Aaqqissuusseriaraluarneq aammalu ”piffissaq naleqquttoq”

Piumasaqaataavoq nioqqutissiaq aaqqinneqassasoq piffissap naleqquttup iluani pisiniartup maalaaruteqareernerata kingorna. Aaqqinnissaa sivisuallaarpat nioqqutissiaq taarsertittariaqalissavat.

Taarsertinnissaa aammattaaq sivisuallaarpat pisiniartup piumasarisinnaavaa aningaasaatini utertissallugit.

Piffissaq naleqquttoq suua?

Qanoq sukkatigissanersoq apeqqutaavoq suna nioqqutissaq eqqartorneqarnersoq, aammalu sunartaa ajoqutaanersoq. Nioqqutissaq pisiniartumut pinngitsooruminaappat aammalu aaqqissortiinnariaalluni piffissaq naleqquttoq taamaalilluni taamaallaat sapaatip-akunneri arlaqanngitsut angusinnaavai. Pingaartumik pisariunngitsumik kukkuneqarpat aaqqinneqariaannaasumik sukkasuumik aaqqinneqassaaq.

Kisiannili eqqartorneqarpat teknikkikkut piuminaattumik kukkuneqarpat nassaariuminaattumik, imaluunniit nalliuteqqittartumik kukkunermik piffisssaqarnerulaarputit.

Taanna piffissaq illit nioqqutissap pisiortorfinnut nassiunnissaanut atukkat naatsorsorneqassaaq piffissaq tamaat isigalugu. ”Piffissaq naleqquttoq” ilaatigut piffissaq annertulaarsinnaavoq soorlu assersuutigalugu pisariaqassappat nioqqutissiap angisuup nunami allami aaqqissortinneqassappat, aammalu taamaattumik assartorneranik piffissamik ilasariaqarluni umiarsuakkut aammalu utaqqisoqarsinnaalluni umiarsuakkut aqqutissamut.

Naliliinermi pingaarutilik tassaasinnaavoq piffissaqarsinnaanera nioqqutissaq uninngaannarsimasoq, naak susoqarsimasinnaangaluartoq. Piffissaq ingerlatillugu iliuuserisinnaasatit tamakkersimagukkit periarfissaqartillugu, taamaasilluni aaqqissuineq pissusissamisut pisimassaaq piffissap naleqquttup iluani. Kisianni nioqqutissaq piffissap iluani uninngaannarsimappat susoqaranilu ilinni imaluunniit illit pisiortorfinni, taamaasilluni taanna piffissaq naleqquttoq naliginnaasumik sukkaannaq nungupallassaaq tamanna pillugu.

Aaqqissuussineq imaluunniit taarsiineq qaammatini arlalinni pissappat naak illit iliuuserisinnaasatit tamakkeraluaritit, taamaasilluni aamma naliginnaasumik naammassineqarsinnaassanngilaq piffissap naleqquttup iluani. Piffissat qaammatinik 3 ½ – 4-nik qaangiisut qaqutikkut akuerineqarsinnaasassapput immikkuullarissunik pissutsinik peqanngippat.

Naliginnaasumik illit tuniniaasutut uppernarsartussaatitaavat taanna piffissaq atorneqartoq naleqqussimasoq nioqqutissap aaqqinnissaanut pisariaqarnera isigitillugu.

Ataasia marlorialuunniit aaqqissuusseriaraluarneq

”Piffissaq naleqquttoq” suuneranik naliliinermi aammattaaq ilaavoq qasseriarlutit misiliisimanerit kukkunerup taassuma aaqqeriaraluarsimanera. Aallaaviuvoq illit ataasiiaannaq misiliissasutit. Iluatsinngippat atasinnaasumik aaqqissuussinissaq pisiniartup piumasarisinnaavaa taarsiinissaq imaluunniit pisinerup atorunnaarsinnissaa.

Ajornakusoortumik kukkuneqarnera eqqartorneqarpat ikiorseruminaattumik taamaalisoqartillugu misilissinnaavat marloriaq aaqqissortinnissaa.

Kukkuneq nassaariuminaappat soorlu assersuutigalugu takkutikulanngippat, aammalu ilinnut akisuallaassalluni taarsertinnissaa qaqutiguinnaq arlaleriaq misiliisinnaavutit.

Siullermi misiliinermi piffissaq annertooq atorsimagukku nioqqutissiap aaqqissortinnissaanut pisinnaatitaaffiit aaqqissuinissamut imaluunniit taarsiinissamut annaasinnaavatit. Taamannak pisoqassappat pisiniartup ooriutini utertissavai.

Aaqqissuisinnaanngikkuit piffissap naleqquttup iluani pisiniartup piumasarisinnaavaa pisineq atorunnaarsissallugu.

Atukkiussassaq

Piffissamik immikkut ”pisisinnaavutit” pisiniartumut allamik nioqqutissamik atukkiussisinnaavutit aaqqissuinerni. Pisiniartup atukkiussassaq siusinaartumik tigussavaa. Piffissaq ingerlateqqaarsinnaanngilat, aammalu tamatuma kingorna pisiniartup pisiniarneq atorunnaarsissinnaanngorpagu sivisunermik piffissaliussaqalerlutit atukkiussassamik tunniussinikkut. Atukkiussassaq annertunerpaartaa aammalu tamakkiisumik assiganik pisinnaassaaq pisiniartup piata assigatuut.

Scroll to Top