imannallu aaliangiilluni.
AALAJANGIINEQ
Ineqarneq pillugu Maalaruteqartarfik piginnaatitaangilaq nalilersussallugu, inissiaatileqatigiiffiup attartortutut atorunnaarsitsinera eqqortuunersoq.
Aalajangiineq Inissianik attartortitsisarneq pillugu Inatsisartut peqqussutaat nr. 2, 12. maj 2005-imeersoq, kingusinnerusukkut allannguuteqartoq naapertorlugu aaliangerneqarpoq.
Suliap uppernarsaatai
Attartornermut isumaqatigiissut, inissiaatileqatigiiffik aamma naammagittaalliortup akornanni ullulerneqarnikoq 12. januar 1989, ullu taanna inissiaq tiguarnera ilanngunneqarsimallutik malittarisassat.
Inissiamiit nipiliorsimanermut nalunaarut ulloq 26. septembari 2016.
Inissiaamiit nipiliorsimanermut nalunaarut 29. oktobari 2016
Illuatungerisamut tusarniaaneq 1. Ullulerneqarnikoq 4. novembari 2016, malittarisassat unioqqutinneqarnera ulloq 26. septembari 2016 (akineqangilaq)
Mianersoqqussut nr. 1 ullulerneqarnikoq 14. november 2016 inissiaatileqatigiiffimmiit inissiami malittarisassat unioqqutissimaneranut ulloq 26. septembari 2016,
Eqqissiviilliliorsimanermut nalunaarut, inissiaamiit nipiliorneq ulloq 15. decembari 2016.
Illuatungerisamut tusarniaaneq 2, ullulerneqarnikoq 20. decembari 2016 inissiami malittarisassat unioqqutissimaneranut ulloq 15. decembari 2016 (akineqangilaq)
Mianersoqqussut nr. 2, ullulerneqarnikoq 28. decembari 2016 inissiaatileqatigiiffimmiit inissiami malittarisassat unioqqutissimaneranut ulloq 15. decembari 2016.
Eqqissivilliortitsisimanermut nalunaarut 29. januari 2017 inissiaamiit nipiliorneq pillugu.
Illuatungerisamut tusarniaaneq 3, ullulernqarnikoq 31. januari 2017 inissiami malittarisasat unioqqutinneqarneri ulloq 29. januari 2017 (akineqangilaq)
Mianersoqqussut nr. 3, ullulernearnikoq 8. februari 2017 inissiami malittarisassat unioqqutinneqarneranut tungasoq ulloq 29. januari 2017.
Mail: ullulerneqarnikoq 30. oktoberi 2017 Inissiaatileqatigiiffimmut XY qimmeqarneq pillugu
Illuatungerisamut tusarniaaneq 4, ullunerneqarnikoq 31. oktober 2017 inissiami malittarisassat unioqqutinneqarnerat qimmiuteqarneq pillugu
Mail ullulerneqarnikoq 7. novembari 2017 Kommuni YY Inissiaatileqatigiiffik XY-imut.
Mailimik nassiussisoq 7. novembari 2017 Inissiaatileqatigiiffimmiit XY Kommuni YY-mut.
Inissiaatileqatigiiffik XY-imiit allakkat attartortitsinermut atorunnaarsitsineq ullulerneqarnikoq 13. novembari 2017 qimanneqartussanngorlugu 28. februari 2018.
Ineqarneq pillugu Maalaaruteqartarfimmut naammagittaalliut 15. decembari 2017.
Inissiaatileqatigiiffiup nassuiaataa 11. martsi 2019 Ineqarneq pillugu Maalaaruteqartarfimmut.
Illuatungiliuttumik tusarniaaneq naammagittaalliortumut ulloq 10. juli 2019 inissiaatileqatigiiffiup nassuiaataanut (akineqangilaq)
Apeqquteqaat ulloq augusti 2019 inissiaatileqatigiiffimmut kingusinnerusukkut naammagittaaliutit pillugit (akineqangillat)
Nassuiaat:
Suliaq naapertorlugu, attartorneq tigusimavat, YXY, illoqarfik YXX ulloq 12. januaari 1989.
Inissiaatileqatigiiffik nalunaarummik tigusaqarpoq ininninngaanniit nipiliornermut tungasoq ulloq 26. septembarimi 2016. Takusinnaasat malillugit ilinnut innersuunneqarsimanngilaq.
Inissiaatileqatigiiffik ininni nipiliorsimanermut nalunaarummik tigusaqarsimavoq ulloq 29. Oktobari 2016.
