lnigisavit qimanneranut atatillugu akiligassat pillugu lnissiaatileqatigiiffiup YY-ip aalajangiineranut tunngasumik maalaaruteqarnerit lneqarneq pillugu Maalaaruteqartarfiup ulloq 12. aggusti 2021-mi suliarivaa. lneqarneq pillugu Maalaaruteqartarfik ima aalajangiivoq:
AALAJANGIINEQ
lneqarneq pillugu Maalaaruteqartarfik isumaqarpoq, inissiaatileqatigiif fimmiit allakkatigut akuersissummik noqqaassuteqaqqaarnak nateq linoleumiusoq allanngortissimagakku taarsiinissamut akisussaasuusutit.
Taassuma saniatigut lneqarneq pillugu Maalaaruteqartarfik isumaqarpoq, sikaaviit matui uffarfimmiittorlu tarrarsuutip taarsertinneri akilissagitit.
lneqarneq pillugu Maalaaruteqartarfiup nalinginnaasumik iluarsartuussi nermut tunngasunik suliaqarnissaminut tunngavissaqanngilaq, tassani inissiaatileqatigiiffiup akiligassaq akilissagaa takuneqarsinnaammat.
Errorfiup, perusuersartarfiup, tarrarsuummi ilisivik, matut, matserfiit, igalaap saattortaa matuersaaserfiullu taarserneqarneri pillugit apeqqummut Ineqarneq pillugu Maalaaruteqartarfik suliaqassalluni piginnaatitaanngilaq, taarsersuinermi nungullarneq pisoqalisoornerlu imaluunniit pisussaaffimmik sumiginnaaneq peqqutaanersoq nalilersussallugu tunngavis saqanngimmat.
Naggataatigut lneqarneq pillugu Maalaaruteqartarfik ineqarnermut akiit sut pillugit suliaqarnissaminut piginnaatitaanngilaq.
Kalaallit Nunaata Eqqartuussivianut unnerluussissallutit innersuussutigineqarpoq, qulaani maalaarutigineqartut suliarisinnaanngisagut maalaaru tigerusukkukkit.
Tamanna isumaqarpoq, maalaarutinnut ilalerneqanngitsutit.
lnissianik attartortitsisarneq pillugu lnatsisartut peqqussutaat nr. 2, 12. maaji 2005-imeersoq kingusinnerusukkut allannguuteqartoq naapertorlugu aalajangiisoqarpoq.
Suliami allagaatit:
- lneqarneq pillugu Maalaaruteqarfimmut maalaarutit XXX
- Attartornermut isumaqatigiissut YYY-imeersoq.
- Nakkutilliinermi nalunaarusiaq XXY-imeersoq.
- Oqarasuaatikkut oqaloqatigiinnermi allataq YYX-
- lnissiaatileqatigiiffimmiit suliaq pillugu oqaaseqaat XYXY-
- Najukkamit nutsernermut akiligassaq YXYX-imeersoq.
- Akiligassaq XZY-imeersoq.
- Akiligassaq YXZ 2015-imeersoq.
- Akiligassaq ZYX-imeersoq.
- Takkulluni saaffiginninnermi allataq ZZZ-imeersoq.
- lnissiaatileqatigiiffimmiit suliaq pillugu oqaaseqaat ZZY-
- lnissiaatileqatigiiffimmiit assit ulloq YYZ-imi
- lnissiaatileqatigiiffimmiit suliaq pillugu oqaaseqaat ZZXY-meersoq.
- lnissiaatileqatigiiffimmiit suliaq pillugu oqaaseqaat ZXZXY-
- Tusarniaanermi akissutit ZZXXY-meersoq.
Nassuiaat:
lneqarneq pillugu Maalaaruteqarfimmut ulloq 16. oktobari 2018-imi inissiaatileqatigiiffik YY-imi najugarisakut, XXX-XXX, pillugu maalaaruteqarputit.
