Isumaginninnermi naammagittaalliuteqartarfik
Forbruger– og Konkurrencestyrelsen
Menu
Naammagittaalliuutit – uagutsinnut naammagittaalliuuteqaruit qanoq pisoqassava?
Qaqugukkut naammagittaalliorsinnaavit?
Inissinneqarsimaguit imaluunniit angerlartitsinerup kingorna nakkutigineqaruit, kommunillu aalangigaanut isumaqataanngikkuit naammagittaalliuuteqarsinnaavutit.
Kommunip aalajangiineraniit naammagittaalliuuteqarnissamut killigititaq tassaavoq sapaatit akunneri arfinillit. Tamanna isumaqarpoq, sapaatit akunnerit arfinillit qaangiutsinnagit uagutsinnut naammagittaalliuutit nassiuteriissagit.
Naammagittaalliuuteqaruma qanoq pisoqassava?
Naammagittaalliuutit uagutsinnut nassiutissavat
Naammagittaalliuutit uagutsinnut nassiutissavat:
-
- Sianerlutit
- chat-ikkut allallutit
- uagutsinnut allallutit
- allaffitsinnut takkullutit
Naammagittaalliuuteqarninni ilisimatitsiissutigissavat:
- atit
- ukiutit
- illoqarfik imaluunniit kommuni najugaqarfigisat
Naammagittaalliuutit misissussavarput
Suna naammagittaalliuutiginerit misissussavarput, ikiorsinnaanerlutillu naliliilluta.
Angajoqqaatit attavigissavagut
Uagutsinnut naammagittaalliuuteqaruit, inersimasoq ilinnut akisussaasuusoq attavigissavarput.
Angajoqqaajukulasarpoq, kisianni aamma inersimasoq allaasinnaavoq, ilinnut angajoqqaatut oqartussaasuseqalernikoq.
Inersimasoq angajoqqaatut oqartussaassusilik suliami ilinnut tunngasumi peqataanissaminut pisinnaatitaaffeqarpoq. Tamanna peqataasutut inissisimasut ilaatinneqartussaaneranik taaneqartarpoq.
Suliami ilinnut tunngasumi paasissutissanik kommunimut aallissaagut
Uagutsinnut naammagittaalliuuteqaruit susoqarsimanersoq paasiniartussaavarput. Taamaattumik suliami ilinnut tunngasumi paasissutissanik kommuni nassiussisinnaanersoq aperissavarput.
Suliaq paaseqqissaarniassagatsigu taamaasiussaagut, eqqortumillu aalajangiilluta.
Kommunip aalajangigaa eqqortuunersoq eqqortuunnginnersorluunniit uagut aalajangissavarput
- kommuni isumaqatigisinnaavarput.
- kommuni isumaqatiginngissinnaavarput – taamaattoqarpat aalajangigaq allanngortissinnaavarput.
- kommuni oqarfigisinnaavarput suliaq misissoqqissagaat.
Suliami ilinnut tunngasumi aalajangigaqarsimagutta, kommunip aalajangigarput malissavaa.
Attavigissavatsigit
Aalajangiisimatilluta allakkamik aalajangiissummik pissaatit. Uani aalajangiissut qanoq isumaqarnersoq pillugu atuarit: uani.
Aamma inersimasumiit attavigineqassaatit, taassumap aalajangiissut ilinnut qanoq isumaqarnersoq nassuiassavaa.