Maalaaruteqarsinnaatitaaneq – pisiniartup suut pisinnaatitaaffigivai?

Pisiniartup siullertut toqqarsinnaavaa nioqqutissaq aaqqissortikkusunnerlugu imaluunniit nutaamik pitaarusunnerluni. Illilli pisiniartup piumasaa itigartissinnaavat ilinnut assersuutigalugu aaqqiineq akisuallaarujussuassappat.

Nioqqutissiaq amigaateqarpat pisiniartup piumasarisinnaavaa amigaateqarneq ikiuuserneqassasoq. Sisamanik assigiinngitsunik periarfissaqarpoq:

  • Illit nioqqutissiaq aaqqissinnaavat
  • Nioqqutissiaq assiganik paarlaassinnaavat
  • Naleqquttumik akianik appaasinnaavutit
  • Pisineq atorunnaarsinneqassaaq aammalu aningaasat utertissavatit

Taakkua periarfissat sisamat tamatigut atuuttuaannanngillat. Assersuutigalugu nioqqutissiaq atornikuuppat imaluunniit saqqummiullugu tuninikuuppat taarserneqarsinnaanngillat, pissutigalugu allamik nioqqutissiamik assigusumik peqanngimmat. Nioqqutissiaq aammattaaq nioqqutaajunnaarsimasinnaavoq imaluunniit niuerfimmi nungussimalluni, taamaasillutillu illit taarsersinnaanagu imaluunniit aaqqissorsinnaanagu, pissutigalugu periarfissaanngimmat kingoraartissat pisariallit pissarsiarinissaat.

Siullertut tamatigut pisiniartup piumasaa itigartissutigisinnaavat pisinerup atorunnaarsinnissaanut tunngasoq imaluunniit akianik appartitsillutit neqeroorutigigukku pisiniartup toqqarsinnaagaa aaqqissortinnissaa imaluunniit taarsertinnissaa taakkua periarfissat ilaat najuuppat.

Pisiniartup taakkua periarfissat arlaat toqqarpagu aamma toqqarneqartoq itigartitsissutigeqqissinnaavat akisuallaartumik ilinnut aningaasartuuteqartitsippat.

Ikiorsiineq imaluunniit taarsiineq pisiniartarneq pillugu inatsimmi pissaaq:

  • Pissaaq piffissap naleqquttup iluani
  • Pisiniartumut aningaasartuutaassanngilaq
  • Pisiniartumut annertuumik akornutaassanngilaq

Piffissaq akornutaaneralu ataatsikkut nalilersorneri aalajangiisuusarput.

Piumasaqaataassaaq pisiniartup toqqagaa itigartitsissutigissagukku taanna periarfissaq sinneruttoq naammassineqarsinnaasoq piffissap naleqquttup iluani, aningaasartuuteqarfiunani aammalu pisiniartumut annertuumik akornutaanani.

Pisiniartup nammineerluni nioqqutissiamik aaqqeeriaraluarsimanera atatillugu kukkuneqalerpat

Aallaqqaataaniilli kukkuneq pisiniartarneq pillugu inatsimmi malittarisassanik matussuserneqarpat illit aallaavittut kukkuneq ikiorsissavat. Aamma tamanna atuuppoq naak pisiniartup nammineq kukkuneq aaqqeriaraluarsimappagu. Nioqqutissiaq aaqqissinnaagukku aaqqissavat, naak pisiniartup nioqqutissiaq ajortissimangaluarpagu.

Piumasarisinnaavalli pisiniartup kukkuneq aaqqeqqaassagaa nammineerluni pisussutigisani periarfissarnut sunniuteqassappat nioqqutissap aaqqinnissaanut. Kukkuneq aaqqissinnaavat nammineq pisiniartup pisuussutigisaa akiliisitsillutit.

Kukkuneq pinngorsimappat pisiniartup nammineq aaqqeeriaraluarsimanera atatillugu taamaasilluni taanna kukkuneq pisiniartarneq pillugu inatsisit malittarisassaanik matussuserneqanngilaq, aammalu taamaasillutit illit pisussaatitaanngilatit kukkunerup ikiorsernissaanut.

Aaqqissuussinermut aammalu taarsertinnissaanut toqqangassaq

Siunnersuut pitsaasoq

Eqqumaffigissavat akornutaa annertuumik millisissinnaagakku pisiniartumut neqerooruteqarlutit nioqqutissiamik atugassiamik utaqqinermi. Taanna nioqqutissiaq pisiniartup atungaa annertunerpaartaa imaluunniit tamakkiisumik pisiniartup nammineq nioqqutaanut assiguppat piffissamik sivisunerulaamik tunisinnaavaatit pitsaasumik aaqqiinermik nassaarnissamik.

Scroll to Top