Attartornermut isumaqatigiissummi takuneqarsinnaavoq, najugaq ulloq
- januaari 1996-imi tigusimagit.
lnissiaq 57,9 m2-iuvoq marlunnullu najukkanut agguataaqqalluni. Najugaq ulloq 6. maaji 2015-imi nooreertussanngorlutit qimappat, ullorlu
- maaji 2015-imi najukkanni nakkutilliisoqarpoq.
Nakkutilliinermi nalunaarusiaq 8. maaji 2015-imeersoq malillugu, najugaq nalinginnaasumik iluarsartuunneqartussaavoq, iikkat qilaarlu qalipanneqarlutik naterlu lakkerneqarluni.
Taassuma saniatigut oqaatigineqarpoq, najugaq pisussaaffimmik sumiginnaaneq pillugu iluarsartuunneqassasoq.
Nakkutilliinermi nalunaarusiaq ilinnit atsiorneqarsimanngilaq.
Ulloq 3. juuni 2021 lneqarneq pillugu Maalaaruteqartarfimmut oqarasu aatikkut ilisimatitsiivutit, najukkamit nutsernermut atatillugu nakkutilliinermut ilaasimanak, tassani illoqarfimmut allamut aallarsimanerit peqqutigalugu, ilisimasimanagulu nakkutilliinermi nalunaaarusiaq atsiortussaallugu.
lnissiaatileqatigiiffiup ulloq 3. juuni 2021-mi lneqarneq pillugu Maalaaruteqartarfimmut najukkannik attartorunnaarnermut uppernarsaat 6. maaji 2015-imeersoq nassiuppaa. Matumani takuneqarsinnaavoq, najukkami nakkutilliinissamut piffissamik isumaqatigiittoqassasoq, tassanilu inissiaatileqatigiiffiup ulloq 7. maaji 2015 siunnersuutigisimavaa.
Najukkamit nutsernermut akiligassami 4. aggusti 2015-imeersumi takuneqarsinnaavoq, inissiaatileqatigiiffiup nalinginnaasumik iluarsartuussinermi akiligassap 100 %-a 18175 koruuninik naleqartoq akilerniaraa, najukkami qaammatit 100-ut sinnerlugit najugaqarnikuunerit peqqutigalugu.
Aammattaaq takuneqarsinnaavoq, pisussaaffimmik sumiginnaaninnut 39996,30 koruuninik aamma ineqarnermut akiitsumik 7361 koruuninik nalilinnik akiligassitsissimasutit.
Naggataatigut 5973 koruunit qularnaveeqqummut akilersimagitit takuneqarsinnaavoq.
Taamaattumik inissiaatileqatigiiffimmut katillugit 41384,30 koruunit akilertussaavatit.
YYXX-imiit akiligassaq ulloq 19. juuli 2015-imi nassiunneqarnikumi najugaq 18175 koruuninik nalilimmik nalinginnaasumik iluarsartuutsissimavoq.
XXYY-imiit akilgassaq 17. juuni 2015-imeersoq aamma ZZY-imiit akiligassaq 9. juuli 2015-imeersoq malillugit, najugaq pisussaaffimmik sumiginnaaneq peqqutaalluni katillugit 39996,30 koruunit nalinganut iluarsartuunneqartoq takuneqarsinnaavoq.
lneqarneq pillugu Maalaaruteqarfimmut inigisap qimannerani akiligassiissut maalaarutigigit takuneqarsinnaavoq.
Ulloq 2. maaji 2019 Atuisartoqarnermut Unammilleqatigiinnermullu Aqutsisoqarfimmut ornigullutit ilisimatitsiivutit, najukkanni ukiut 20-t sinnerlugit najugaqarsimallutit, taammaattumillu isumaqarlutit najukkamit nuunnermi akiligassaq annertuallaartoq, tamannalu maalaarutigerusuppat.
lnissiaatileqatigiiffiup ulloq 3. juuli 2019-imi lneqarneq pillugu Maalaaruteqartarfimmut oqaatigaa, najukkamit nuunnermi akiligassaq nakkutilliinermi nalunaarusiaq naapertorlugu ingerlasimasoq. Tassunga atatillugu inissiaatileqatigiiffiup najukkami assilisat 8. maaji 2015-imeersut nassiuppai.
lnissiaatileqatigiiffiup ulloq 13. januaari 2020-mi lneqarneq pillugu Maalaaruteqartarfimmut oqaatigaa, attartukkami sikaaviit matui amerlasuut peerneqarsimasut, taamaattumik sikaavinnik nutaanik ikkussuisoqartariaqarsimasoq, nutaamillu nateq taarserneqartariaqarsimasoq, nateq pioreertoq iluarsartuunneqarsinnaasimanngimmat.
