Ikiuusersuineq – sunaava ?

Nioqqutissaq nalikillisanngikkaluarlugu aaqqissuunneqarsinnaavoq ikiuuserneqarsinnaalluniluunniit, suliaminut paasisimasalimmik isumannaatsumik suliarineqarsinnaappat. Taama pisoqarpat pisisartoq akiiliiseqqinneqassanngilaq annertuumilluunniit akornusersorneqarani.

Ikiuusersuineq tamatigut aaqqissuussinermik kiguneqarneq ajorpoq. Aamma nioqqutissap atornissaanut ilitsersuutaanik tunniussiinnarnerusinnaavoq imaluunniit nioqqutissap ilaata kingoraartissaanik taarsiinerusinnaalluni.

Tunngaviatigut nioqqutissiaq ataasiarlugu marloriarluguluunnit aaqqissuunneqarsinnaatitaavoq. Misiliinermi siullermi aaqqiiniarneq iluatsinngippat, pisiaq assiganik nutaamik taarsertariaqassavat aningaasalluunniit utertillugit. Qaqutigoorluinnartumik periarfissinneqarsinnaavutit nioqqutissiap aalajangersimasumik akornutaa arlaleriarlugu aaqqinniarneranut.

Marloriarlugu imaluunniit amerlanerusunik aaqqiiniarnissarnut periarfissinneqarusukkuit tamatigut tunngavilersorluagaasassaaq, piumasaqaataallunilu aaqqissuunneqarnissaata taarserneqarnissaaluunniit ataatsimut isigalugit piffissami sivikitsumi pisinnaanissaat.

Aaqqissueqqinnissamut piffissarlu sivikitsoq qanoq paasineqassanersoq uani itinerusumik atuarsinnaavatit

Nioqqutissaq ataaseq arlalinnik amingaatilik

Nioqqutissaq ataaseq arlalinnik assigiinngitsunik amingaateqarpat, naatsorsuutigisinnaassanngilat akornutaasut  immikkoortitaarlugit ataasiarlugit marloriarlugilluunniit aaqqinniarnissaanut periarfissinneqarnissat. Akornutit nutaat takkussuuttualissappata, pisisup akiliutai utertitsitariaqassuatit.

Nioqqutissaq nioqqutissiortumut imaluunniit sullivimmut nassiunneqassappat

Nioqqutissaq misissorniarlugu imaluunniit aaqqissortinniarlugu nassiunnissaa pisariaqassappat nioqqutissiortumut imaluunniit sullivimmut illit akisussaaffigivat tamanna pissasoq. Pisiniartoq innersuussinnaanngilat nammineerluni allamut attaveqassasoq illit tunulequtarniittumut.

Taakku aningaasartuutit nioqqutissap nioqqutissiortumut imaluunniit sullivimmut nassiunneranut atasut suliassaapput illit aammalu tunulequtippat akornanni.

Nioqqutissiortup imaluunniit nioqqutissanik eqqussuisup naammagittaalliut itigartippagu

Nioqqutissanik eqqussuisup nioqqutaatiliulluunniit naammagittaalliuut ilaatigut itigartissinnaasarpaat, imaassinnaangami imatut isummersortoq, nioqqutissaq akornuteqarsimanngitsoq, imaluunniit isumaqarluni nammineq aaqqissuisussaatitaanani, assersuutigalugu qulannarveeqqummut pisussaaffini qaangiutereersimappat.

Taamatut pisoqartillugu naammagittaalliuutigineqartoq eqqortuuppat, illit nammineq akisussaaffigissavat nioqqutissap aaqqissuunneqarnissaa imaluunniit taarserneqarnissaa, naammagittaalliorneq piginnaassuseqarfiuppat.

Aaqqissuunnerata maalaarutigineqarnissamut piffissarititai

Aaqqissuussineq pisoqalisoorneq pillugu inatsisinut ilaavoq. Tamanna isumaqarpoq pisiniartup naammagittaalliutigisinnaavaa suliarineqarnera ukiut tallimat tikillugit ajoqutip paasineqareernerata imaluunniit paasineqarsimaffissaraluata kingorna. Maalaarsinnaatitaaneq atorunnaassaaq nioqqutissaq naliginnaasumik nungullarsimappat taakkua ukiut tallimat sioqqullugit. Pisinnaatitaaffik ukiut 20-it aaqqissuussinerup naammassinerata kingorna atorunnaassaaq.

Aaqqissuussineq taartigiinnerusimappat imaluunniit paarlaassisoqarsimappat nioqqutissap annertuuanik taamaasilluni nutaamik maalaarutigineqarnissamut piffissarititaq ukiunut marlunnut atuutilissaaq tassunga taarsiummut. Taanna ajoqut aallaqqaataaniit aaqqissuussinermut pissutaasoq takkuteqqissappat pisiniartoq ukiut tallimat tikillugit maalaaruteqarsinnaavoq.

Scroll to Top