IP-Transit-imut accessnet-imullu niuerfimmut tunngasumik aalajangiineq

Atuisartoqarnermut Unammilleqatigiinnermullu Aqutsisoqarfik IP-Transit-imut access-imullu attavimmut niuerfiit pillugit tuniniaavimmut aalajangiinera. Niuerfimmut tunngasumik aalajangiinerup operatørinut akuersissummillu pigisaqartunut pisinnaatitaaffiit nutaat pisussaatitaaffiillu ilannguppai, taamaalilluni attaveqaatinik neqerooruteqartartunut nioqquteqarfinni unammilleqatigiinneq qulakkiissallugu.

Niuerfimmut tunngasumik aalajangiinermi attaveqaatinik neqerooruteqartartut niuerfiit misissorneqarput, Tele Greenlandilu nioqqutinut IP-Transt-inut accessnet-inullu neqeroortutut salliusutut inissisimasutut toqqarneqarpoq. Aqutsisoqarfiup neqeroortartoq salliusutut inissisimasoq toqqarpagu, ataaatsimik arlalinnilluunniit neqerooruteqartoq tuniniaaffinni unammilleqatigiinnissamik qulakkeerinninnissamik pisussaaffilerneqassaaq. Nittartakkatigut isersinnaatitaanissamik, akinik nakkutilliinissamik, assigiinngisitsinnginnissamik, akimut ersittuutitsinissaq, naatsorsuutitigut immikkoortukkuutaartumik aaqqissuussaanissaanilluunniit Atuisartoqarnermut Unammilleqatigiinnermullu Aqutsisoqarfiup Tele Greenland pisussaaffilissavaa.

Ingerlatsisut namminersortut attaveqaatinik neqerooruteqartarnermi pisarialinnik nioqqutinik ataatsimoortunik pissarsisinnaassasut nittartakkatigut isersinnaatitaanermik pisussaaffiliinerup qulakkiissavaa . Niuerfimmut tunngasumik aalajangiinermi internetimut attaveqaateqarnermi tuniniakkanik neqerooruteqartussanngorlugu Tele Greenland pisussaaffilerneqassaaq. BitStream Access, fiberikkut attaveqarneq, aqquteqanngitsumik attaveqarneq (trådløs), ataatsimut ineqarneq, illoqarfiit nunaqarfiillu akornanni kiisalu nunap avataani IP-Transit.

Akinik nakkutilliinermut pisussaaffiliinerup qulakkiissavaa ingerlatsisunut namminersortunut nioqqutit ataatsimoortut naleqquttumik akillit pissarsiarineqarsinnaassasut Tele Greenlandip nioqqutaanut akikitsunut matussusiisinnaasunik. Nalunaarasuartarnermut aqutsisoqarfiup 2012-miit akissaannik aalajangiisarnermi Global IP-Transit-imut akigititanut ilusiliussaa ingerlateqqinneqassasoq ilusiliussallu Niuerfimmut tunngasumik aalajangiinerup IP-Transit-imi nioqqutit tamaasa matussusissagai. Accessnet nioqqutillu ataatsimut ineqarnissamut tunngasut oqaluttuarisaanikkut aningaasartuutit tunngavigalugit akii aalajangersarneqassasut. Taassuma saniatigut Tele Greenland akitigut kiggissimaartitsinnginnissaminut assigiinngisitsinnginnissaminullu  pisussaaffilerneqassaaq.

Assigiinngisitsinnginnissaminut pisussaaffiup nassatarissavaa Tele Greenlandip assigiinngisitsinnginnissaa. Ingerlatseqatigiiffik attaveqaatinik neqerooruteqartartut immikkoortortaqarfiilu, ingerlatseqatigisat suleqatilluunniit assigiimmik nioqqutinik ataatsimoortunik qinigassissallugit Tele Greenland qulakkeerinnissalluni pisussaasoq, tamanna isumaqarpoq.

Akimut ersittuutitsinissaq naatsorsuutitigullu immikkoortukkuutaartumik aaqqissuussinissamut, qulakkiissallugu ingerlatsisut namminersortut nioqqutinut paasissutissanik pissarsisinnaanissaannik kiisalu aqutsisoqarfiup pisussaaffiliinerit allat eqqortinneqarnersut nakkutiginninnissaanik Tele Greenland pisussaatitaavoq.

Ingerlatsisut namminersortut nutaat nioqqutinik ataatsimoortunik pisarialinnik ingerlatsisullu namminersortut Tele Greenlandip attaaveqatigiiffini fiberitigut attaveqaatinik aamma bredbåndimut tunngasunik nioqqutinik aqquteqanngitsunik pissarsisinnaanissaat niuerfimmut tunngasumik aalajangiinerup qulakkiissavaa.

18 00414 IP Transit Imut Accessnet Imullu Niuerfimmut Tunngasumik Aalajangiineq
Scroll to Top