Neqerooruteqartitsinermi Maalaaruteqartarfik

Atuisartoqarnermut Unammilleqatigiinnermullu Aqutsisoqarfik Pisortat Pisiortortarneranni Neqerooruteqartitsinermi Maalaaruteqartarfimmut (Neqerooruteqartitsinermi Maalaaruteqartarfik) allattoqarfiuvoq.

Whistleblower

Whistleblower

Neqerooruteqartitsisarnermi Maalaaruuteqartarfimmiik saqqummiussat

29. Jul 2024

Niclasen A/S-ip Usisaat ApS-imi suliassanut inuussutissarsiuteqalernera pillugu piuminarnerusumik nalunaaruteqarneq

Atuisartoqarnermut Unammilleqatigiinnermullu Aqutsisiqarfiup Niclasen A/S-ip Usisaat ApS-imi nutsernermut suliaqarneranik, tassani pisattanik immikkuullaarissumillu nutsernerit ilanngullugit, kiisalu nassiussassanik sulianik suliaqartalernera (logistikkikkut kiffartuussineq) pillugu nalunaartutaa tiguaaa. Kattunneq piuminartumik nalunaarutigineqarpoq. Aqutsisoqarfiup suli kattunnermi piumasaqaatit naammassineqarsimanersut pillugit nalilersuinngilaq, tamannalu piuminarnerusumik nalunaaruteqarnermi ingerlariuseq atorneqartarluni. Niclasen Nuummi najugaqarpoq oqimaatsunillu aassuisartuulluni, tassani sipilinik kivittaatinillu, eqqaavilerinermi aamma kantiinamik ingerlatsinermi suliarineqartarlutik. Usisaat Nuummiippoq. Suliffeqarfik 1973-imili pisattanik nutserinermik suliaqartalersimavoq. Usisaat ullumi nassiussassanik sulianik (logistikkikkut kiffartuussineq) NTG Air & Ocean A/S suleqatigalugu suliaqartarpoq, kiisalu biilinik kiffartuussilluni suliaqarneq aamma ”Usibox” toqqorsivik. Nutsernermut kisimi, kiisalu nassiussassanik sulianik suliaqartalerneranut tunngasunut suliat kisiisa tunniunnneqarput. Atuisartoqarnermut Unammilleqatigiinnermullu Aqutsisoqarfiup kattunneq pillugu soqutiginnittunut tamanut oqaaseqaateqarnissaq kingusinnerpaamik ulloq 7. aggusti 2024 nal. 12 tikitsinnagu tunniunneqassasoq kajumissaarutigaa. Oqaaseqaatit uunga nassiunneqassapput: Atuisartoqarnermut Unammilleqatigiinnermullu Aqutsisoqarfik Imaneq 29, alliup tullia 3900 Nuuk E-mail: aua@nanoq.gl imaluunniit unammineq@nanoq.gl Meqq.: Niclasen A/S-ip Usisaat ApS-imi suliassanut inuussutissarsiuteqalernera . Kattunneq pillugu paasisaqarnerorusukkuit immikkut siunnersorti Martin Jensen, oqa.: (+299) 32 80 33, e-mail: aua@nanoq.gl imaluunniit unammineq@nanoq.gl-imut attaveqarsinnaavutit.
Atuaruk →
21. Mar 2024

Semler Gruppen A/S-ip H.P. Entreprenørmaskiner A/S-imik kisermaassilluni nakkutiginnilernera pillugu pisariillisamik sullissineranut tunuliaqutaasumik akuersissut

Atuaruk →
6. Mar 2024

Kattunneq pillugu nalunaarut – Biililerinermi ingerlatseqatigiiffissuaq aamma maski-inanik sanaartornermi atortunik tuniniaaneq

