineqarsimasussaanngikkaluartoq, aammalu illit nalunngissimasariaqaraluarit. Soorlu assersuutigalugu nioqqutissaasinnaavoq nungullarnikoq illit aaqqissoqqusussaannginnissaa siunnersuutigisussaagit.

Pisiniartup pisinnaatitaaffigisinnaavai:

  • Ikiorsiineq, tassa imappoq aaqqissuussineq
  • Isumaqatigiissummik atorunnaarsitsineq, tassa imappoq aningaasat tamarmik utertinneqassapput
  • Akikilliliineq, tassa imaappoq aningaasat ilai utertinneqassapput

Ilaatigut pisiniartoq taarsiivigeqqusinnaassaaq. Assersuutigalugu tamanna pisinnaavoq pisiniartup atisai saliiverni aserorsimagukkit imaluunniit allatigut ajoqusernernut peqqutaasimaguit.

Scroll to Top