Atuisartoqarnermut Unammilleqatigiinnermullu Aqutsisoqarfik Per Aarsleff Holding A/S-ip (“Per Aarsleff”) Permagreen Grønland A/S-imi (“Permagreen”) kisermaassilluni inuussutissarsiuteqarneq pillugu unnerluutiginnissummik tigusaqarpoq.
Illua-tungiliuttut unammilleqatigiinnermi inatsimmi suliffeqarfiit kattunnerannik nakkutiginninneq pillugu aaliangersakkat malillugit ingerlatsipput, tamannalu ima isumaqarpoq, suliffeqarfiit kattunnerat Unammilleqatigiinnermi Aalajangiisartut akuersiteqqaarnagit ingerlanneqarsinnaanngitsoq.
Per Aarsleff-suliffeqarfissuaq immikkoortortalik nalinginnaasumik sanaartornikkut illuliornikkullu suliffeqarfissuuvoq, taannalu Danmarkimit siulersorneqarpoq, suliffeqarfissuarlu assigiinngitsunik sanaartugassanik suliassinneqartartoq ataani aamma piginneqatigiiffiit allamik aqutaasut ingerlanneqarlutik. Per Aarsleff-suliffeqarfissuaq immikkoortortalik Danmarkimi inissisimavoq, kisianni aamma Kalaallit Nunaanni suliaqartarluni, ataaniipporlu piginneqatigiiffik allamik aqutaasoq Per Aarsleff Grønland ApS (“Per Aarsleff Grønland”) aamma piginneqatigiiffik allamik aqutaasoq Ístak Ísland EHF aamma kalaallit immikkoortortaat, Istak Island HF, aamma piginneqatigiiffik aallamik aqutaasoq, Aarsleff-Ístak I/S (“Ístak”).
Per Aarsleff-suliffeqarfissuaq immikkoortortalik Kalaallit Nunaanni illuliornermi sanaartornikkullu immikkoortortaqarpoq, ataaniillutik illuliornermi sananeq aamma ataqatigiinnermut aaqqissuussinerit pilersinneqarneri.
Annertunerusumik paasisaqarusukkuit, uani atuarsinnaavatit www.aarsleff.dk.
Permagreen kalaallit sanaartornikkut suliffeqarfiutigivaat, suliffeqarfillu assigiinngitsunik illuliornermi sanaartornermilu sulisoqarpoq, ataaniillutik illuliornermi sananeq aamma ataqatigiinnermut aaqqissuussinerit pilersinneqarneri. Permagreen tamakkiisumik, pingaarutilimmik aamma suliamut sanatitsisup sanasussallu akissaanik isumaqatigiissutaannik sanasarpoq, aammattaaq akiligassaaqqat assigiinngitsut suliarisarpai, taakkualu nunami, nunap ilusaani aamma qaartitsinermi, betonimi, qammaanermi, sanaartornermi/sanasuunermi qalipaanermilu immikkoortortani tamani nammineq nioqqusiortarpoq, aamma Nuummi Qaqortumilu immikkoortortamini VVS-inik ikkussuisartunik sulisoqarluni. Permagreen-ip aamma Kingo Grønland ApS-imi (“Kingo Grønland”) piginneqataassut piginneqataaffigaa, taannalu Kalaallit Nunaanni ingutserinernik suliaqarpoq.
Annertunerusumik paasisaqarusukkuit, uani atuarsinnaavatit www.permagreen.gl.
Atuisartoqarnermut Unammilleqatigiinnermullu Aqitsisoqarfiup suliffeqarfinnik kattussineq pillugu oqaaseqaateqarusuttut ulloq 27.septembari 2021, nal.12:00 nallertinnagu tunniussisimassapput.
Oqaaseqaatit uunga nassiunneqassapput:
Atuisartoqarnermut Unammilleqatigiinnermullu Aqutsisoqarfik
Forbruger- og Konkurrencestyrelsen
Imaneq 29, 1. Sal
3900 Nuuk, Grønland
E-mail: aua@nanoq.gl
Mrk.: Per Aarsleff Holding A/S-ip Permagreen Grønland A/S-imik tigusinera.
Annertunerusumik suliffeqarfinnik kattussineq pillugu paasisaqarnerorusukkuit, inatsisileritooq Martin Jensen attavigineratigut paasisaqarnerusinnaavutit, uunga attavigisinnaavat tlf. (+ 299) 328033 imaluunniit msen@nanoq.gl.