Inissiaatileqatigiiffiup nutaamik najukkamit nutsernermi akiligassamik nassissavaatit

Inigisavit qimanneranut atatillugu akiligassat pillugu Inissiaatileqatigiiffiup aalajangiineranut tunngasumik maalaaruteqarnerit Ineqarneq pillugu Maalaaruteqartarfiup ulloq 12. aggusti 2021-mi suliarivaa imalu aalajangiivoq Ineqarneq pillugu Maalaaruteqartarfik ima aalajangiivoq:

AALAJANGIINEQ 

Ineqarneq pillugu Maalaaruteqartarfik isumaqarpoq, najugakunni YYZ

pillugu nalinginnaasumik iluarsartuussineq akilissanngikkit.

Taamaattumik inissiaatileqatigiiffiup nutaamik najukkamit nutsernermi akiligassamik nassissavaatit, tassani nalinginnaasumik iluarsartuussinermi akigititaq ilanngaatigalugu.

Ineqarneq pillugu Maalaaruteqarfiup eqqiaaneq pillugu apeqqutigineqartoq suliarisinnaanngilaa, tassani eqqiaanermut tunngasunik uppernarsaatinik nassiussisoqarsimanngimmat.

Ineqarneq pillugu Maalaaruteqartarfik inimi titartugaq pillugu apeqqummi paarsinerlunnermut tunngasumik suliarinninnissamut piginnaatitaanngilaq.

Aammattaaq Ineqarneq pillugu Maalaaruteqartarfik ineqarnermut akiliutip qaffanneqarnera pillugu apeqqummut suliaqarnissaminut piginnaatitaanngilaq.

Kalaallit Nunaata Eqqartuussivianut unnerluussinissannut innersuunneqarputit, qulaani apeqqutit suliarisinnaanngisagut maalaarutigerusukkukkit.

Tassa imaappoq maalaarutit ilaannakuusumik isumaqataaffigineqarpoq.

Inissianik attartortitsisarneq pillugu Inatsisartut peqqussutaat nr. 2, 12. maaji 2005-imeersoq kingusinnerusukkut allannguuteqartoq naapertorlugu aaliangiisoqarpoq.

Suliami allagaatit:

  1. Ineqarneq pillugu Maalaaruteqartarfimmut maalaarutit maaji 2020-meersoq.
  2. Attartornermut isumaqatigiissut apriili 2016-imeersoq.
  3. Misissuinermi nalunaarusiaq februaari 2018-imeersoq.
  4. Najukkamit nutsernermi akiligassaq apriili 2018-imeersoq.
  5. Nalinginnaasumik iluarsartuussineq pillugu akiligassaq apriili 2018-imeersoq.
  6. Eqqiaanermut akiligassaq februaari 2018-imeersoq.
  7. Pisussaaffimmik sumiginnaaneq pillugu akiligassaq 11. apriili 2018-
  8. Inissiaatileqatigiiffimmiit suliaq pillugu oqaaseqaat 31. juuli 2020-
  9. Oqarasuaatikkut saaffiginninnerit pillugu nalunaarusiaq novembari 2020-meersoq.
  10. Tusarniaanermi akissutit novembari 2020-meersoq.
  11. Inissiaatileqatigiiffimmiit suliaq pillugu oqaaseqaat 19. maaji 2021-
  12. Oqarasuaatikkut saaffiginninnerit pillugu nalunaarusiaq maaji 2021-meersoq.
  13. Inissiaatileqatigiiffimmiit suliaq pillugu oqaaseqaat 26. maaji 2021-meersoq.

Nassuiaat:

Ulloq 26. februaari 2020 Ineqarneq pillugu Maalaaruteqarfimmut inissiaatileqatigiiffik aqqutigalugu najugaqarfiginikuusat, YYX pillugu maalaaruteqarputit.

Attartornermut isumaqatigiissummi takuneqarsinnaavoq, najugaq ulloq apriili 2016-imi tigusimagit.

Inissiaq 23 m²-uvoq najugaqatigiiffimmi agguarneqarnikoq.

Najugaq ulloq 19. februaari 2018-imi nooreertussanngorlutit qimappat, ullorlu 26. februaari 2018-imi najukkat misissortinneqarpoq.

Nakkutilliinermi nalunaarusiaq ilinnit atsiorneqarsimanngilaq.

Nakkutilliinermi nalunaarusiaq 26. februaari 2018-imeersoq malillugu, najukkap iigai qilaavilu nalinginnaasumik qalipanneqarlutik aamma ataasia masammik tigusisinnaanngitsumik qalipanneqarlutik iluarsartuunneqartussaapput.