Atuisartoqarnermut Unammilleqatigiinnermullu Aqutsisoqarfik Semler Gruppen A/S (”Semler Gruppen”)-mit, H.P. Entreprenørmaskiner A/S (”H.P. Entreprenørmaskiner”)-imut tamakkiisumik suliffeqarfik aqutsisuulernera pillugu pisariillisamik tigusaqarpoq. Unammilleqatigiinneq pillugu Inatsisartut inatsisaat nr. 1, 15. maaji 2014-imeersoq kingusinnerusukkullu allannguuteqartinneqartoq malillugu, suliffeqarfiit kattunnerannik nakkutiginninnermi aalajangersakkat malillugit ingerlatitsineq pisimasoq suliami peqataasunit nalilerneqarpoq. Kattunnissamut allaqqitassiaq nalunaarutigineqartoq pisariitsumik nalunaarutigineqarnissaa siunniutaavoq. Aqutsisoqarfiup suli kattunnissamut piumasaqaatit naapertuunnersut isummerfigisinnaanngilaa. Semler Gruppen ingerlatitsinerup naammassinninnerani H.P. Entrepremørmaskine-mut kisimiittutut oqartussaanera unammilleqatigiinnermut inatsit § 16. imm 1, nr. 2 naapertorlugu kattunneruvoq. Semler Gruppen tassaavoq ingerlatseqatigiiffissuaq danskiusoq, suliffeqatigiiffiillu Skandinavisk Motor Co A/S, Semler Mobility Retail A/S, Car Holding A/S aamma Semler Agro A/S Semler Gruppen-imut attuumallutik. Semler Gruppen aamma suliffeqarfimmut attartortitsisartumut Volkswagen Semler Finans A/S-imut piginneqataasuuvoq. Semler Gruppen-ip eqqussineq tuniniaanerlu niuernikkut ingerlatarai soorlu makku; inuinnaat biiliinut tunngasut, inuussutissarsiornermi qamutit nunalerinermullu maskiinat tunngasut, taartissanik perutsinillu tuniniaaneq, kiffartuussineq iluarsaassinermillu sullissineq, ingerlaarsinnaanermut atortunik tamalaanik tuniniaaneq, attartortitsinerillu. Semler Gruppen-ip Kalaallit Nunaanni biilinik nutaanik tuninaanermik ingerlataqarput. Danmarkimi sumiiffinni marlunni Kalaallit Nunaannilu sumiiffimmi ataatsimi, H.P. Entreprenørmaskiner maskiinat sanaartornermi atortunik tuniniaasarpoq. H.P. Entreprenørmaskiner maskiinat sanaartornermi atortut Hitachi-mik, Sandvik-imik aamma Bell-imik meqqillit Danmarkimi, Kalaallit Nunaanni Savavimmiunilu ingerlatsinermut sullissiviinnut tuniniartarpai. Atuisartoqarnermut Unammilleqatigiinnermullu Aqitsisoqarfiup suliffeqarfinnik kattussineq pillugu oqaaseqaateqarusullutik soqutiginnittut ulloq 19. marts 2024-mi nal. 12.00. nallertinnagu tunniussinissaat kaammattuutigineqarpoq. Oqaaseqaatit uunga nassiunneqassapput: Atuisartoqarnermut Unammilleqatigiinnermullu Aqutsisoqarfik Imaneq 29, 1. Sal 3900 Nuuk, Grønland E-mail: aua@nanoq.gl aamma unammineq@nanoq.gl Annertunerusumik suliffeqarfinnik kattussineq pillugu paasisaqarnerorusukkuit, Camilla Bruun Djarnis attavigineratigut paasisaqarnerusinnaavutit, uunga attavigisinnaavat                 e-mail.: cabr@nanoq.gl cc. unammineq@nanoq.gl.
Atuaruk →
12. Feb 2024

Akinik misissuinerit 2023

Atuaruk →
23. Nov 2023

Kesko Corporation-ip Davidsen Koncernen A/S-imik kisimi nakkutiginnin-nermik inuussutissarsiuuteqarneq pillugu piumanerusumik sullissinera-nut akuersineq

Atuaruk →
26. Oct 2023

Kattunneq pillugu nalunaarut – Sanaartornermut atortussanik nioqquteqarfik

Atuisartoqarnermut Unammilleqatigiinnermullu Aqutsisoqarfik Keskomit nalunaarummik tigusaqarpoq Davidsen Koncernen A/S-imit tamakkiisumik suliffeqarfik aqunneqalertoq. Illua-tungeriit unammilleqatigiinnermi inatsimmi aaliangersakkani kattunnermut tunngasut ilaatinneqarnerinut paasinnittaasiat malillugu nuussisoqarpoq, tamannalu isumaqarluni, kattunneq akuerineqartinnani naammassineqarsinnaanngitsoq tak. Unammilleqatigiinneq pillugu Inatsisartut inatsisaat nr. 1, 15. maaji 2014-imeersoq kingusinnerusukkullu allanngortinneqartumi § 19. Kesko Corporations finskit børsikkut allattorsimasuutigalugu suliffeqarfiutigaat, taannalu ulluinnarni pisiarisartakkatsinnik, sanaartornermik teknikikkullu nioqquteqarnermik aammattaaq biilinik nioqquteqarnermik suliaqartuulluni. Kesko Corporations Finlandimi 1.800 missaanni pisiniarfiuteqarpoq, Sverige, Norge, Estland, Letland, Litauen aamma Polenimi, internettikkullu niuernermik suliaqartuulluni. Kesko Corporations Kalaallit Nunaanni suliaqartuunngilaq. Paasissutissat allat uani atuarneqarsinnaapput www.kesko.fi. Davidsen Koncernen A/S danskit niuernikkut suliffeqarfiutigaat, qisunnillu aamma sanaartornermut siammasissumik nioqqutaateqarluni. Davidsen Koncernen A/S Danmarkimi Kalaallit Nunaannilu (Nuummi) pisiarfiuteqarpoq, aammattaaq qisunnik internettikkut nioqquteqarnermik suliaqartuulluni. Paasissutissat allat uani atuarneqarsinnaapput www.davidsen.dk. Atuisartoqarnermut Unammilleqatigiinnermullu Aqutsisoqarfiup soqutiginnittut tamaasa kattunneq pillugu oqaaseqarnissaminnut kajumissaarneqarneqarput, tamannalu kingusinnerpaamik ulloq 9. november 2023, nal. 12.00 pissalluni. Oqaaseqaatit uunga nassiunneqassapput: Atuisartoqarnermut Unammilleqatigiinnermullu Aqutsisoqarfik Forbruger- og Konkurrencestyrelsen Imaneq 29, 1. Sal 3900 Nuuk, Grønland E-mail: aua@nanoq.gl Kattunneq pillugu paasisaqarnerorusukkuit Camilla Bruun Djarnisimut saaffiginnissinnaavutit. cabr@nanoq.gl
Atuaruk →
Scroll to Top