Juullimi tunissutissanik pisinermi siunnersuutit pitsaasut aajuku

Atuisartoqarnermut Unammilleqatigiinnermullu Aqutsisoqarfiup juullimut tunissutissanut pisiniarnermut, kingornagullu paarlaatitsiniarnermut akikilliliinernullu malinnittunut, najoqqutassianik tallimanik pitsaasunik siunnersuutilinnik katersuisimavoq.

Najoqqutassiat tallimat makkuninnga imaqarput:

  1. Internet-ikkut juullimut tunissutissanik pisineq
  2. Allagartat tunissutit (gavekort) juullimi tunissutitut
  3. Pisiniarfinni taarsiinissamut malittarisassat
  4. Internet-ikkut pisinermi taarsiinissamut malittarisassat
  5. Akikilliliinerni piginnaatsitaaffiit

 

Najoqqutassiaq: Internet-ikkut juullimut tunissutissanik pisinermut siunnersuutit pitsaasut

  • Misissoruk pisiniarfiup atini, adresse, mail aammalu oqarasuaataasinnaasup normua allassimaneraa
  • Kortinik akiliutinik akiliinermi, kort-ip normuata, atorunnaarfissaata, normuata uppernasaatit ikkunneqarsinaaffiusumi akiliiffissalinni taamaallaat akiliisarit
  • Misissoruk nioqqutissaq suminngaaniit nassiunneqassanersoq. Nioqqutissaq Kalaallit Nunaata avataaniit nassiunneqassappat, nioqqutissap qaavatigut akitsuutinik akiliisitaasinnaavutit.
  • Misissoruk tunissutissap paarlaatsinnissaa qanoq ajornakusoortiginersoq imaluunniit qanoq akisutiginersoq
  • Misissoruk tunissutissaq siusinaarlutit pisiarisimagukku tunissutip paarlaatinnissaanut piffissaq sivitsortissinnaanerit. Internet-ikkut pisinermi ullut 14-it pisinermi peqqissiminissamut periarfissaapput
  • Nioqqutissap tigunerani ingerlaannaq misissoruk. Nioqqutissaq tikinnermini aserorsimappat, tunisisup aaqqissortissavaa taarserluguluunniit

 

Najoqqutassiaq: Allagartat tunissutit (gavekort) juullimi tunissutitut

  • Nalinginnaasumik allagartat tunissutit ukiuni tallimani atuussinnaaffeqarput, atuussinnaaffilli alla isumaqatigiissutigineqarsinnaavoq
  • Sivikinnermik atuussinnaaffilerneqarpat, naammaginanngitsumik sivikitsumik piffissalerneqassanngilaq. Ukiumik ataatsimik sivikinnermik atussinnaaffiliinerit nalinginnaasumik akuerineqarneq ajorput
  • Allagartamik tunissummik tunineqartup nalinginnaasumik tunissutip nalinga aningaasanngorlugu tigusinnaanngilaa. Pisiniarfiup tamanna neriorsuutigippassuk allagartartaani allaganngorlugu allatsigut.

 

Najoqqutassiaq: Paarlaatitsinermut malittarisassat – Tunissutissaq pisiniarfimmi pisiaappat:

  • Tunissutissaq paarlaanneqarsinnaavoq imaluunniit utertinneqarsinnaavoq pisinermi isumaqatigiissutigineqarsimappat
  • Pisinermi allagartaqartariaqarputit, imaluunniit paarlaatinnissamut meqqeqassaaq
  • Nioqqutissap nutaatut tuniniaqqissinnaanissaa naatsorsuutigissavat. Atorneqarsimassanngilaq, meqqitai peerneqarsimassanngillat, nioqqutissallu puaa nalinginnaasumik ilanngunneqassaaq.
  • Paarlaatinnissamut piginnaatitaaffiup nioqqutissamik allamik pisiniarfimmi toqqaatitsisinnaatippaatit
  • Utertitsinissamut piginnaatitaaffiup nioqqutissap akiliutaata utertinnissaanut periarfeqartippaatit
  • Piffissaq killiliussaq isumaqatigiissutaasoq ataqqineqassaaq

 

Najoqqutassiaq: Paarlaatitsinermut malittarisassat – Tunissutissaq internet-ikkut pisiaappat:

  • Juullimut tunissutissaq internet-ikkut pisiaappat, peqqissiminissamut piffissaritaasoq ullut 14-iupput, tunisisup nioqqutissamik tigusineraniit, allamik sivisunerusumik isumaqatigiittoqarsimanngippat
  • Piffissaliussap naannginnerani tunisisoq nalunaarfigissavat peqqissiminermut piginnaatitaaffiit atorusullugu. Allakatigut peqqissimininermut nalunaarut nassiutissagukku, piffissaq killiliussap naanissaa sioqqullugu allagaq nassiussimassaaq
  • Nioqqutissaq aamma piffissap killiussap naannginnerani nassiunneqarsimassaaq. Nioqqutissaq nassiutissagukku piffissap killiussap naannginnerani nassiunneqarsimassaaq
  • Nassiunneranut akia nammineq akilissavat, internet-ikkut pisiniarfiup akeqanngitsumik nassiunnissaa isumaginianngippagu
  • Internet-ikkut pisiniarfiup tunissutissaq akisussaaffigivaat illit tigumminerani aammalu nassiunneqarnerata nalaani. Taamaammat tunissutissaq aserussagaluarpat imaluunniit ajutoornermi tammassagaluarpat aningaasat utertissinnaavatit.
  • Pisiniarfimmisut nioqqutissamik misiliisinnaatitaavutit. Tamanna sinnerlugu nioqqutissaq atorneqarsimappat taava pisiarinera peqqissimissutigineqarsinnanngilaq pisiniarfiup tamanna neriorsuutigisimanngippagu
  • Tunissutissap aningaasartai nalinginnaasumik tunniussisup konto-anut utertinneqartarput

 

Najoqqutassiaq: Akikilliliinerni piginnaatitaaffiit

  • Eqqumaffigiuk, pisiniarfiviit amerlasuut, utertitsisinnaanermut paarlaatitsisinnaanermilluunniit periarfissiisut, allagarsiisarmata tamanna akikilliliinerni atuutinngitsoq. Internet-ikkut akikillisimamik pisisimaguit nalinginnaasumik peqqissiminissamut piffissaq killiussaq ullut 14-iusarput

Ukiut marluk naammagittaalliornissamut periarfissaqartuaannarputit – aamma nioqqutissanut akikillisanut. Nioqqutissamili akorngutinut pisiarinerani nalunaarutigineqarsimasunut, akikillineqarneranullu peqqutaasumut naammagittaalliorsinnaatitaanngilatit.

Scroll to Top