Nipiliorneq pillugu maalaarut inigisarniik

Ineqarneq, Saqqummersitat / / Afgørelse, Bolig, Hjemmeside

aalajangiillunilu 

AALAJANGIINEQ 

Ineqarneq pillugu maalaaruteqartarfik piginnaatitaaffeqanngilaq, inissiaatilileqatigiiffiup ilinnut attartornermik isumaqatigiissummik atorunnaartitsineq pillugu nalilersuissalluni.

Inissianik attartortitsisarneq pillugu Inatsisartut peqqussutaat nr. 2, 12. maj 2005-imeersoq kingusinnerusukkut allannguuteqartoq naapertorlugu aaliangiisoqarpoq.

Suliami allagaatit (ilanngussat normui qulaani teqeqqumi saamerlermi): 

  1. Attartornissamut isumaqatigiissut illit inissiaatileqatigiiffiullu akornassini 7. martsi 2017-imi ullulerneqarsimavoq, 1. martsi 2017-imi inissiamik attartulerneq, ileqqorissaarnermullu malittarisassat ilanngunneqarput.
  2. Inissiami 22. aamma 28. decembari 2017-imi nipiliorneq pillugu maalaarnermi nalunaarut (nutserineq pillugu: takuuk ilanngussaq 5)
  3. Illua tungiliuttunik tusarniaaneq nr. 1, 2. januaari 2018-imi ullulerneqarsimasoq, angerlarsimaffimmi maleruagassanik unioqqutitsineq ulluni 22. aamma 28. decembari 2017.
  4. Mianersoqqussut inissiaatileqatigiiffimmeersoq nr. 1, 10. januaari 2018-imeersoq, angerlarsimaffimmi maleruagassanik 22. aamma 28. decembari 2017-imi unioqqutitsineq.
  5. maaji 2018-imi inissiami nipiliorneq pillugu maalaarut sapaatip akunnerini 21 aamma 22, maalaaruteqarnermi nalunaarummut ilanngunneqarpoq.
  6. Illua tungiliuttunik tusarniaaneq nr. 2, 31. maaji 2018-imi ullulerneqarsimasoq, angerlarsimaffimmi maleruagassanik unioqqutitsineq ulloq 23. maaji 2018.
  7. Attartortumit maluginiakkat 7. juni 2018-imi illua tungiliuttunit oqaaseqaatit pillugit
  8. Mianersoqqussut inissiaatileqatigiiffimmeersoq nr. 2, 11. juni 2018-imi ullulerneqarsimasoq, maaji 2018-imi angerlarsimaffimmi maleruagassanik unioqqutitsineq
  9. juli 2018-imi inissiami 6. juuli 2017-imi nipiliorneq pillugu maalaaruteqarnermi nalunaarut (ilanngussanik peqarpoq)
  10. Illua tungiliuttunik tusarniaaneq nr. 3, 13. juuli 2018-imi ullulerneqarsimasoq, juuli 2018-imi angerlarsimaffimmi maleruagassanik unioqqutitsineq
  11. Mianersoqqussut nr. 3, 20. juuli 2018-imi ullulerneqarsimasoq, juuli 2018-imi angerlarsimaffimmi maleruagassanik unioqqutitsineq pillugu
  12. YYY-ip eqqissiviilliortunik nakkutilliisuata 17. decembari 2018-imi nalunaarutaa angerlarsimaffimmi maleruagassanik unioqqutitsineq pillugu
  13. Illua tungiliuttunik tusarniaaneq nr. 4, 20. decembari 2018-imi ullulerneqarsimasoq, 17. decembari 2018-imi angerlarsimaffimmi maleruagassanik unioqqutitsineq pillugu
  14. inissiamik attartornissamut isumaqatigiissummik atorunnaarsitsineq, 9. januaari 2019-imi ullulerneqarsimasoq, 30 apriili 2019-imi inissiamit nutsernissaq pillugu (mianersoqqussut nr. 4)
  15. januaari 2019-imi Ineqarneq pillugu maalaaruteqartarfimmut maalaarut.
  16. apriili 2019-imi inissiaatileqatigiiffiup nassuiaataa.
  17. maaji 2019-imi ataatsimiinnermi allakkiaq, mianersoqqussut nr. 5, 29. apriili 2019-imeersoq ilanngunneqarpoq

Nassuiaat:

Suliami erserpoq, inissiaq YYX, illoqarfimmi XXY-mi, 1. martsi 2017-imi attartulersimavat.

