Akianut appartitsineq

Akiata appartinneqarnissaa naliginnaasumik eqqartorneqalersarpoq annikittumik amigaateqartoqartillugu nioqqutissap atorneqaranut malunniuteqartoqanngippat, kisiannili soorlu assersuutigalugu taamaallaat kusanassusaanut malunniuteqartillugu.

Appartitsisoqarsinnaavoq aamma nioqqutissami nungullarnikumi amingaateqartoqartillugu. Nioqqutissaq nungullaqqangajaavippat imaluunniit ajortissimappat ajoqutaata takkunnerani naliginnaasumik pisiniartup pisineq unitsiinnarsinnaanngilaa. Amigaateqartoqariataassappat taarsiullugu naleqquttumik pisiap tamarmi akiani appartitsisinnaavutit. Assersuutigalugu kaminnik pisisoqarpat nungullangajaaveqqasunik mersorneranut qanilleqqasumik maalaarutigineqarnissamut piffissarititap naalernerani. Tassani pisiniartoq appartitsisinnaavoq.

Pisiniartup aatsaat piffissaq sivisooq atoreerlugit paasippagu nioqqutissaq atorneqarnissaminut annikitsumik amigaateqartoq tamanna aamma aaqqinneqarsinnaavoq appartitsinermik.

Kiisalu pisiniartoq nammineq kissaateqarsinnaavoq akia appartissallugu aaqqissortinnissaa imaluunniit taarsernissaa periarfissaanngippat.

Annikitsunnguit ajoqutit amigaataanngillat pisinermut inatsit malillugu aammalu taamaattumik pisiniartoq pisussaaffilertinngilaa appartissallugu. Assersuutigalugu akisaasap tunuani ikaartiterineq annikitsoq kukkunerusinnaavoq.

Appartitsinerup annertussusaa

Aalajangeruminaappoq qanoq annertutigisumik appartitsisoqassanersoq, kisiannili najoqqutakkuminartumik naapertuussinnaavoq atuisumut qanoq akeqassaneranut nioqqutissap aaqqissortinnissaanut. Aammattaaq isiginiarneqarsinnaavoq nioqqutissap qanoq atorneqarsinnaatiginera imaluunniit tuniniaqqinnerani nalinga ajornerulissappat amigaateqarneq peqqutigalugu.

Amigaateqarneq nalinganut ajornerulersitsinngippat soorlu assersuutigalugu nioqqqutissaq kukkusumik qalipaateqarpat illit nammineq naatsorsussavat appartitsineq suussanersoq, tassanili aatsaat pisiniartup appartitsineq tulluussorippagu.

Scroll to Top