Aammattaaq inissiaatileqatigiiffiup oqaatigaa, perusuersartarfik, tarrarsuut, tarrarsuummi ilisivik errorfillu pisussaaffimmik sumiginnaaneq peqqutaalluni taarserneqartariaqarsimasut.
Naggataatigut inissiaatileqatigiiffiup oqaatigaa, nakkutilliinermi nalunaarusiami allassimasut allat tamakkerlutik pisussaaffimmik sumiginnaaneq peqqutaalluni suliarineqartariaqarsimasut.
lnissiaatileqatigiiffiup ulloq 24. marsi 2021-mi lneqarneq pillugu Maalaaruteqartarfimmut oqaatigaa, najugaq 1982-imeersuusoq, naqqullu taar serneqartariaqarneranut peqqutaasimasoq, illit inissiaatileqatigiiffik akuersiteqqaarnagu nateq qasertumik qalipassimagakku.
Ulloq 17. maaji 2021 lneqarneq pillugu Maalaaruteqartarfimmut oqaatigaat, sanilippit najukkani marloriarluni erngumik innarlersimagaa, imerlu najukkanni natermut kuussimasoq naterlu innarlerlugu, taamaattumik najukaanni nateq qalipassimagit.
Aammattaaq oqaatigaat, inissiaatileqatigiiffik tamanna pillugu arlaleriarlutit attavigisimallugu.
lnatsisitigut tunngavigisaq:
lnissianik attartortitsisarneq pillugu lnatsisartut peqqussutaat nr. 2, 12. maaji 2005-imeersumi § 45 imm. 3. allassimavoq piffissami attartorfiusumi attartortup inissiami qilaat qalipallugit qaqorsarnissaat, iikkat qalipannissaat aamma/imaluunniit ungalitsersorneqarnissaat kiisalu natit lakkernissaat akisussaaffigigaa taakkununngalu aningaasartuutit akilissallugit.
Peqqussummi § 55-imi atuarneqarsinnaavoq, Namminersornerullutik Oqartussat kommunelluunniit inissiaataanni attartortittakkami attartortoq attartortitsisumit siumut allaganngorlugu akuersissummik peqqaarluni inissiami silataanilu erseqqissumik aalajangikkanik pitsanngorsaasinnaatitaavoq il.il., inissiamiillu nuunnermini aningaasartuutigisimasani uppernarsaaserneqartut aningaasanngorlugit taarsertinnissaannut pisinnaatitaalluni, tak. §§ 56 aamma 57. imm. 2. Attartortoq attartortitsisumit akuerineqarani attartukkamik allanngortiterisimappat, attartortoq attartortitsisumut tamanna pillugu taar siissuteqarnissamut akisussaatinneqassaaq”
Peqqussummi tassani § 77, imm. 1-imi allaqqavoq, inissiamit anisoqarnerani inissiaq nalinginnaasumik iluarsaanneqassaaq, tassanilu pineqarput qilaavinik qaqorsarlugit qalipaaneq, iigaanik qalipaaneq aamma/ima luunniit ungalitsersuineq kiisalu eqqiaaneq. Naqqit nutaamik lakkersimasutut isikkoqassapput, taamaattorli tak. imm. 3.
Peqqussummi § 78 malillugu attartortitsisup § 77 malillugu nalinginnaasumik iluarsaassinermut aningaasartuutit attartortup inissiamik tigusineraniit qaammatit 100-t ingerlanerini tigujartuaassavai. Piffissaliussatut aalajangiunneqartup naannginnerani inissiamit anisoqarnerani attartortup taamaallaat aningaasat piffissami tassani attartortitsinerup atorunnaarfigisaani attartortitsisumit akilerneqartussanngorsimanngitsut akilissavai.