Inissiaatileqatigiiffiup 28. decembari 2017-imi illit inigisanniit nipiliornermik maalaarut, nalunaaqutaq 08:00, 12:00, 18:00 aamma 24:00 ulloq 28. decembari 2017-imi tiguaa.

Kingorna inissiaatileqatigiiffiup 2. januaari 2018-imi nalunaarut ilinnut nassiuppaa qinnuigalutillu tamanna oqaaseqarfigeqqullugu, taamaaliorsimanngilatilli.

Taamaammat inissiaatileqatigiiffiup 10. januaari 2018-imi allakkamik mianersoqqussummik siullermik nassippaatit, nillianermik pisatanillu milloornermik matunillu matorluisaqattaarneq angerlarsimaffimmi maleruagassanik unioqqutitsineq pillugu tak. § 50, tak. § 67, 4 Inissianik attartortitsisarneq pillugu Inatsisartut peqqussutaat nr. 2, 12. maj 2005-imeersoq kingorna allannguuteqartoq. Inissiaatileqatigiiffiup siusissukkut ilisimatippaatit, pingasoriaq mianersoqquneqaruit tamanna inissiamik attartornermik isumaqatigiissummik atorunnaarsitsinermik kinguneqarsinnaasoq.

  1. maaji 2018-imi nillianermik, nipiliornermik pequtanillu milloornermik inissiap iluani inissiallu silataani sapaatip akunnerini 21-mi aamma 22-mi nalunaaqutaq 22:00, 01:30 aamma 10:00 inissiaatileqatigiiffik maalaarummik nutaamik tigusaqarpoq. (Ilanngussaq 5 allanik tapertatut ilanngussat)
  2. maaji 2018-imi illua tuniliuttunik nutaamik tusarniaanermi aammalu illua tungiliuttut 7. juuni 2018-imi akissuteqaataanik akissuteqarnermi innersuussutigivat, illit paniit unnuakkut sulinerit nalaani fistersimasoq, kisiannili paniit oqaloqatigisimagit inissiami fistertarunnaassasoq, soorluttaaq kommunimut saaffiginnissimasutit paniit inissaanik ujaarliunneqarnissaa pillugu.

Inissiaatileqatigiiffiup ulloq 11. juuni 2018-imi allakkamik mianersoqqussummik aappaannik nassippaatit, nillianermik pisatanillu milloornermik angerlarsimaffimmi maleruagassanik unioqqutitsineq ineqartunut allanut akornutaasut pillugit. Inissiaatileqatigiiffiup nutaamik § 50, tak. § 67, 4 Inissianik attartortitsisarneq pillugu Inatsisartut peqqussutaat nr. 2, 12. maj 2005-imeersoq kingorna allannguuteqartoq innersuussutigeqqippaa. Inissiaatileqatigiiffiup siusissukkut ilisimatippaatit, pingasoriaq mianersoqquneqaruit tamanna inissiamik attartornermik isumaqatigiissummik atorunnaarsitsinermik kinguneqarsinnaasoq. (ilanngussaq 8).

  1. juuli 2018-imi inissiaatileqatigiiffik 6. juuli 2018-imi nalunaaqutaq 16:00 inissiami nipiliornermik maalaarummik nutaamik tigusaqarpoq. (Ilanngussaq 9 allanik tapertatut ilanngussat)

Kingorna inissiaatileqatigiiffiup 13. juuli 2018-imi nalunaarut ilinnut nassiuppaa qinnuigalutillu tamanna oqaaseqarfigeqqullugu, taamaaliorsimanngilatilli. (ilanngussaq 10)

Taamaammat inissiaatileqatigiiffiup 20. juuli 2018-imi allakkatigut mianersoqqussummik pingajuannik nassippaatit, nillianermik pisatanillu milloornermik angerlarsimaffimmi maleruagassanik unioqqutitsineq ineqartunut allanut akornutaasut pillugit. Ineqarneq pillugu maalaaruteqartarfik nutaamik § 50, tak. § 67, 4 Inissianik attartortitsisarneq pillugu Inatsisartut peqqussutaat nr. 2, 12. maj 2005-imeersoq kingorna allannguuteqartoq innersuutigeqqippaa. Inissiaatileqatigiiffiup siusissukkut ilisimatippaatit, pingasoriarlutit mianersoqquneqaruit tamanna inissiamik attartornermik isumaqatigiissummik atorunnaarsitsinermik kinguneqarsinnaasoq. (ilanngussaq 11)

