Uagut pilluta
Uagut tassaavugut aqutsisoqarfiaraq 15-inik sulisulik ilinniarsimassuseq najoqqutaralugu immikkoortortanut sisamanut agguarnikuulluta: Unammilleqatigiinnermut Aqutsisoqarfik, Atuisartoqarnermut Aqutsisoqarfik, Maalaartarfiit Aqutsisoqarfiat aammalu allattoqarfik.
Atuisartoqarnermut Unammilleqatigiinnermullu Aqutsisoqarfik allattoqarfiuvoq aaliangiisartunut arlalinnut ataatsimiititalianullu. Aqutsisoqarfimmi Atuisumi aamma suliffeqarfiit innuttaasunik tapersersortarialinnik suliffissaqartitsisut nalunaarsuisarnermut suliaqarpoq.
Suliavut amerlanerpaat inunnik isumaginninnermi, inissaqarniarnermi atuisartoqarnermilu agguataarsimapput. Tamakkua saniatigut unammilleqatigiinnermut tunngasunik suliassat kiisalu Avatangiisit innarlitsaaliorneqarnissaannik maalaaruteqarnermi suliassat aamma isumagineqartarlutik.
Atorfik pillugu
Allafimmi pisortaq ulluinnarni Allattoqarfiup aqunneqarnera nakkutigisarivaa tassaniippullu sulisut sisamat. Allafiup pisortaa aqutsisoqarfiup pisortaanut toqqaannartumik ataaniippoq aqutsisoqarfiullu eqimattakkaarluni aqutsisuiniilluni.
Allattoqarfiup suliassat siammasilluartut nakkutigisarai, allafimmilu pisortaa suliassat sunniuteqarluarnerpaamik naammassineqarnissaat nakkutigisassarai, tassaasut:
- Allaffissornikkut suliassat tigussaasumik suliassaasut ingerlaarnerini, soorlu assersuutigalugu suliamut tunngasutigut aaqqissuussineq, allagaatinik pissarsiniarnissaq il.il.
- Innuttaasunik ilitsersuineq
- Nutsigassanik allaffissornikkut pitsaassutsimikkullu nakkutiginninneq, tamatumani aamma oqaatsit suliamut tungaasutigut taaguusersuutaasa inerisarnissaat
- Oqarasuaatinik nakkutiginninneq, saaffiginnittarfiup allakkerisarfimmilu karsit pingaarnerit nakkutiginissaat
- Naatsorsuineq, akitsuutinik allaffissorneq, nittartagakkut aningaaserivik, naatsorsuutinut ilitsersuut, pigisat allattorsimaffii il.il.
- IT, nittartargarput toqqaannartumillu nittartakkakkut naapittarfiit
- Pisiassat, inniminniisarnerit, illup avataatigut pisiortortarfiit attaveqarfigineqarnerat il.il.
- Init ataatsimoorfiusut allaffissornikkut nakkutigineri, tamatumuuna aamma ataatsimiittarfiit, init naqiteriviusut il.il.
Allaffiup pisortaa suliassaraa aqutsissalluni, pitsanngorsaassalluni, Atuisartoqarnermut Unammilleqatigiinnermullu Aqutsisoqarfimmi allaffissornikkut digitaliseeriineq inerisaanerlu, innuttaasunut, inuussutissarsiortunut sulisunullu iluaqutaaqqullugu.
Allaffiup pisortaa allattoqarfimmi pisortatut allattoqarfimmut aqutsiveqarfiullu immikkoortortaanut allanut attaveqaataavoq, kiisalu aqutsiveqarfiup soqutigisaqaqatigiivinut illup avataaniittunut attaveqaataalluni.
Allattoqarfiup suliassaatai atituumik inissisimasuupput tamannalu pissutigalugu allaffiup pisortaa ulluinnarni pingaarnersiuillunilu aqutsilluarsinnaanera pisariaqartinneqarpoq. Tamanna pissutigalugu inuttassarsiornermi inuk qajannaatsoq pissarsiarineqarpoq, ulluinnarni ulapaarfiusumi sulisunut aqutsilluarlunilu kajumissaarisinnaalluartoq atorfissaqartinneqarluni.
