Nioqqutissap taarsertinnissaa

Nioqqutissaq taarsertikkukku pisiniartoq nioqqutissamik nutaamik nutaannginnermut assigusumik tunissavat. Piumasaqaataavoq taarsiineq aningaasartuuteqaranilu annertuumik pisiniartumut akornuteqassanngitsoq.

Taarsiineruvoq nutaamik nioqqutissamik pisiniartumut tunniussiguit.

Neqeroorutigisinnaavat nioqqutissap taarsernissaa nioqqutissaq toqqorsivimmi suli pigigukku, imaluunniit periarfissaappat tikisinnissaa piffissaliussap naleqquttup iluani. Nioqqutissap assigeqqissaassavaa taanna nioqqutissaq pisiniartup aallaqqaataaniilli pisiarisaa. Meqqi assiga, ilusaata assiga qalipaataatalu assiga. Nioqqutissamik nutaamik pisiniartumut tunniussisinnaanngikkuit taarsiutitut pisiniartup nioqqutissaataa aaqqissuuttariaqarpat, imaluunniit pisiap akia tamarmi utertillugu.

Pisiassat ilaat sivikitsuinnarmik niuerneqarsinnaasarput soorlu assersuutigalugu elektronikkikkut tuniniakkat. Pisiniartup ajorinngippagu allamik taarsertissinnaavat imaluunniit nutaajunerusumik paarlaallugu.

Pisiniartup kissaatigippagu nutaajunerusumik paarlaanneqassasoq, naak illit nutaannginnerusoq piniarsinnaangaluarit assigiinnassavaa nutaamik pisinerusoq, aammalu soorunami pisiniartup akinik nikinganera taamaasilluni akilissavaa. Pisiniartup piumasarisinnaanngilaa nutaajunerusumik pinissani nutaannginnertaa pissarsiarisinnaappat, kisiannili ilissi isumaqatigiissutigisinnaavarsi.

  • Nutaanik nioqqutissanik taamaallaat taarsiisinnaavutit. Pisiniartoq pisussaaffeqanngilaq nioqqutissamik nutarternikumik tigusissalluni soorlu assersuutigalugu oqarasuaat nassartariaq nutarternikoq.
  • Taarsiiguit taarsiineq pissaaq piffissap aalajangersimasup iluani. Nioqqutissap nutaajunerup tikisinnissaa sivitsorpallaarukku pisiniartup piumasarisinnaavaa pisineq atorunnaassasoq.
  • Nioqqutissamik taarsiiguit nutaamik ukiunik marlunnik maalaarsinnaatitaanermik taarsiinerup ulluaniit atulertussamik nioqqutissamut nutaamut ingerlasoqassaaq, aammalu ukiut tallimat aallaqqaataaniit kukkunerusumut paasinarsippaat nioqqutissaq nutaaq assiganik kukkuneqartoq.
Scroll to Top