  1. decembari 2018-imi YY-ip inissiami nipilersuutinik nipituumik nillianernillu nalunaaqutaq 05:10 unioqqutitsisoqartoq nalunaarsorpaa. (ilanngussaq 12)
  1. decembari 2018-imi YY-imit nalunaarut pillugu illua tungiliuttutut tusarniaaffigaatit, tamannali illua tungiliuttutut akissuteqarfigisimanngilat. (ilanngussaq 13)
  1. januaari 2019-imi aalajangiinermi inissiamik attartornermik isumaqatigiissut atorunnaarsinneqarpoq, qaammatini pingasunik 30. apriili 2019-imi nutsernissamut periarfissinneqarlutit. Isumaqatigiissummik atorunnaarsitsineq § 69 Imm. 1 tak. § 70 Inissianik attartortitsisarneq pillugu Inatsisartut peqqussutaat nr. 2, 12. maj 2005-imeersoq kingorna allannguuteqartoq atorlugu tunngavilersorneqarpoq. Inissiaatileqatigiiffiup 10. januaari 2018-imi tunngavilersuutitut, 11. juuni 2018-imi aamma 20. juuli 2018-imi mianersoqqussutit innersuussutigai.

Inissiaatileqatigiiffiup maalaaruteqarnissamut ilitsersuummik tuninngilaatit kisiannili ilisimatippaatit, akerliliinissamut periarfissaqartutit, allakkatigut aalajangiineq tigunerata kingorna sapaatip akunneri arfinillit qaangiutsinnagit. Taamatuttaaq allanneqarpoq, maalaarut kingumoortumik sunniuteqarnavianngitsoq.

  1. januari 2019-imi Ineqarneq pillugu maalaaruteqartarfimmut saaffiginnipputit aalajangiinerlu maalaarutigalugu. Maalaarutinni allappat, piffissami angerlarsimaffimmi maleruagassanik unioqqutitsinerup nalaani angerlarsimasimanngitsutit kisiannili paniit ilinni najugaqartoq angerlarsimasimasoq fistersimasorlu.
  1. apriili 2019-imi inissiaatileqatigiiffik suliaq pillugu Ineqarneq pillugu maalaaruteqartarfimmut nassuiaateqarpoq.

Inuit allattorsimaffiat naapertorlugu, inissiami XXY, illoqarfimmi YYX-mi suli najugaqarputit. Taamatuttaaq erserpoq, paniit ilinni najugaqarsimasoq 25-nik ukioqartoq aammalu 29. apriili aallarnerfigalugu najugaq ilisimaneqanngitsumi nalunaarsorneqartoq.

Inatsisitigut tunngavigisaq:                                        

  • 84 Inissianik attartortitsisarneq pillugu Inatsisartut peqqussutaat nr. 2, 12. maj 2005-imeersoq kingorna allannguuteqartoq naapertorlugu, Ineqarneq pillugu maalaaruteqartarfiup attartortut maalaarutaat makkununnga tunngasut suliarisarpai:
    1) Ineqarnermut akiliutinik qaffaanissamik siumoortumik ilisimatitsisarnermi piumasarisat, tak. § 28, imm. 2.
    2) Aserfallatsaaliuineq iluarsaassinerlu, tak. § 45. .
    3) Inissiap iserterfigineqarnerani qanoq issusia, tak. § 47.
    4) Attartukkami atortut ikkussukkat pitsanngorsaanerillu (atuisinnaatitaaneq), tak. §§ 51 aamma 55.
    5) Attartortup attartukkaminik atuinera (torersaarnissamik malittarisassanik unioqqutitsinerit), tak. § 50.
    6) Atuisinnaatitaanerup allanut tunniunneqarnera (inissianik paarlaateqatigiinneq, attartukkamik allamut utaqqiisaasumik attartortitsigallarneq aamma attartornermik nangitsineq), tak. §§ 58-62.
    7) Inissiamit aninermi inissiap qanoq issusia (iluarsaassineq nalinginnaasoq), tak.
     § 77.  2. Maalaarut Ineqarneq pillugu maalaaruteqartarfimmut allakkatigut tunniunneqassaaq, ersarissarneqassallunilu attartortup suna maalaaruteqartarfiup isummerfigissaneraa. Maalaarummut pissutsinut uppernarsaatit pisariaqartinneqartut ilanngunneqassapput, attartortup suliarineqartussatut kissaatigisai.