Taassuma saniatigut oqaatigineqarpoq, najugaq eqqiarneqassasoq pisussaaffimmillu sumiginnaaneq pillugu iluarsartuunneqassasoq.

Inigisavit qimanneranut atatillugu akiligassami 17. apriili 2018-imeersumi takuneqarsinnaavoq, 9293 koruuninik nalinginnaasumik iluarsartuutsitsinermut 22 %-mik ilanngaaseqqaarnagit, isumaqartoq inigisanni qaammatit amerlassusaat naapertorlugu, akiligassitsissimavutit.

Aammattaaq takuneqarsinnaavoq, pisussaaffimmik sumiginnaaninnut 3753 koruuninik aamma akitsuummik 35 koruuninik nalilinnik akiligassitsissimasutit.

Taassuma saniatigut takuneqarsinnaavoq, 1122,69 koruuninik imeqarnermut aamma 6346,46 koruuninik kiassarnermut akiligassanik utertiivigineqassasutit.

Naggataatigut 5937 koruunit qularnaveeqqummut akilersimavatit.

Taamaattumik inissiaatileqatigiiffimmiit katillugit 2369,61 koruunit utertoorutigissavatit.

ZZV-imiit akiligassaq ulloq 11. apriili 2018-imi nassiunneqarnikumi najugaq 9293 koruuninik nalilinnik nalinginnaasumik iluarsartuutsissimavoq.

Akiligassaq YXZ-imiit ulloq 26. februaari 2018-imi nassiunneqarnikumi najugaq 25000 koruunimut eqqiartissimavoq.

ZZV-imiit akiligassaq ulloq 11. apriili 2018-imi nassiunneqarnikumi najugaq pisussaaffimmik sumiginnaaneq peqqutaalluni 1253 koruunit nalinganut iluarsartuunneqarsimavoq.

Ulloq 26. maaji 2020 Atuisartoqarnermut Unammilleqatigiinnermullu Aqutsisoqarfimmut ornigullutit saaffiginninninni ilisimatitsiivutit, najukkamit nutsernermi akiligassaq maallaarutigalugu, aaliangiusimallugulu najukkavit qimannginnerani eqqiareersimallugu.

Inissiaatileqatigiiffiup Ulloq 31. juuli 2020-mi Ineqarneq pillugu Maalaaruteqartarfimmut oqaatigaa, sikaaviit, amusarissat illullu iluani matut nakkutilliinermi nalunaarusiaq malillugu eqqiarneqarsimanngitsut.

Aammattaaq inissiaatileqatigiiffiup oqaatigaa, najukkamit nutsernermi akiligassaq nalinginnaasumik iluarsartuussineq iikkanik qilaanillu qalipaanertalinnik imaqartoq, taakkununngalu akiligassat ilinnut inissiaatileqatigiiffimmullu agguataarneqarnikut, tassani ilinnut 9292 koruunit akiligassanngortinneqarsimallutik, inissiaatileqatigiiffimmullu 2044,46 koruunit akiligassanngorsimallutik.

Naggataatigut inissiaatileqatigiiffiup oqaatigaa, najukkamit nutsernermut atatillugu nakkutilliinermut ilaasimannginnavit, nakkutilliinermi nalunaarusiaq inissiaatileqatigiiffimmi sulisunit marlunnik atsiorneqarsimasoq.

Ineqarneq pillugu Maalaaruteqartarfimmut ulloq 24. novembari 2020-mi oqarasuaatikkut ilisimatitsiivutit, eqqiaanermut akiligassaq naammagittaalliuutigalugu.

Aammattaaq ilisimatitsiivutit, sikaaviit amusarissallu ilanngullugit eqqiarsimallugit.

Ulloq 27. novembari 2020 Ineqarneq pillugu Maalaaruteqartarfimmut oqaatigaat, paniillu najukkat eqqiarluarsimallugu. Aammattaaq oqaatigaat, ineeraq, sikaaviit marluk, perusuersartarfik isaariarlu eqqiarsimallugit.

Inissiaatileqatigiiffiup ulloq 19. maaji 2021-mi Ineqarneq pillugu Maalaaruteqatarfimmut oqaatigaa, najukkamit nutsernermut atatillugu assinik allagaataasivimmut inissiisoqarnikuunngitsoq.

Ineqarneq pillugu Maalaaruteqartarfimmut ulloq 25. maaji 2021-mi oqarasuaatikkut ilisimatitsiivutit, nakkutilliinermut ilaasimanak nakkutilliisoqarnissaanut ilisimatinneqarsimannginnavit.