Illit pillutit naatsorsuutigaarput
Ilinnut tunngatillugu naatsorsuutigaarput, illit:
- Naleqquttumik iliniarsimanissat
- Aqutsinikkut misilittagaqarnissat
- Ulluinnarni tamalaanik pisoqarfiusumi ingerlalluarsinnaasutit
- Ilusilersuillaqqittutit pitsaassutsimillu ilisimaqarluarlutit
- Oqaatsitigut oqaluttuariarsornermi aammalu allattariarsornermi
- ajunngitsumik piginnaasaqarnissat, ajornanngippat kalaallisut qallunaatullu
- Inunnut assigiinngitsunut attaveqallaqqissoq naak assigiinngiiaartumik tunulequtaqaraluartut
- Namminersorluarlutit sulisinnaallutit suleqatigiillaqqittuusutit
Aamma pitsaaqutaassagaluarpoq:
- Pisortani allaffissornikkut misilittagaqarnissaq naalakkersuinikkullu aqunneqartumi sulereersimanissaq
- Kalaallit oqaasiinut, kulturiannut inuiaqatigiivinullu paasisimasaqarnissaq
Akissarsiat atorfininnermilu atugassarititaasut
Atorfik massakkorpiaq immikkoortiterlugu inissisimavoq/akissarsiatigut inissinneqareersimavoq LR 36-imut. Sulinissap annertussusaa aallaavittut sapaatip akunneranut akunnernik 40-nik sivisussuseqarput.
Atorfimmut piareersimasussaatitaaneq ukiumut 320 tiimiuvoq, ukiup sisamararterutaanut akunnerit 80-it kiisalu freerfissaagaluami ajunngitsorsiassaqarsinnaatitaanermik malittarisassat atuunnatik.
Akissarsianut atorfininnermullu atugassarititaasut, tamatumani atorfininnermi soraarnermilu angalanissatigut akiliunneqarneq nuunnermilu pisattanik nassataqarneq, atorfininnerup nalaani tassani piffissaritaasumi isumaqatigiissutaasut atuuttut Kalaallit Nunaanni Namminersortut atorfinittullu kattuffia isumaqatiginninniartitaasinnaanera naapertorlugit.
Ineqarneq:
Atorfimmut atatillugu sulisunut inissamik innersuussisoqarsinnaanngilaq. Qinnuteqartorli Namminersorlutik Oqartussani atorfeqarnini aqqutigalugu sulisutut ineqareersimaguni sulisunut inissiamik innersuusiffigineqarsinnaanini attatiinnassavaa. Atorfimmut atatillugu ini atorfeqarnermut tunngavoq atorfeqarnerullu taamaatinneqarnerani qimanneqassalluni.
Paasissutissat allat
Atorfik pillugu annertunerusumik paasisaqarusukkuit, tikilluaqquneqarputit aqutsisoqarfimmi pisortaagallartoq Rannvá Clementsen, +299 34 54 23, racl@nanoq.gl.
Atuisartoqarnermut Unammilleqatigiinnermullu Aqutsisoqarfik pillugu annertunerusumik aamma uani takusaqarsinnaavutit www.aua.gl aamma Namminersorlutik Oqartussat pillugit uani www.naalakkersuisut.gl.
Qinnuteqarneq
Qinnuteqarnissamik piffissartitaasoq tassaavoq 25.02.2021.
Atorfinitsitsiniarnermut tunngatillugu oqaloqatigiinnissat ingerlaavaartumik ingerlanneqassapput.
Una toortagaq tuuinnarlugu qinnuteqaatit ikkussinnaavat ilanngussassatit ilanngutereerlugit.
Atorfininnissamik piffissarititaasut
Suliffik piaarnerpaamik inuttalersorusupparput, taamaattoq aamma piffissaqarpugut inuttassaattut piukkuneqartoq utaqqisinnaallugu.
Qinnuteqaat nassiuguk