Tamatuma kingorna ulloq 4. novembari 2016 allagaatit ilinnut nassiunneqarsimapput, piumaffigineqarsimallutillu nassuiaaqqullutit, taamaaliorsimanngilatilli.
Taamaammat inissiaatileqatigiiffik allakkanik nassissimavaatit 14. november 2016 mianersoqqussut siulleq inissiami malittarisassat unioqqutinneqarsimammata nipituumik nipilersornermi kiisalu akunnattumik nipiliornermi § 50, aallaavigalugit. §67, Inatsisartut attartortitsinerq pillugu peqqussutaat, kingusinnerusukkut allanngortinneqarsimasumi nr. 2, 12. maj-imiit 2005. Aammattaaq inissiaatileqatigiiffik paasititsisimavoq pingasoriarlutit mianersoqqussummik tunineqaruit anisitaassasutit.
Inissiaatileqatigiiffik eqqissiviilliornermik nalunaarummik nutaamik tigusaqarsimapput, nilliasoqarsimaneranik akunnattumillu nipiliorsimanermik ulloq 15. decembari 2016.
Tusarniaavigineqarsimavutit ulloq 20. december 2016 tusarniaaviginninneq nutaaq, taannalu aamma akisimanngilat.
Taamaammallu inissiaatileqatigiiffik nassissimavaatit ulloq 28. decembari 2016 allagaq mianersoqqussut aappaat inissiami malittarisassat unioqqutissimaneranut, nillianermi attartortunut allanut ajoqutaasimasunut. Inissiaatileqatigiiffiup nutaamik innersuummik nassiussisimavoq §50 jf. § 67, 4 inatsisartut peqqussutaat nr. 2, 12. maaji 2005, Inissianik attartortitsisarneq pillugu peqqussutaannut, kingusinnerusukkut allannguuteqartumi, tunngasumik. Aammattaaq inissiaatileqatigiiffik paasititsisimavoq pingasoriarlutit mianersoqqussummik tunineqaruit anisitaassasutit. (ilanngussaq 8).
Inissiaatileqatigiiffik Inissiamiit nipiliorsimanermut nalunaarummik nutaamik tigusaqarsimavoq ininni nipiliornermut tunngasoq ulloq 29. januari 2017
Inissiaatileqatigiiffik taassuma kingorna ulloq 31. januar 2017 allagaatinik nassissimavaatit piumasaqarluni oqaaseqarnissannik, taamaaliorsimanngilatilli.
Taamaammat inissiaatileqatigiiffik allakkanik nassippaatit ulloq 8. februar 2017 taassumalu imaraa mianersoqqussutit pingajuat, inissiami malittarisassat unioqqutinneqarnerini nipituumik, nipilersornermi attartortunut allanut ajoqutaasimasumik. Inissiaatileqatigiiffik nutaamik innersuussisimavoq § 50, jf. § 67, 4 2, 12. maaji 2005, Inissianik attartortitsisarneq pillugu peqqussutaannut, kingusinnerusukkut allannguuteqartumi, tunngasumik. Inissiaatileqatigiiffiup paasitissimavaatit mianersoqqussutinik pingasunik piguit inissiamiit anisitaasinnaaninnut. (ilanngussaq 11).
Ulloq 30. oktober 2017 qimminik nakkutilliisoq inissiaatileqatigiiffimmut paasititsivoq inissianni qimmiuteqartutit.
Inissiaatileqatigiiffiup tusarniaavigisimavaatit ulloq 31. oktobari 2017 tamanna pillugu, akisimanngilatilli. (ilanngussaq 13)
Email ullulerneqarnikoq 7. novembari 2017 Kommuni YY-mi sulisoq, Inissiaatileqatigiiffimmut saaffiginnippoq, ilisimatitsilluni, kommunimut saaffiginnissimasutit, Inissiaatileqatigiiffimmiit allagarsisimagavit, inigisanniit anisussanngortutit, qimmeqarnerit nipiliortarnerillu peqqutigalugit. Tamatumunnga atatillugu, kommunimi sulisoq ilisimatitsivoq, inivit attartorneranut piffissaq eqqorlugu akiliijuaannartutit, inuttullu nipaatsutut nalunnginneqartutit, taamaammallu eqqumiigalugu qimmeqarsimassaguit nipilortarlutillu. (Ilanngussaq 14)
Email ullulerneqarnikoq 7. novembari 2017 Inissiaatileqatigiiffiup saaffiginnissut tamanna akissuteqarfigivaa, tamatumalu saniatigut nalunaarutigalugu, qimmeqarnissamut akuersissummik qinnuteqarsimanngitsutit, ininniillu anisituusanngortussaasutit, inigisani malittarisassanik unioqqutitsisarsimagavit. Inissiaatileqatigiiffik aammattaaq kommunimut nalunaarpoq, ilisimatitsisimasutit eqqanni najugaqartuniit atsiortitsinernik katersiniarlutit, qimmeqannginninnut tunngasumik, taamaaliorsimanngilatilli. Inissiaatileqatigiiffik aamma ilisimatitsivoq, pingasoriarlutit mianersoqqussutinik tunineqarsimasutit, ilaatigut nipituumik nipilersortarnermut, nillianernut nipituumillu nipilersortarnernut peqquteqartunik. (ilanngussaq 15).
