Neqerooruteqartitsisarnermi Maalaaruuteqartarfik
Atuisartoqarnermut Unammilleqatigiinnermullu Aqutsisoqarfik, Pisortat Pisiortortarneranni Neqerooruteqartitsisarnermi Maalaaruteqartarfimmut allattoqarfiuvoq (Neqerooruteqartitsisarnermi Maalaaruuteqartarfik).
Pisortat Pisiortortarneranni Neqerooruteqartitsisarnermi Maalaaruteqartarfik maalaarutinik suliaqartarpoq makkuninnga unioqqutitsisoqartillugu:
- Pisortat oqartussaaffigisaanni suliffeqarfiinilu nioqqutissanik kiffartuussinernillu pisiniarnermut tunngatillugu neqerooruteqartitsisarneq pillugu Inatsisartut inatsisaat nr. 6, 12. juni 2019-imeersoq
- Sanaartornermi neqerooruteqartitsisarneq pillugu Inatsisartut inatsisaat nr. 11, 2. december 2009-meersoq
Neqerooruteqartitsisarnermi Maalaaruteqartarfimmut naammagittaalliorsinnaavutit,
- Eqqartuussisutigoortumik soqutigisaqaruit. Imatut paasillugu inuttut, suliamut pingaarutilimmik soqutigisaqarsimaguit.
- Naalakkersuisut isumaat naapertorlugu kattuffiugussi aamma pisortani oqartussaagussi maalaartitaasinnaavusi .
Suliaq peqataasut avataanittumut pingaaruteqassappat, taava Neqerooruteqartitsisarnermi Maalaaruteqartarfiup akuersaarsinnaavaa, avataaniillutik inissisimasut malaarutigineqartumut maalaarutiginnittumilluunniit suliassamut sinniisutut akuulersinnaasut. Taamaattoq avataaniittutut inissisimasoq namminerisamik maalaaruteqarsinnaatitaanngilaq.
Maalaarut aammalu ilanngutassartai naleqquttut allakkatigut uunga nassiussorsinnaapput
- aua@nanoq.gl imaluunniit
- Allakkat allakkerisarfikkoortut uunga: Imaneq 29, 1. sal, 3900 Nuuk
Kingusinnerpaamik maalaaruteqarfiup nalaarpiaani maalaarutiginiakkat allakkatigut ilisimatissavat. Eqqaamajuk ilisimatitsissutip assilinera ilanngutissagakku, Neqerooruteqartitsisarnermi Maalaaruteqartarfimmut naammagittaallioraangavit.
Maalaarutiginninnissamik killigititaq tassaavoq aalajangernerup kingorna sapaatit akunnerit sisamat qaangiutsinnagit, naammagittaalliutigisat eqqarsaatigalugu.
Neqerooruteqartitsisarnermi Maalaaruteqartarfiup maalaaruteqartoq, taarsiiffigineqarnissaminut piumasaqaatai qaangerlugit taarsiisinnaatitsinngilaq. Neqerooruteqartitsisarnermi Maalaaruteqartarfik taamaallaat pissutsinut suliami peqataasunit pineqartunut isummersorsinnaavoq.
Sullissinertaa aallartinneqassaaq aatsaat maalaaruteqarnermut akiliut akilerneqareerpat.
Akiliiffissaq kingulleq tassaavoq maalaaruteqarnerup tunniunneraniit sapaatit akunnerini sisamat. Maalaarut siumut nalunaaqqaarani taamaatiinnarneqarsinnaavoq, maalaaruteqarnermut akiliut piffissarititaasup iluani akilerneqanngippat.
Maalaaruteqarnermut akiliut Atuisartoqarnermut Unammilleqatigiinnermullu Aqutsisoqarfiup konto-anut reg. 6471 kontop normua-nut 1639061-imut akilerneqassaaq. Akiliinermi inussiarnersumik peqquneqarputit una ilisarnaatitut allassagit: ”UKN naammagittaalliut [Ulloq maalaarfik)”.
Akiliutigineqartut angissusaat:
Pisortat oqartussaaffigisaanni suliffeqarfiinilu nioqqutissanik kiffartuussinernillu pisiniarnermut tunngatillugu neqerooruteqartitsisarneq pillugu Inatsisartut inatsisaat nr. 6, 12. juni 2019-imeersoq naapertorlugu: 10.000 kr.
