imalu aalajangiivoq
AALAJANGIINEQ
Ineqarneq pillugu Maalaaruteqartarfik isumaqarpoq,inissiaq XXY, illoqarfik YYX-miittoq tiguarlugu inigilersinnaanissaanut pisinnaatitaasutit.
Inissianik attartortitsisarneq pillugu Inatsisartut peqqussutaat nr 2, 12. maj 2005-imeersoq kingusinnerusukkut allannguuteqartoq naapertorlugu aalajangiisoqarpoq.
Suliami allagaatit:
Ilanngussaq 1: Attartuinermut isumaqatigiissut 19. april 2001-meersoq
Ilanngussaq 2: Tiguaanissamut qinnuteqaat 17. april 2018-meersoq
Ilanngussaq 3: Inissiaatileqatigiiffiup XXY-ip aalajangigaa 7. maj 2018-meersoq Ilanngussaq 4: Ineqarneq pillugu Maalaaruteqartarfimmut Maalaarut 15. maj 2018-meersoq
Ilanngussaq 5: X-imut najugaqarnermut uppernarsaat Ilanngussaq 6: Y-imut najugaqarnermut uppernarsaat
Ilanngussaq 7: Inissiaatileqatigiiffiup XY-ip maalaarummut oqaaseqaatai 18. september 2018-meersoq (tassani ilanngussatut ilanngussaasimasut ilanngunneqanngillat)
Nassuiaat:
Anaanat X (siornatigut XX) Attartuinermut isumaqatigiissut aallaavigalugu najugaq XXY illoqarfik YYX-mi inissamik attartuisuuvoq. (Aqquserngup atia siornatigut YYY-simavoq, Attartuinermut isumaqatigiissummi allassimavoq kisiannili inissiaq taanna pineqarpoq.)
Illit anaanallu ulloq 17. april 2018 Inissiaatileqatigiiffik XXY inimut attartuinissamut tiguaanissamut qinnuteqarsimavusi.
Inissiaatileqatigiiffik arnavit ulloq 22. april 2018-imi toqunissaa sioqqullugu aalajangiisimanngilaq.
Tamanna pissutigalugu qinnuteqaatit ingerlateqqissimavat.
Arnavit toqunissaata tungaanut inissiami najugaqatigisimavat.
Allakkami 7. maj 2018-imeersumi inissiaatileqatigiiffiup tamatumunga itigartippaatit. Inissiaatileqatigiiffiup aalajangiinermini Inissianik attartortitsisarneq pillugu Inatsisartut peqqussutaat nr 2, 12. maj 2005-imeersumi § 60 innersuuppaa, tassani allassimammat, sivikinnerpaamik ukiuni marlunni attartortup ataatsimut inoqutaannut peqataasimasoq pisinnaatitaaffeqartoq.
Taamaattumik inissiaatileqatigiiffik XXY-imit najukkami ukiut marluk inorlugit najugaqarsimagavit itigartinneqarputit.
Ulloq 15. maj 2018-imi Ineqarneq pillugu Maalaaruteqartarfimmut Inissiaatileqatigiiffiup inissiaq tiguarnissaanut itigartitsisimanera pillugu maalaarsimavutit.
Ilisimatitsisimavutit meeraallutilli najugaq YXX-mi najugaqarsimallutit. Najugaqarnermut allattorsimanerit allanngortissimavat arnat pisortatigut ikiorsiissutinik pisinnaaniassammat taamaattorli najugaq YXX -mi najugaqaannarsimavutit.
Inuit allattorsimaffiani erserpoq inunngorninniit 19XX-miit aammalu 6. januar 2009-ip tungaanut assigiinngitsuni najugaqatigiittarsimasusi.
Tamatuma kingorna najugaq YXX, illoqarfik YYX-mi 8. juni 2009-miit 25.november 2014-ip tungaanut aammalu naggammik 17. april 2018-miit 22.april 2018-ip tungaanut najugaqatigiissimallusi.
Inatsisitigut tunngavigisaq:
Inissianik attartortitsisarneq pillugu Inatsisartut peqqussutaanni nr. 2-mi, 12. maaji 2005-imeersumi § 60-imi erserpoq, Attartortup toqunerani aapparisaq qimagaasoq atugassarititaasut atuinnarlugit attartornermik ingerlatseqqiinnarsinnaatitaavoq.
Taamatuttaaq inuk inissiamik attartornermut isumaqatigiissummi atsioqataasimanngitsoq, kisiannili sivikinnerpaamik ukiuni marlunni attartortup ataatsimut inoqutaannut peqataasimasoq pisinnaatitaaffeqarpoq, taamaattorli tak. § 63, imm. 3.
Naliliineq:
Ineqarneq pillugu Maalaaruteqartarfiup amerlanerussutai isumaqarput, arnat sinnerlugu inissiaq YXX, illoqarfik YYX-miittoq tiguarnissaanut pisinnaatitaasutit.