Peqqussummi tassani § 79, imm. 1 naapertorlugu, attartortitsineq atorunnaarsinneqartussanngorsimappat imaluunniit inissiaq allamik pissuteqartumik qimanneqartussanngorsimappat attartortitsisup attartortullu piffissaq qimatsivissaq inissiamillu misissuisoqarnissaa allaganngorlugu isuma qatigiissutigissavaat. Attartortoq immikkut ilisimasalimmik ilaqarlunimi sissuinermut peqataanissamut pisinnaatitaavoq. Attartortitsisup sivikinnerpaamik ullunik 7-nik siumut ilisimatitsinermigut attartortoq misissuinermut peqataaqqullugu noqqaaffigissavaa.
Aammattaaq peqqussummi tassani § 84, imm. 1-imi allassimavoq lneqarneq pillugu maalaaruteqartarfiup attartortut maalaarutaat makkununnga tunngasut suliarisarpai:
- lneqarnermut akiliutinik qaffaanissamik siumoortumik ilisimatitsisarnermi piumasarisat, 28, imm. 2 takuuk.
- Aserfallatsaaliuineq iluarsaassinerlu, 45 takuuk.
- lnissiap iserterfigineqarnerani qanoq issusia, 47 takuuk.
- Attartukkami atortut ikkussukkat pitsanngorsaanerillu (atuisinnaati taaneq), § 51 aamma 55 takukkit.
- Attartortup atukkaminik atuinera (torersaanissamik malittarisassanik unioqqutitsinerit), 50 takuuk.
6} Atuisinnaatitaanerup allanut tunniunneqarnera (inissianik paarlaasseqatigiinneq, attartukkamik allamut utaqqiisaasumik attartortitsigallarneq aamma attartornermik nangitsineq) §-it 58-62 takukkit.
7) lnissiamit aninermi inissiap qanoq issusia (iluarsaassineq nalinginnaa soq) § 77 takuuk.
Aalajangersagaq tamakkiisuuvoq.
Naliliineq:
lneqarneq pillugu Maalaaruteqartarfik isumaqarpoq, nateq linoleumiusoq inissiaatileqatigiiffimmiit allakkatigut akuersissummik noqqaassuteqaqqaarnak allanngortitersimagakku taarsernissaanut akissussaavutit.
Tassunga tunngaviuvoq, § 55, imm. 2 naapertorlugu, attartortoq attartortitsisumit akuerineqarani attartukkamik allanngortiterisimappat, attartortoq attartortitsisumut tamanna pillugu taarsiisuteqarnissamut akisussaatinneqassaaq.
lneqarneq pillugu Maalaaruteqartarfiup pingaartippaa, inissiaatileqatigiiffiup nateq pillugu assit nassiussimammagit, tassani qasertumik qali panneqarsimasut takuneqarsinnaammat, kingornalu illit nateq qalipassimallugu uppernarsarnikuullugu.
Taamaattumik lneqarneq pillugu Maalaaruteqartarfik isumaqarpoq, nateq linoleumiusoq inissiaatileqatigiiffimmiit allakkatigut akuersissummik noq qaassuteqaqqaarnak allanngortitersimagakku taarsernissaanut akisussaasuusutit. lneqarneq pillugu Maalaaruteqartarfiulli maluginiarpaa, nateq linoleumiusoq ukiut 30-t sinnerlugit pisoqaassuseqartoq, taamaattumillu naqqup qanoq sivisutigisumik suli atorneqarsinnaanera taarsernissaanut pisariaqalersimanersoq eqqarsaatigineqartariaqarpoq.
Taassuma saniatigut lneqarneq pillugu Maalaaruteqartarfik isumaqarpoq, sikaaviit matui uffarfimmiittorlu tarrarsuutip taarsitsinneri akilissagitit.