Sanaartornermi neqerooruteqartitsisarneq pillugu Inatsisartut inatsisaat nr. 11, 2. december 2009-meersoq naapertorlugu: sanatitsisup sanasussallu akissaanik isumaqatigiissutaata 1%-ia, annerpaamik 100.000 kr.
Neqerooruteqartitsisarnermi Maalaaruteqartarfiup maalaarut itigartissinnaavaa, maalaarut sullissinnikkut suliarissallugu tunngavissaqanngippat.
Itigartitsisoqartillugu maalaaruteqarnermut akiliutaasoq utertinneqassaaq.
Neqerooruteqartitsisarnermi Maalaaruteqartarfiup maalaarutigineqartoq piffissalissavaa, periarfissillugu suliassap pisimasuviata pissusaa aammalu eqqartuussisutigoortumik tunngavilimmik pisimasut nassuiaatigissallugit.
Neqerooruteqartitsisarnermi Maalaaruteqartarfik paasissutissanik suli amerlanerusunik naammagittaalliortumut piniarsinnaavoq, taamatuttaaq naammagittaalliutigineqartoq avataaniittullu paasissutissanik piniarfigineqarsinnaapput.
Suliassaq allattariarsorluni piareersarneqarlunilu aalajangersorneqassaaq. Kisianni Neqerooruteqartitsisarnermi Maalaaruteqartarfiup siulitaasuata oqaloqatigiilluni isumaqatigiinninniarneq akuerisinnaavaa.
Oqaloqatigiilluni isumaqatiginninniartoqassagaluarpat taava tamanut ammasuusinnaanngilaq. Taamaattoq Neqerooruteqartitsisarnermi Maalaaruteqartarfiup siulittaasua immikkut ittumik pisoqartillugu akuersisinnaatitaavoq tamanut ammaqqullugit.
Neqerooruteqartitsisarnermi Maalaaruteqartarfiup aalajangersugai tunngavilersuutaasut ilanngullugit naamagittaalliortumut, malaarutigineqartumut aammalu soqutiginnitsinut allanut suliassamut ilanngunneqarsimasunut nassiunneqassapput.
Suliassap annertussusaa apeqqutaalluni suliassap suliarinerata piffissatigut sivisussusissaanut aalajangiisuussaaq.
Aalangiisoqartinnagu atuutsitsisinnaannginneq imatut paasisariaqarpoq, maalaarutigineqartoq eqqarsaatigalugu susoqarnissaa takoqqaarumallugu aalajangiiffigineqarnissaa utaqqeqqaarneqassasoq.
Maalaarut aallaavittut isigalugu aalajangiisoqartinnagu atuutilersinnaanngilaq
Neqerooruteqartitsisarnermi Maalaaruteqartarfik atsaat immikkut ittumik pisoqartillugu aalangiisoqartinnagu atuutsitsisinnaannginneq pingaartissinnaavaa.
Neqerooruteqartitsisarnermi Maalaaruteqartarfik aatsaat immikkut ittumik pisoqartillugu aalangiisoqartinnagu atuutsitsisinnaannginneq pingaartissinnaavaa imatut pisoqarpat:
- Ilimanarpat maalaaruteqartoq suliassami taperserneqassasoq,
- Maalaaruteqartoq soqutigisani allatut illersorsinnaanngikkai, aalajangiisoqartinnagu atuutsisisoqanngippat, aamma
- Soqutigisat assigiinngitsut kattunneri apeqqutaatillugit aalajangiisoqartinnagu atuutsitsilersitsisoqassanngippat, imatut paasillugu: Neqerooruteqartitsup soqutigisai tassalu neqeroortitsineq ingerlaannassasoq aammalu maalaartup soqutigisai ataatsimut isigalugit aalajangiisoqartinnagu atuutsitsilersitsisoqarsinnaanngippat.
