Unammilleqatigiinnermut Ataatsimiititaliap Royal Greenland A/S aamma KNT Aps nalunaarfigisimavai, Qaarsuni illunik tunisinermut atatillugu piumasaqaasiortoqarsimanera unammilleqatigiinnissamut inatsit naapertorlugu inerteqqutaasutut naliliiffigineqartariaqanngitsoq.
Suliffeqarfiit illut B115a, B115b aamma B1562-mut tunineqarnerannut tunngatillugu ilumut unammilleqatigiinnermut innarliinnerunngitsutut naqissusiivigineqassasut Unammilleqatigiinnermut Isumasioqatigiinnut nalunaaruteqarnermikkut kissaatigisimavaat.
Isumaqatigiissummi piumasaqaat ilanngunneqarsimavoq taamaasiornikkut killilerlugu pisiaqartup illut pineqartut qanoq atorneqarsinnaanerinut killiliinertut taaneqarsinnaasumik. Tunisisup illut pineqartut qaleralinnik tunitsivittut tunisassiorfittullu atorneqarsinnaanissaasa killiliiffigineqarnissaat aalajangersaavigisimavai, tamatumanili pineqarani illut qaleralinnut qullukkiorfissatut atorneqarsinnaanissaat. Pisisup illut pineqartut aalisakkanik sunilluunniit allanik tunitsivittut tunisassiorfittullu atorsinnaavai. Taamatut piumasaqaateqartoqarnera illut pineqartut napagallarnerini malinneqartussatut aalajangersaavigineqarsimapput.
Unammilleqatigiinnermut Isumasioqatigiit taaneqartut toqqammavigalugit naliliiffigisimavaa, taamatut isumaqatigiissuteqartoqarsimaneratigut qaleralinnik unammilleqatigiilluni tunitsivissaqartitsisoqarneranut innarliinerunavianngitsoq, tassami aalajangersakkatigut kisiat pineqarmat illut pineqartut kisimik qaleralinnik tunitsivissatut atorneqarsinnaannavianngitsut.
Taamatut isumaqatigiissuteqartoqarneratigut allat qaleralinnik pisinissamut, tunisaqarnissamut qerititsinissamut avammulluunniit tunisinissamut tunisassiorsinnaanerinik killiliivigineqarnavianngillat.
Unammilleqatigiinnermut Isumasioqatigiit suliffeqarfiit pineqartut ilisimatissimavaat taamatut isumaqatigiissuteqartoqarsimaneranut tunngatillugu unammilleqatigiinnissamut inatsimmi § 9 naapertorlugu allaqqasut naapertorlugit akuleruttoqarnavianngimmat.