Tassunga tunngaviuvoq, inissiaatileqatigiiffiup najukkamit nuunnernut atatillugu sikaaviit matui tarrarsuutillu amingaataaneri pillugit uppernar saatinik nassiussaqarnikuummat. lllit sikaaviit matui tarrarsuutillu peernikuugakkit, taarsernissaannut akiliisussatut pisussaaffeqarputit, najugaq nutsernermi iserternittuut qimattussaagakku.
lneqarneq pillugu Maalaaruteqartarfiup inissiaatileqatigiiffimmut ersarissassavaa, najukkamit nutsernermut atatillugu aggeqqussineq attartornermi peqqussummi § 79, imm. 1 naapertorlugu ingerlasussaammat, ima paasillugu, matumani atuarneqarsinnaavoq, najukkamit nutsernermut atatillugu nakkutilliinissamut aggeqqussut ullut arfineq-marluk sioqqullugit allakkatigut pisussaammat. lnissiaatileqatigiiffiup attartortoq ulloq ataaseq sioqqullugu aggeqqusimavaa, tamanna eqqortumik aggeqqusinerunngilaq attartortumullu soqutigisimanimut iliuuseqarnissamut periarfissiinani.
lnatsimmi toqqaannartumik nutsernermi nakkutilliineq pillugu maleruagassaqanngikkaluartoq, lneqarneq pillugu Maalaaruteqartarfiup attartornermi peqqussutip attartortumik illersuisussatut siunertarigaa nalilerpaa, taamaattumillu attartortitsisup allakkatigut aggeqqusisimannginnera inatsisitigut unioqqutitsinertut nalilerlugu.
Tassani aallaavigalugu sunniutitut oqaatigineqarsinnaavoq, tamanna attartortup nalinginnaasumik iluarsartuussinermi akisussaasuunnginnissaminut periarfissaaruttoq, kisianni uani inissiaatileqatigiiffiup nalinginnaasumik iluarsartuussinermut akiligassaq akilermagu, lneqarneq pillugu Maalaaruteqartarfik tassunga oqaaseqaateqaqqinnissaminut tunngavissaqarani isumaqarpoq.
Aalajangiineq:
lneqarneq pillugu Maalaaruteqartarfik isumaqarpoq, nateq linoleumiusoq inissiaatileqatigiiffimmiit allakkatigut akuersissummik noqqaassuteqaqqaarnak allanngortitersimagakku taarsernissaanut akisussaasuusutit.
Taassuma saniatigut Ineqarneq pillugu Maalaaruteqartarfik isumaqarpoq, sikaaviit matui uffarfimmiittorlu tarrarsuutip taarsertsinneri akilissagitit.
lneqarneq pillugu Maalaaruteqartarfiup inissiaatileqatigiiffiup aalajangiinera atuutsiinnartippaa. Tamanna isumaqarpoq, maalaarutinnut ilalerneqanngitsutit.
lneqarneq pillugu Maalaaruteqartarfiup aalajangiineri Namminersornerullutik Oqartussanut (Namminersorlutik Oqartussanut) kommuninullu inissianik attartortitsisuusunut pituttuisumik sunniuteqarput, tak. § 86, imm. 6.
Naammagittaalliuuteqarnissamut ilitsersuut:
lneqarneq pillugu Maalaaruteqartarfiup aalajangiinera allaffissornikkut aqutsinermi pisortanut oqartussaasunut allanut suliassanngorteqqinne qarsinnaanngilaq, tak. lnissianik attartortitsisarneq pillugu lnatsisartut peqqussutaanni nr. 2, 12. maaji 2005-imeersoq kingusinnerusukkullu allanngortinneqartumi § 86, imm. 7. lneqarneq pillugu Maalaaruteqartarfiup aalajangiinera eqqartuussisunut suliassanngortinneqarnissaa kissaatigineqarpat, attartortitsisumik sassaq qusissut, tassa Namminersorlutik Oqartussat imaluunniit kommuni Kalaallit Nunaata Eqqartuussivianut tunniunneqassapput.
lnussiarnersumik inuulluaqqusillunga
Naja Joelsen
lneqarneq pillugu Maalaaruteqartarfimmi siulittaasoq
Assilinera lnissiaatileqatigiiffimmut nassiunneqarpoq. Attartorluni normu innersuutigineqarpoq: xx-xxx-xxx-xxxx