Neqerooruteqartitsisarnermi Maalaaruteqartarfiup piginnaatitaaffii:
- Maalaarutigineqartup neqerooruteqartitsisarnerata suleriaasiisa atorunnaarsissinnnaavaa, imaluunniit aalajangigai neqerooruteqartitsinermik suliamik niuertoqartillugu atorunnaarsissinnaallugit,
- Maalaarutigineqartup aalajangersugai inerteqqutaasut imaluunniit neqerooruteqartsitsinera atorunnaarsissinnaallugit,
- Peqqusisinnaavoq neqerooruteqartitsinerup inatsisitigut akuerisaasumik ingerlanneqaqqullugu, imaluunniit neqerooruteqartitsinerup niuerpalaarnerani aalajangersukkat akuerisaasumik aalajangeqqullugit.
Akiliisussanngortitaasoqarsinnaavoq:
- Piaaraluni mianersuaalliornikkut Neqerooruteqartitsisarnermi Maalaaruteqartarfimmut eqqunngitsunik paasinerluutaasinnaasunilluunniit tunniussisoqarpat
- Neqerooruteqartitsisarnermi Maalaaruteqartarfiup inerteqqutigisai peqqussutaaluunniit naalanneqanngippata
Inuinnartut aamma inatsisilerinermut tunngasutigut innuttaasutut akiliisitsisoqarsinnaavoq.
Neqerooruteqartitsisarnermi Maalaaruteqartarfiup aalajangigai Atuisartoqarnermut Unammilleqatigiinnermullu Aqutsisoqarfiup nittartagaatigut tamanut saqqummiunneqartassapput.
Neqerooruteqartitsisarnermi Maalaaruteqartarfiup aalajangigai allaffissornermut qullersaasunut ingerlateqqinneqarsinnaanngillat.
Neqerooruteqartitsisarnermi Maalaaruteqartarfiup aalajangigai eqqartuussivinnut ingerlateqqinneqarsinnaapput, tamannalu pissalluni kingusinnerpaamik pineqartunut nalunaaruteqareernerata kingorna sapaatit akunnerit 8 qaangiutsinnagit. Neqerooruteqartitsisarnermi Maalaaruteqartarfiup aalajangigai piffissaritaasup iluani eqqartuussivinnut ingerlateqqinneqanngippat, taava aalajangiineq inaarutaavoq.
Neqerooruteqartitsisarnermi Maalaaruteqartarfik siulittaasumik ataatsimik minnerpaamillu ilaasortanik suliamut ilisimasalinnik marlunnik ilaasortaqarpoq. Siulittaasoq Nunatta eqqartuussisuuneranit toqqarneqassaaq. Suliamut ilisimasallit Naalakkersuisunit toqqarneqassapput pisortani suliaqartartunit aamma inuussutissarsiortuniit innersuuteqartoqarnera malillugu.
Piffissatigut atuuffissami 1. juli 2020-miit 30. april 2024-imut makkua toqqarneqarsimapput:
- Jakob Julskjær, siulittaasoq, taassumalu sinniisua Kasper Skare
- Christine Tønnesen, taassumalu sinniisua Hans Henrik Olsen, Siulittaasoqarfimmi Siulersuisunut allattoqarfimmiit inassuteqartoqarnera toqqammavigalugu
- Gerth Jakobsen, taassumalu sinniisua Peter Munch Eriksen, kommunet peqatigiillutik toqqagaat
- Janus Schädler Honoré, Sulisitsisut inassutaat toqqammavigalugu
- Pisortat Pisiortortarneranni Neqerooruteqartitsinermi Maalaaruteqartarfik pillugu Inatsisartut inatsisaat nr. 7, 12. juni 2019-imeersoq (Neqeroortitsisarnermi maalaartarnermut inatsisit)
- Pisortat oqartussaaffigisaanni suliffeqarfiinilu nioqqutissanik kiffartuussinernillu pisiniarnermut tunngatillugu neqerooruteqartitsisarneq pillugu Inatsisartut inatsisaat nr. 6, 12. juni 2019-imeersoq (Neqerooruteqartitsisarnermut inatsisit)
- Sanaartornermi neqerooruteqartitsisarneq pillugu Inatsisartut inatsisaat nr. 11, 2. december 2009-meersoq (Neqerooruteqartitsisarnermut inatsisit)