Tamatumunnga tunngavilersuutaavoq, illit (massakkut XX-nik ukioqartutit) arnavit toqunissaata tungaanut najugaqatigisimagakku. Arnat ilagalugu ukiut YY-it sinnerlugit inissiami YXX, illoqarfimmi YYX-mi najugaqatigiissimavusi.
Inatsimmi allaqqanngilaq piumasaqaataasoq inissiami inuup toquneraniit ukiuni siuliini marlunni najugaqartariaqarsimanissaq. Taamatuttaaq inatsimmi nassuiarneqanngilaq ukiuni marlunni toqunnginnerani inissiami najugaqaqqissaartariaqarsimanissaq.
Ineqarneq pillugu Maalaaruteqartarfiulli pingaartippaa inuup toqunerata nalaani inissiami najugaqatigiissimanissaq.
Taamaasillutit piumasaqaataasut inissiami ukiuni minnerpaamik marlunni najugaqarnikuusimanissaq pillugu naammassivatit taamaasillutillu inissiaq tiguarsinnaanissaanut pisinnaatitaallutit.
Ineqarneq pillugu Maalaaruteqartarfimmi inuit ikinnerusut isumaqarput inissiaq YXX, illoqarfimmi YYX -miittoq arnat sinnerlugu tiguarsinnaatitaanngikkit.
Tamatumunga tunngavilersuutaavoq arnavit toqunissaa sioqqullugu ukiuni marlussunni ingerlaavartumik najugaqarsimannginnerit. Tamannali inatsimmi ukiut marluk pillugit aalajangersimasumik oqaaseqaammi nassuiaatitalimmik allaqqavinngimmat taamaammat eqqoriaanersut paasineqarsinnaalluni.
Amerlanerit aallaavigalugit aalajangiineq pivoq.
Aalajangiineq:
Ineqarneq pillugu Maalaaruteqartarfiup inissiaatileqatigiiffiup aalajangiinera allanngortippaa ima: inissiaq YXX, illoqarfimmi YYX -miittoq tiguarlugu inigilersinnaanissaanut pisinnaatitaasutit.
Akiliutigisimasavit utertinneqarnissaannut pisinnaatitaaffeqarputit. Taamaammat piumaffigineqarputit nalunaarutigeqqullugu kontonummer sorlermut oorit akiitsuusut ikineqassanersut.
Ineqarneq pillugu Maalaaruteqartarfiup aalajangiineri namminersornerullutik oqartussanut (namminersorlutik oqartussanut) kommuninullu inissianik attartortitsisuusunut pituttuisumik sunniuteqarput, tak. § 86, imm. 6.
Ineqarnermut Maalaaruteqarfiup aalajangiinerata nassatarisaanik attartortitsisoq iliuuseqarnissamut pisussaaffilerneqarsimappat, soorlu maani pisumi taava tamanna Ineqarneq pillugu maalaaruteqartarfiup sulinera pillugu Namminersornerullutik Oqartussat nalunaarutaat nr. 27, 26. november 2008-meersoq § 11 naapertorlugu, iluarsisassat Ineqarneq pillugu Maalaaruteqartarfiup aalajangiinerata saqqummiunneqarnerata kingorna kingusinnerpaamik sapaatit akunnerisa marluk qaangiutinnginnerini iluarsineqarsimassapput.
Tamanna isumaqarpoq Inissiaatileqatigiiffiup sapaatip akunneri marluk qaangiutinnginnerini Attartuinermut isumaqatigiissummik inissiaq pillugu ilinnut sanassasut.
Allaffissornermut tunngasunik pissuteqarluni suliap sivisuallaartumik suliarineqarsimanera Ineqarneq pillugu Naammagittaalliuuteqartarfiup ajuusaarutigaa.
Naammagittaalliuuteqarnissamut ilitsersuut:
Ineqarneq pillugu Maalaaruteqartarfiup aalajangiinera allaffissornikkut aqutsinermi pisortanut oqartussaasunut allanut suliassanngorteqqinneqarsinnaanngilaq,tak. Inissianik attartortitsisarneq pillugu Inatsisartut peqqussutaanni nr. 2-mi, 12. maaji 2005-imeersumi kingusinnerusukkullu allanngortinneqartumi, § 86, imm. 7 naapertorlugu.
Ineqarneq pillugu Maalaaruteqartarfiup aalajangiinera eqqartuussisunut suliassanngortinneqarnissaa kissaatigineqarpat, attartortitsisumik sassaqqusissut, tassa Namminersorlutik Oqartussat imaluunniit kommuni Kalaallit Nunaanni Eqqartuussivimmut tunniunneqassapput.
Inussiarnersumik inuulluaqqusillunga
Naja Joelsen
Ineqarneq pillugu Maalaaruteqartarfimmi siulittaasoq
Ilanngussaq: Inatsisitigut tunngavik
Assilinera Inissiaatileqatigiiffik XXY-imut, allagaat nr. XX-XXX-XXXX-XXX