Nioqqutissamik assartuineq maalaaruteqartoqartillugu

Maalaaruteqarneq maalaaruteqarsinnaatitaanermut ilaappat ikiorsiineq pisiniartumut aningaasartuutaassanngilaq. Tuniniaasutut tamanna atatillugu illit aningaasartuutit tamaasa akilissavatit aamma assartuineq.

Eqqartorneqarpata pequtit mikinerit ajornanngitsumik nassarneqarsinnaasut pisortatigut assartuinikkut naatsorsuutigisinnaavat pisiniartup nammineq nioqqutissaq pisiniarfernut tunniutissagaa, pisiniartoq illoqarfeqatigigukku imaluunniit nunaqarfeqatigigukku. Eqqartorneqarpata anginerit aammalu suliariuminaatsut pequtit nioqqutissaq pisiartorni misissortariaqarsinnaavat imaluunniit sullivimmut akiliillutit assartortillugu.

Pisiniartoq suleqataassaaq

Nioqqutissaq takusinnaatitaavat maalaaruteqarnerup isummerfiginnginnerani, taamaasillunilu pisiniartup suleqataaffigissavaa nioqqutissaq ilinnut nassiullugu imaluunniit angerlarsimalluni montøri imaluunniit nassiussanik angallassisartoq aggerpat. Pisiniartoq piumaffigigukku nioqqutissaq ilinnut nassiuteqqullugu illit frimærkiliussaq utertissavat maalaaruteqarneq naleqquttumik pissuteqarpat.

Piumasaqaruit nioqqutissaq aalajangersimasumik poortorneqassasoq soorlu assersuutigalugu formimut ilusilerlugu plastikkimut illit poortuut pisiniartumut nassiuttariaqarpat. Piumasaqarsinnaanngilatit pisiniartup suli poortuutissavittaa pigissagaa.

Pisiniartoq ungasissumi najugaqarpat

Assartuussinermut aningaasartuutit illit akilissavatit, naak pisiniartoq ungasissumi najugaqaraluarpat imaluunniit pisereernermi illoqarfimmut nunaqarfimmulluunniit allamut nuussimappat. Tamanna aamma atuuppoq pisiniartoq nunamut allamut nuussimangaluarpat.

Siunnersuut pitsaasoq

Assartuinermut aningaasartuutit qaffasippata misissorsinnaavat ilinnut akilersinnnaanersoq pisiniartup nioqqutissaq illoqarfimmini misissortissinnaaneraa aammalu aaqqissortillugu illit akiligarnik.

Scroll to Top