- AP 95 – Kalaallit Nunaanni sanaartornermi suliassat atortussallu tunniunneqartarneri pillugit ataatsimoortumik piumasaqaatit (Maluginiaqquneqarpoq: Una atuarneqarsinnaasoq qallunaatuujummat)
Neqerooruteqartitsinermut Maalaruteqartarfimmiit aalajangiinerit:
2021.07.28 MT Højgaard Grønland ApS Ineqarnermut attaveqatigiinnermullu Naalakkeruisoqarfianut
Siornatigut Neqerooruteqartitsinermut Maalaruteqartarfikumi aalajangiinerit:
2018.02.21 Nuummi inissiat attartortittakkat pillugit illuutinut sullissinermut
2017.10.23 Nanortalimmi iliveqarfiup allineqarnissaa
2017.10.23 Kommune Kujallermut arsartarfiit ivigaasanik qallikkat pingasut
2017.01.03 Nuummi Vandsøvej-imi ajornartoorfimmi innaallagissiorfimmik isaterineq
2012.09.07 Tasiilami inissiat 10-t
2012.06.27 Qasigiannguani kiassaateqarfimmik iluarsaassineq innaallagisserineq maskiinalerinerlu
2012.06.06 Tasiilami inissiat 10-t (Atuuttussanngortitsinissamik)
2012.03.19 Assaquttami aasarsiortarfiup ingerlanneqarnera
2011.11.28 Nukissiuutit nalunaarsornissaannut aamma nukissiuutinut iliuusissatut
2010.10.21 SANA-p eqqaani erngup aqqutaa aamma Innaallagissap sarfaa sakkortuup kabelianik atorunnaarsitsineq
Pisortat Pisiortortarneranni Neqerooruteqartitsinermi Maalaaruteqartarfimmut nuierneq pillugu aaqqissuussaq 7. decembari 2022-meersoq
Pisortat Pisiortortarneranni Neqerooruteqartitsinermi Maalaaruteqartarfik pillugu Inatsisartut inatsisaat nr. 7, 12. juuni 2019-imeersumi § 3, imm. 2 naapertorlugu ataani allaqqasut inissititerneqarput:
§ 1. Maalaaruteqartarfiup allakkatigut taasinermi ataatsimiinnerminnilu aalajangiisassapput.
Imm. 2. Ataatsimiinnerit siulittaasup pisariaqartippagu ingerlanneqartassapput. Ataatsimiinnerit digitalimik ingerlanneqassapput.
Imm. 3. Ataatsimiinnernut kingusinnerpaamik ullut 14-it sioqqullugit aggersaasoqartassaaq, tassani siulittaasoq nammineq suliat piaartuunerinut tunngatillugu aaliangiisinnaanngippat.
Imm. 4. Ataatsimiigiaqqusinermi ullormut oqaluuserisassat ilanngunneqariissapput, tassanilu sapinngisamik suliat pisariaqartinneqartumik, ilanngussassartai ilanngutereerlugit, suliarineqartussat allanneqareersimassapput.
Imm. 5. Ataatsimiinnerit kalaallisut, danskisut imaluunniit oqaatsit taaneqartut tamarmik atorlugit ingerlanneqarsinnaavoq. Oqalutseqarnissaq pisariaqartinneqarpat, tamanna Allatseqarfimmut ataatsimiinnginnermi ullut qulit sioqqullugit nalunaarutigineqassaaq.
Imm. 6. Allatseqarfik ataatsimiinnermi taasisinnaatitaanani peqataassaaq.
§ 2. Siulittaasoq Inatsisartut Inatsisaat naapertorlugu oqaasiinnakkut isumaqatiginninniarnissamut ingerlatsissalluni aaliangerpagu, suliami illua-tungeriit suliamilu peqataatinneqartut ataatsimiinnermi kisimi ilassuteqarsinnaanerat apeqquteqarsinnaanerallu pinerullugit peqataatinneqarnissai isumannaarneqaqqaassaaq.
Imm. 2. Oqaasiinnakkut isumaqatiginninniarnermi suliami allakkatigut uppernarsaatit aalajangiisartunit ilisimaneqaqqaassapput
Imm. 3. Illua-tungeriinni oqaasinnakkut isumaqatiginninniarnermut peqataasoqanngitsoorpat, taava aalajangiisartut suliami tunngavigineqartut tunngavigalugit aalajangiisinnaassaaq.