Inissiaatileqatigiiffiup ulloq 26. maaji 2021-mi Ineqarneq pillugu Maalaaruteqartarfimmut attartornermut isumatigiissutip ilinnit atorunnaartinneqarnera pillugu uppernarsaammik nassiussivoq. Inissiaatileqatigiiffiup ulloq 23. februaari 2018 siunnersuutigaa.

Inatsisitigut tunngavigisaq:

Inissianik attartortitsisarneq pillugu Inatsisartut peqqussutaat nr. 2, 12. maaji 2005-imeersumi kingornalu allannguuteqartumi § 79-imi atuarneqarsinnaavoq, attartortitsineq atorunnaarsinneqartussanngorsimappat imaluunniit inissiaq allamik pissuteqartumik qimanneqartussanngorsimappat attartortitsisup attartortullu piffissaq qimatsivissaq inissiamillu misissuisoqarnissaa allaganngorlugu isumaqatigiissutigissavaat. Attartortoq immikkut ilisimasalimmik ilaqarluni misissuinermut peqataanissamut pisinnaatitaavoq. Attartortitsisup sivikinnerpaamik ullunik 7-nik siumut ilisimatitsinermigut attartortoq misissuinermut peqataaqqullugu noqqaaffigissavaa.Imm.

Aammattaaq peqqussummi tassani § 84-imi allassimavoq Ineqarneq pillugu maalaaruteqartarfiup attartortut maalaarutaat makkununnga tunngasut suliarisarpai:

  • Ineqarnermut akiliutinik qaffaanissamik siumoortumik ilisimatitsisarnermi piumasarisat, 28, imm. 2 takuuk.
  • Aserfallatsaaliuineq iluarsaassinerlu, 45 takuuk.
  • Inissiap iserterfigineqarnerani qanoq issusia, 47 takuuk.
  • Attartukkami atortut ikkussukkat pitsanngorsaanerillu (atuisinnaatitaaneq), § 51 aamma 55 takukkit.
  • Attartortup atukkaminik atuinera (torersaanissamik malittarisassanik unioqqutitsinerit), 50 takuuk.
  • Atuisinnaatitaanerup allanut tunniunneqarnera (inissianik paarlaateqatigiinneq, attartukkamik allamut utaqqiisaasumik attartortitsigallarneq aamma attartornermik nangitsineq) §-it 58-62
  • Inissiamit aninermi inissiap qanoq issusia (iluarsaassineq nalinginnaasoq) 77 takuuk.

Aalajangersagaq tamakkiisuuvoq.

Naliliineq:

Ineqarneq pillugu Maalaaruteqartarfik isumaqarpoq, YYZ pillugu nalinginnaasumik iluarsartuussineq akilissanngikkit.

Attarnermi peqqussummi § 79, imm. 1 naapertorlugu, attartortitsisup sivikinnerpaamik ullunik arfineq-marlunnik siumut ilisimatitsinermigut attartortoq misissuinermut peqataaqqullugu noqqaaffigissavaa.

Ineqarneq pillugu Maalaaruteqartarfiup pingaartippaa, nakkutilliinermi nalunaarusiaq malillugu ulloq 19. februaari 2018-imi atuutilertumik najugaq tigummiunnaarit.

Ilaanngitsutit ulloq 26. februaari 2018-imi najukkamit nutsernermi nakkutilliineq ingerlanneqarpoq.

Inissiaatileqatigiiffiup attartornermut isumaqatigiissutip atorunnaarsinneranut uppernarsaammik ulloq 19. februaari 2018-imi nassiussivoq, tassanilu takuneqarsinnaavoq, najukkami nakkutilliinissamut piffissamik isumaqatigiissusiortoqassasoq, tassanilu ulloq 23. februaari 2018 siunnersuutigineqartoq.

Inissiaatileqatigiiffiup najukkamit nutsernermi nakkutilliinissamut piffissaq inerniliussaq pillugu nassiussaqarsimanngilaq, taamaattumik nakkutilliineq sooq ulloq 26. februaari 2018-imi ingerlanneqarsimanersoq ersarinnani.

Taamaattumik Ineqarneq pillugu Maalaaruteqartarfiup aggeqqussut 19. februaari 2018-imeersoq tunngaviluppaa aammalu ersarissarlugu, aamma nakkutilliinermi nalunaarusiami oqaatigineqarsimasoq, nakkutilliinermut piffissaliussaq ulloq 23. februaari 2018-imi ingerlanneqassasoq.