- novembari 2017 aalajangiinikkut, inigisanniit anisussanngortinneqarputit, qaammatinik pingasunik periarfissinneqarlutit, aniffissaralugu ulloq 28. februar 2018 Anisitsineq pissuteqarpoq inissiani malittarisassanik malinninnginneq, qimmiuteqarneq pillugu, takuuk. § 67, imm. 1, aamma imm. 4.3 Aammattaaq nalunaarutigineqarpoq, inigisamik attartorneq atorunnaarsinneqartoq, qaammatinik pingasunik periarfissalerlugu, qaammatip naanissaanut, takuuk § 69, imm. 1, takuuk § 70 Inissianik attartortitsisarneq pillugu Inatsisartut peqqussutaat nr. 2, 12. maj 2005-imeersoq Inissianik attartortitsisarneq pillugu. Tunngavilersuutitut Inissiatileqatigiiffiup, mianersoqqussutit tunniunneqartut innersuussutigivaat ullullit 14. novembari 2016, 28. decembari 2016 aamma 8. februar 2017.
Inissiaatileqatigiifik naammagittaalliuteqarnissamut ilitsersuummik tunniussaqarpoq.
- decembari Ineqarneq pillugu maalaaruteqartarfimmut maalaaruteqarputit. maalaarutinni erserpoq, anisitaanerit tunngavissaqanngitsutut isigigit. (ilanngussaq 17)
Allakkami ulloqartoq 11 marts 2019 Inissiaatileqatigiiffiup, Ineqarneq pillugu maalaaruteqartarfimmut nassuiaateqarsimavoq.
Ineqarneq pillugu Maalaaruteqartarfiup 10 juli 2019, illuatungiliuuttutut, Inissiaatileqatigiiffiup allagaanut tusarniaavigisimavaatit. Illuatungiliuttutut tusarniaaffiginninnermut akissuteqarsimanngilatit.
Ineqarneq pillugu maalaaruteqartarfik mail-ikkut ulloq 28. august 2019 Inissiaatileqatigiiffik paasiniaavigivaa, oktobari 2017 kingorna, ineqarnermut malittarisassanik unioqqutitsinermut tunngasunik naammagittaalliortoqaqqissimanersoq.
Inissiaatileqatigiiffiup paasiniaaneq tamanna akissimanngilaa.
Inuit allattorsimaffiini paasissutissat najoqqutaralugit, suli inimi XXY, illoqarfimmi YYX-mi ineqarputit.
Inatsisitigut tunngavigisaq:
Inatsisartut peqqussutaanni nr. 2, 12. maaji 2005-imeersumi, Inissianik attartortitsisarneq pillugu, kingusinnerusukkut allannguuteqartumi, § 84-imi erserpoq, Ineqarneq pillugu maalaaruteqartarfiup naammagittaalliutit ininik attartortitsisartuniit ingerlanneqartut, makkununnga tunngasut :
1) Ineqarnermut akiliutit qaffanneqarnissaannut ilimasaarutinut takussutissat, tak. § 28, imm. 2.
2) Aserfallatsaaliuineq iluarsaassinerlu, tak. § 45.
3) Inissiap iserterfigineqarnerani qanoq issusia, tak. § 47.
4) Attartukkami atortut ikkussukkat pitsanngorsaanerillu (atuisinnaatitaaneq), takukkit §§ 51 aamma 55).
5) Attartortup atukkaminik atuinera (torersaanissamik malittarisassanik unioqqutitsinerit), tak. § 50.
6) Atuisinnaatitaanerup allanut tunniunneqarnera (inissianik paarlaateqatigiinneq, attartukkamik allamut attartortitsigallarneq aamma attartornermik nangitsineq), tak. § 58-62.