§ 3. Siulittaasoq Inatsisartut inatsisaat naapertorlugu ilaasortanik peqataatitaqarani maalaarutigineqartoq pillugu aalajangiiguni, allatseqarfiup aalajangiisartunut tamanna ilisimatitsiissutigissavaa.
§ 4. Allatseqarfiup maalaarutip aalajangiisartunut piareersarneqarnera isumagisassavaa, assersuutigalugu maalarummut akilersuummik akiliisitsineq, suliami illua-tungiliuttunit paasissutissanik uppernarsaatinillu noqqaassuteqarneq, aalajangiisartut aalajagniussassaannik suliaqarneq, ataatsimiigiaqqusinerit il.il.
Imm. 2. Allatseqarfiup passissutissanik il.il. nassiussinermi akissuteqarnissamut killigititassamik inissiisinnaavoq.
Imm. 3. Allatseqarfiup illua-tungeriit Inatsisartut Inatsisaat naapertorlugu paasissutissat tamaasa pillugit ilisimatitsiisarnissaminut isumannaarisassaaq.
Imm. 4. Allatseqarfiup aalajangiisartut aalajangiussai avammut saqqummiuttassavai. Allatseqarfiup aamma aalajangiisartunut saaffiginnissutit akissuteqarfiginissaannik suliaqartassaaq.
§ 5. Aalajangiisartuni ilaasortaq, pisortatigut ingerlatsinermi suliarinnittarneq pillugu inatsisartut inatsisaat naapertorlugu attuumavallaarneq peqqutaalluni, aalajangiussaqaqqusaanngilaq, aalajangiinermi peqataaqqusaanngilaq imaluunniit suliami suliarinninnermi peqataaqqusaanani.
Imm. 2. Ilaasortaq suliamut tunngatillugu attuumavallaarsoraluni nalornileruni, tamanna Allatseqarfimmut piaartumik nalunaarutigalugu anngutissavaa.
Imm. 3. Aalajangiisartut ilaasortanik peqataasoqaratik aalajangiisassapput, tassani attuumavallaarneq peqqutaappat.
§ 6. Aaalajangiisartuni ilaasortat tamarmik pisortat ingerlatsineranni suliassat suliarineqartarnerat pillugu inatsisartut inatsisaanni nipangiussisussaatitaaneq pillugu malittarisassat malillugit nipangiussisimasussaatitaapput. Nipangiussisussaatitaaneq paasissutissanut tamanut tunngassuteqarpoq, tassani ilaasortaq pineqartoq, imaluunniit suliami ilisimasalik maalaaruteqartarfimmi paasissutissat atorlugit, assersuutigalugu suliffeqarfimmi aningaasaqarneq suliffeqarfimmilu pissutsit, aamma suliffeqarfimmut paasissutissat tunngassuteqarsinnaasut allat pillugit, suliaqarnermini ilisimalikkani.
Jakob Julskjær
Pisortat Pisiortortarneranni Neqerooruteqartitsinermi Maalaaruteqartarfiup siulittaasua
Atuisartoqarnermut Unammilleqatigiinnermullu Aqutsisoqarfik
Forbruger- og Konkurrencestyrelsen
Imaneq 29, 1. sal
Postboks 689
3900 Nuuk
Neqerooruteqartitsisarnermi Maalaaruuteqartarfimmiik saqqummiussat
Atuisartoqarnermut Unammilleqatigiinnermullu Aqutsisoqarfiup aalajangiussaa 1. novembari 2021-meersoq: Per Aarsleff Holding A/S’-ip Permagreen Grønland A/S-ip tamakkiisumik aqunneqarneranut pisiarinera pillugu
Per Aarsleff Holding A/S’-ip Permagreen Grønland A/S peqatigalugu kisimi nakkutiginninnermik inuussutissarsiuteqarneq pillugu piuminarnerusumik sullissineranut
Kattunnermik nalunaarut
Atuisartoqarnermut Unammilleqatigiinnermullu Aqutsisoqarfik Per Aarsleff Holding A/S-ip (“Per Aarsleff”) Permagreen Grønland A/S-imi (“Permagreen”)