Pisiniartarnermut inatsimmi atuisartoq ukiuni marlunni maalaaruteqarnissamut piffissaliussisarpoq. Taanna pisinnaatitaaffik saneqqunneqarsinnaanngilaq atuisartumut ajoqusiilluni. Illit isumaqatigiissusiorsinnaanngilatit maalaaruteqarnissamut piffissaliussamik naannermik pisiniartorlu.
Pisiniartarnermut inatsit ukiunik marlunnik maalaaruteqarnissamik piffissaliisoqq atuisartunut pisinermi tamatigut atuuttuaannarpoq. Illit isumaqatigiissusiorsinnaanngilatit maalaaruteqarnissamut piffissaliussamik naannermik pisiniartorlu, naak pisiniartoq isumaqataangaluarpat. Maalaaruteqarnissamik pisinnaaffik pisinnaatitaaffiuvoq pisiniartup maalaaruteqarnissaanut.
Tassani piffissami pisiniartup maalaaruteqarsinnaatitaaffiani illit maalaaruteqarnerit nioqqutissamut kukkunernut amigaatinullu isumagisariaqarpatit. Pisiniartoq maalaaruteqassaaq piffissap tulluartup iluani amigaateqarnerup paasinerata kingorna. Oqaatigiuminaappoq suna ”piffissaq tulluartuunersoq”, kisiannili pisiniartoq maalaaruteqassappat qaammatit marluk qaangiutsinnagit amigaateqarnerup paasereernerata kingorna tamatigut maalaaruteqartoqarsimassaaq tulluartup piffissap iluani.
Inatsisit allat inuutissarsiutigalugu ingerlatsisut niuerpata
Illit nammineq – inuutissarsiutigalugu ingerlatsisutut – niueruit inatsisit allat atuutissapput. Niuernermi pisisoqartillugu imaluunniit business to business (B2B)-tut taaneqartartumi isumaqatigiinnermi kiffaanngissuseqarpoq. Tamanna isumaqarpoq illit pisiortorfiillu nammineq atungassat isumaqatigiissutigisinnaavasi soorlu assersuutigalugu nioqqutissamik pisiniarfernut tikisitsiguit. Isumaqatigiissutigisinnaavarsi illit pisiortorfiit taamaallaat maalaarutinik nioqqutissat pillugit ukioq ataasiinnaq tigusisinnaasoq.
”Maalaaruteqarnissamut ajornartorsiulerneq”
Illit nammineq maalaaruteqarnissamut piffissaliussamik naannermik pisiortorfigisarniit pisimaguit illit pisussaaffigisarniit pisiniartornut allaanerusumik ajornartorsiulersinnaavutit nioqqutissiani kukkunernik nassaartoqarpat illit nammineq maalaaruteqarsinnaanermut piffissaliussat naasimappat. Taamannak pisoqartillugu nammineq akiliisariaqassaatit nioqqutissiaq pisiniartarnermut inatsimmi malittarisassat malillugit aaqqinneqassappat.
Pisiortorfinniit qularnaveeqqusiineq
Tamanna assiganik aamma atuuppoq pisiortorfik nioqqutissamut qularnaveeqqusiiguni pisiniartarnermut inatsimmi maalaaruteqarnissamut piffissaliussap ukiut marluusuniit naanneruppat.
Qularnaveeqqut
Oqaatsit qularnaveeqqut aammalu maalaaruteqarsinnaatitaaneq taarseraallugit atorneqakkajuttarput, kisiannili isumanaat assigiinnatik. Pisiniartarnermut inatsimmi maalaaruteqarsinnnaatitaaneq atuisartunut pisinermi tamatigut atuuttarpoq.
Qularnaveeqqusiinerit tuniniaasumiit tunniunneqartarput aammalu nammineq kajumissusermik isumaqatigiissutaallutik pisiniartup tuniniaasullu iluanni. Suliffeqarfimmut nammineq toqqangassaavoq qularnaveeqquseerusinnerluni imaluunniit naamik. Suliffeqarfiup taamaattumik aamma nammineq aalajangissavaa qularnaveeqqusiineq qanoq annerutigissanersoq soorlu assersuutigalugu nioqqutissamut tamaat imaluunniit ilaannakortumik atuutissanersoq. Qularnaveeqqusiinerulli atuisartup saneqqunneqarsinnaanngitsut pisinnaatitaaffii sunniuteqarfigissanngilai malittarisassat malillugit, aammalu paarlaanneqassanngilaq inatsisitigut malittarisassaliornikumut maalaaruteqarsinnaatitaanermut imaluunniit maalaaruteqarnissamut piffissaliussamut.
Atuisartut nioqqutissiap ajoquteqarsinnaaneranut akisussaaffimmut inatsit malillugu pisussaatitaapput qularnaveeqqutit allaganngorlugit pinissaat. Allaganngorlugit qularnaveeqqutit kalaallisut, danskit tuluttullu allaqqasassapput. Atuisartup nammineq toqqassavaa taakkunani oqaatsini pingasuni sorleq atorlugu qularnaveeqqusiineq tunniunneqassanersoq.
Qularnaveeqqusiinerup maalaaruteqarsinnaatitaaneq taarsiutiginngilaa. Soorlu assersuutigalugu cykkelimik tunisiguit, tassanilu cykkelip saanitaa ukiuni tallimani qularnaveeqquteqarluni pisiniartup maalaaruteqarsinnaatitaaneranut piffissaa ukiut marluusoq cykkeli tamakkerlugu amigaatinut, taamaalisukkullu taanna immikkut saanitaata qularnaveeqqutaa. Taakkua ukiut marluk qaagiuppata pisiniartup suli ukiut pingasut saanitaanut qularnaveeqqummit peqassaaq. Taamaalisoqarpat pisiniartup maalaarutigisinnaasai tassaapput ajoqusernerit qularnaveeqqutip matussusigai soorlu assersuutigalugu saanitaanik napisoqarpat.
Qularnaveeqqusiineq paasineqassaaq imarisaa naapertorlugu. Tamanna tunngatillugu paasissutissiisoqanngippat imaluunniit immikkut aalajangersimasumik neriorsuisoqarsimanngippat naatsorsuutigineqartariaqassaaq qularnaveeqqusiinerup minnerpaamik nioqqutissiap ingerlasinnaanera matussuseqqassagaa piffissami tassani qularnaveeqqusiinerup tunniussaani.