7) Inissiamit aninermi inissiap qanoq ittuunera (iluarsaassineq nalinginnaasoq), tak. § 77.
Imm. 2. Naammagittaaliutit Ineqarneq pillugu maalaaruteqartarfimmut allaganngorlugit tunniunneqartassapput, tassanilu ersarissarneqassaaq, inimik attartortitsisup maalaaruteqartarfiup suna isummerfigissaneraa. Naammagittaaliummut ilaatinneqassapput uppernarsaatit, suliap suliarineqarnissaanut atorfissaqartinneqartut, attartortitsisartup suliaritikkusutaanut tunngasut.
Naliliineq:
Ineqarneq pillugu maalaaruteqartarfik isumaqarpoq,suliassiissutivit suliarinissaanut piginnaassuseqartitaanani.
Tamatumunnga peqqutaavoq, inimiit anisitsineq, maleruagassat §§ 69 aamma 70, Inissianik attartortitsisarneq pillugu Intsisartut peqqussutaat nr 2, 12. august 2005 illunik attartorneq il. il. pillugu, malillugit pisimammat.
Tamatumani innersuussutigineqarpoq § 84, Ineqarneq pillugu maalaaruteqartarfiup attartortut maalaarutaat, taamaallaat §§ 28 imm. 2, 45, 47, 51, 55, 50, 58-62, aamma 77, tunngasut maalaaruteqartarfiup suliarisinnaavai.
Ineqarneq pillugu maalaaruteqartarfiup ilisimaarivaa, § 50 malillugu, Attartortup atukkaminik atuinera (torersaanissamik malittarisassanik unioqqutitsinerit), suliassanik maalaaruteqartarfik piginnaassuteqartitaammat.
Inissianik attartortitsisarneq pillugu peqqussutaani § 50 taamaallaat piginnaatitsivoq, attartuinermik atorunnaarsitsineq, uku malillugit § 73 imm. 2 imm. 4 aammalu imm. 3. Attartuinermik atorunnaarsitsigallarnerup tunngavigisariaqarpaa, unioqqutitsinerit annertusimanissaat.
Aalajangersagaq taanna, qulaani nassuiaatip takutiippaa, inissiaatileqatigiiffiup, suliami naliliinermini tunngavigisimanngikkaa, maani eqqartorneqarmat atorunnaarsitsineq, atorunnaasitsigallarnerunani.
Aalajangersakkanut ilanngunneqarsimasunut, aammattaaq Ineqarneq pillugu maalaaruteqartarfiup piginnatitaaffiinut tunngasunut innersuussissaaq.
Allaffissornermut tunngasunik pissuteqarluni suliap sivisuallaartumik suliarineqarsimanera Ineqarneq pillugu Naammagittaalliuuteqartarfiup ajuusaarutigaa.
Aalajangiineq:
Ineqarneq pillugu maalaaruteqartarfik suliamik suliaqarnissaminut piginnatitaaffeqanngilat, taamaattumillu suliaq suliareqqissanngilaa.
Akiliutigisimasavit utertinneqarnissaannut pisinnaatitaaffeqarputit. Taamaammat qinnuigineqarputit kontomut sorlermut akiliutigisimasatit ikineqassasut Ineqarnermut Naammagittaalliuuteqartarfimmut ilisimatitsissutigeqqullugu.
Naammagittaalliuuteqarnissamut ilitsersuut:
Ineqarnermut naammagittaalliuuteqartarfiup aalajangiinera ingerlatsinermut oqartussaqarfimmut allamut naammagittaalliuutigineqarsinnaanngilaq tak. § 86, imm. 7 Inatsisartut peqqussutaanni nr. 2, 12. maaji 2005, Inissianik attartortitsisarneq pillugu peqqussutaannut, kingusinnerusukkut allannguuteqartumi, tunngasumik.
Ineqarnermut Naammagittaalliuteqartarfiup aalajangiinera eqqartuussisunut suliassanngortinneqarnissaa kissaatigineqarpat, attartortitsisumik sassaqqusissut, tassa Namminersorlutik Oqartussat imaluunniit kommuni Kalaallit Nunaanni Eqqartuussivimmut tunniunneqassapput.
Inussiarnersumik inuulluaqqusillunga
Naja Joelsen
Ineqarnermut Maalaartarfimmi siulittaasoq
Ilanngussaq: Inatsisitigut tunngavik
Assilineqarnera uunga: Inissiaatileqatigiiffik XY Allakkat nr. innersuussutigineqarpoq XX-XXX-XXXX-XXX