Taamaattumik Ineqarneq pillugu Maalaaruteqartarfik isumaqarpoq, inissiaatileqatigiiffiup najukkamit nutsernermut atatillugu nakkutilliinissamut aggeqqussummik ullut arfineq-marluk sioqqullugit ilisimatissimanngikkaatit, taamaattumillu attartornermut peqqussummi § 70, imm. 1 naapertorlugu piumasaqaatit naammassisimanagit.

Inatsimmi toqqaannartumik nutsernermi nakkutilliineq pillugu maleruagassaqanngikkaluartoq, Ineqarneq pillugu Maalaaruteqartarfiup attartornermi peqqussutip attartortumik illersuisussatut siunertarigaa nalilerpaa, taamaattumillu attartortitsisup allakkatigut aggeqqusisimannginnera inatsisitigut unioqqutitsinertut nalilerlugu.

Tamanna tunngavigalugu ataatsimiissitaliap naggasiuppaa, attartortitsisup nalinginnaasumik iluarsartuussinermut akiligassat pillugit akiliitissinnaanngikkaatit.

Ineqarneq pillugu Maalaaruteqarfiup eqqiaaneq pillugu apeqqutigineqartoq suliarisinnaanngilaa, tassani eqqiaanermut tunngasunik uppernarsaatinik nassiussisoqarsimanngimmat.

Ineqarneq pillugu Maalaaruteqartarfik inimi titartugaq pillugu apeqqummi paarsinerlunnermut tunngasumik suliarinninnissamut piginnaatitaanngilaq.

Aammattaaq Ineqarneq pillugu Maalaaruteqartarfik ineqarnermut akiliutip qaffanneqarnera pillugu apeqqummut suliaqarnissaminut piginnaatitaanngilaq.

Aalajangiineq:

Ineqarneq pillugu Maalaaruteqartarfik isumaqarpoq, YYX pillugu nalinginnaasumik iluarsartuussineq akilissanngikkit.

Tassa imaappoq maalaarutit ilaannakuusumik isumaqataaffigineqarpoq. Akiliutigisimasavit utertinneqarnissaannut pisinnaatitaaffeqarputit.

Taamaattumik Ineqarneq pillugu Maalaaruteqartarfimmut saaffiginneqquneqarputit konto normut tunniunnissaa siunertaralugu.

Ineqarneq pillugu Maalaaruteqartarfiup aalajangiineri Namminersornerullutik Oqartussanut (Namminersorlutik Oqartussanut) kommuninullu inissianik attartortitsisuusunut pituttuisumik sunniuteqarput, § 86, imm. 6 naapertorlugu.

Ineqarnermut Maalaaruteqarfiup aalajangiinerata nassatarisaanik attartortitsisoq iliuuseqarnissamut pisussaaffilerneqarsimappat soorlu maani pisumi taava tamanna Ineqarneq pillugu maalaaruteqartarfiup sulinera pillugu Namminersornerullutik Oqartussat nalunaarutaat nr. 27,

  1. novembari 2008-meersoq § 11 naapertorlugu, iluarsisassat Ineqarneq pillugu Maalaaruteqartarfiup aalajangiinerata saqqummiunneqarnerata kingorna kingusinnerpaamik sapaatit akunnerisa marluk qaangiunnerini iluarsineqarsimassapput.

Naammagittaalliuuteqarnissamut ilitsersuut:

Ineqarneq pillugu Maalaaruteqartarfiup aalajangiinera allaffissornikkut aqutsinermi pisortanut oqartussaasunut allanut suliassanngorteqqinneqarsinnaanngilaq, Inissianik attartortitsisarneq pillugu Inatsisartut peqqussutaanni nr. 2-mi, 12. maaji 2005-imeersumi kingusinnerusukkullu allanngortinneqartumi, § 86, imm. 7 naapertorlugu.

Ineqarneq pillugu Maalaaruteqartarfiup aalajangiinera eqqartuussisunut suliassanngortinneqarnissaa kissaatigineqarpat, attartortitsisumik sassaqqusissut, tassa Namminersorlutik Oqartussat imaluunniit kommuni Kalaallit Nunaata Eqqartuussivianut tunniunneqassapput.

Inussiarnersumik inuulluaqqusillunga

Naja Joelsen

Ineqarneq pillugu Maalaaruteqartarfimmi siulittaasoq

Assilinera Inissiaatileqatigiiffimmut nassiunneqarpoq. Attartorluni normu innersuutigineqarpoq: XX-XXXX-XXXX.

Scroll to Top