Naliliineq:

Ineqarneq pillugu maalaaruteqartarfiup paasivaa, maalaaruteqartarfik suliap sliarinissaanut piginnaatitaaffeqanngitsoq.

Tamatumani tunngavilersuutigineqarpoq, ilinnut attartornermik isumaqatigiissutimmik §§ 69 aamma 70 Inissianik attartortitsisarneq pillugu Inatsisartut peqqussutaat nr. 2, 12. maj 2005-imeersoq kingorna allanguuteqartoq naapertorlugu atorunnaarsinneqarsimavoq.

Tamatumunnga atatillugu innersuussutigineqarpoq, Ineqarneq pillugu maalaaruteqartarfik suliassat attartortumit tunniunneqartut peqqussutit §§ 28 Imm. 2, 45, 47, 51, 55, 50, 58-62, aamma 77-imiittut kisiisa suliarisinnaammagit.

Ineqarneq pillugu maalaaruteqartarfik eqqumaffigaa, maalaaruteqartarfiup § 50 Attartortup taassumalu inoqutaasa kiisalu inuit attartortumit attartorneqartumut isersinnaatitaasut illumi torersaarnissamut maleruagassat suliarisinnaavai.

Angerlarsimaffimmi maleruagassanik unioqqutitsinermi § 50 inissianik attartornermik peqqussut kisimi attartornermi isumaqatigiissummik atorunnaarsitsinermi periarfiisinnaavoq § 73 Imm. 2 nr. 4 og Imm. 3. Atorunnaarsitsineq pisinnaavoq, annertuumik maleruagassat unioqqutinneqarsimappata.

Taanna peqqussut inissiaatileqatigiiffimmit suliami nalilersuinermi tunngavilersuutaanngilaq.

Ineqarneq pillugu maalaaruteqartarfik inissiaatileqatigiiffimmut erseqqissaatigissavaa, attartortoq arlaleriarluni mianersoqquneqartareerluni, attartornermik isumaqatigiissut § 67 naapertorlugu suliarineqassammat, tamanna isumaqarpoq suleriaaseq § 69 malinneqassasoq.

Taamatuttaaq peqqussutit Ineqarneq pillugu maalaaruteqartarfiup piginnaatitaaffii pillugit ilanngussat allattorneqartut innersuunneqarput.

Aalajangiineq:

Ineqarneq pillugu maalaaruteqartarfik suliap suliarinissaanut piginnaatitaaffeqanngilaq taamaalillunilu suliaq suliariunnaarpaa.

Akiliutigisimasavit utertinneqarnissaannut pisinnaatitaaffeqarputit.  Taamaammat inissiaatileqatigiiffimmut saaffiginninnissannut qinnuigineqarputit, ilisimatitsissutigalugulu akiliutigisimasatit konto-mut sorlermut ikineqassanersut

Maalaaruteqarnissamut ilitsersuut:

Ineqarneq pillugu Maalaaruteqartarfiup aalajangiinera allaffissornikkut aqutsinermi pisortanut oqartussaasunut allanut suliassanngorteqqinneqarsinnaanngilaq, Inissianik attartortitsisarneq pillugu Inatsisartut peqqussutaanni nr. 2-mi, 12. maaji 2005-imeersumi kingusinnerusukkullu allanngortinneqartumi, § 86, imm. 7 naapertorlugu.

Attartortitsisup attartortullu akornanni aaqqiagiinnginneq eqqartuussivilersuukkumaneqassappat attartortitsisumut sassaqqusissut eqqartuussivimmut tunniunneqassaaq. Tamanna pissaaq, allaqatigiinnerit il.il. attartortitsisup allaffeqarfittut aktiaatileqatigiiffianit isumagineqarsimagaluarpataluunniit.

Inussiarnersumik inuulluaqqusillunga

Naja Joelsen

Ineqarneq pillugu maalaaruteqartarfimmi siulittaasoq

Ilanngussaq: Inatsisitigut tunngavik

 

Assilineqarnera uunga: Inissiaatileqatigiiffik XXY. Attartornermut isumaqatigiissut XX-XXX-XXXX-XXX innersuussutigineqarpoq

Scroll to Top