Atuineq

Taamak pineqarsimanngikkuit, taava assigiinngitsunik periarfissaqarputit – tamannalu ilinnut aningaasartuutaanngitsuuvoq. Assersuutigalugu, pisiappit ajoqutaa inuussutissarsiornermik ingerlataqartumit aaqqiivigineqarniissaa pillugu aaqqiagiinngissuteqalersimagussi.
Taamak pisoqartillugu Atuisartoqarnermut Unammilleqatigiinnermullu Aqutsisoqarfik imaluunniit Atuisartut Pisisartullu Maalaarutaannik Aalajangiisartut attavigisinnaavatit.

Atuisutut pisinnaatitaaffitit unioqqutinneqaqqunagit inuussutissarsiornermik ingerlataqartut inatsisinik maleruaanerat Atuisartoqarnermut Unammilleqatigiinnermullu Aqutsisoqarfimmit nakkutigineqarpoq. Atuisartutut pisinnaatitaaffiit ilaattut makku taaneqarsinnaapput:

• Pisiap kukkuneri imaluunniit ajoqutai pisiarineraniit ukiut marluk iluanni tuniniaasumut naammagittaalliuuteqarsinnaatitaaneq
• Pisiap kukkuneri imaluunniit ajoqutaata naammattoorneranit qaammatit marluk iluani tuniniaasumut naammagittaalliorneq pisimappat inatsisitigut piffissarititaasoq eqqortumik pisutut isigineqartuaannarpoq – aatsaalli kukkuneranik imaluunniit ajoqutaanik naammattoorsineq pisinermit ukiut marluk iluaniippat
• Internet-ikkut niuernermi pisiat, ullut 14-it iluanni peqqissimisinnaatitaanermik pisinnaatitaaffik
• Akikillisanik neqeroorutinillu pisisimanermi tuniniaasumut naammagittaalliuuteqarsinnaatitaaneq

Pisinnaatitaaffiit qulaani taaneqartut avaqqunneqarsinnaanngillat – imaappoq, tuniniaasumut naammagittaalliuuteqarsinnaatitaanerit ukiumik ataatsimik sivisussusilerneqarnikoq atsiorsimagaluarukkuluunniit, taamak tuniniaasumut naammagittaalliorsinnaatitaaffiit ukiut marluusussaavoq.

Pisinnaatitaaffiit assersuutissallu arlalippassuupput. Illit nammineq qanoq inissisimanerit nalornissutigigukku Atuisartoqarnermut Unammilleqatigiinnermullu Aqutsisoqarfik attavigisinnaavat. Atuisartututtaaq pisinnaatitaaffinnut tunngasunik nalinginnaasunik apeqqutissaqaruit Atuisartoqarnermut Unammilleqatigiinnermullu Aqutsisoqarfik aamma attavigisinnaavat.

Inuussutissarsiornermik ingerlataqartorlu aaliangersimasumik aaqqiagiinngissuteqarussi tamassuminngalu aaqqissinnaanngisassinnik, taava inuussutissarsiornermik ingerlataqartoq Atuisartut Pisisartullu Maalaarutaannik Aalajangiisartunut maalaarutigisinnaavat.

Kingorna Atuisartut Pisisartullu Maalaarutaannik Aalajangiisartut, suliamik suliarinninnissinnaanerminni piginnaaneqarnerlutik nalilersussavaat. Suliamik suliarinninnissaminnut piginnaaneqarunik, taava Atuisartut Pisisartullu Maalaarutaannik Aalajangiisartut suliami peqataasut tusarniaavigereerlugit aalajangiissuteqarumaarput.

Atuisartut Pisisartullu Maalaarutaannik Aalajangiisartut ilaasortai pingasuupput, ataaseq atuisartunut kattuffinnit ataatsimoorlutik inassuteqaateqarsinnaatitaasunit toqqarneqarnikoq, ataaseq inuussutissarsiornermi kattuffinnit ataatsimoorlutik inassuteqaateqarsinnaatitaasunit toqqarneqarnikoq, ataaseq Atuisartoqarnermut Unammilleqatigiinnermullu Aqutsisoqarfiup pisortaa. Ilaasortat ukiunut sisamanut toqqagaasarput.

Atuisoq Kalaallit Nunaanni atuisartunut siunnersuisarfiuvoq, aammattaaq inuussutissarsiornermik ingerlataqartut inatsisit malillugit iliuuseqartarnersut nakkutigisarlugit.

Atuisoq Atuisartoqarnermut Unammilleqatigiinnermullu Aqutsisoqarfiup ataani inissisimavoq, matumanilu Namminersorlutik Oqartussanut pituttorsimasuunani.

Atuisartoqarnermut Unammilleqatigiinnermullu Aqutsisoqafiup atuisartunut tunngatillugu tuniniaanissamik nittarsaassisarnermut inatsisip unioqqutitsaaliorneqarnissaa isumagisarpaa. Tamatumunngalu aqutsisoqarfiup Atuisoq, tassaasorlu tamanut ammasumik atuisartoqarneq pillugu paasissutissanut isaaviusoq akisussaaffigalugu.

Uani nutaarsiassat aammattaaq Atuisoq-p suliai pillugit atuagaqarsinnaavutit.

Atuisartut maalaarumminik ilalerneqarnerisa kingorna, suliffeqarfiit Atuisartut Pisisartullu Maalaarutaannik Aalajangiisartut aalajangiissutaanik malinnissimanngitsut matumani allassimapput.

Aqutsisoqarfiup tamanut saqqummiunneqartut aqqi nutaat allattortarpaat, uani ilassutigineqartut kingulliit malinnaaffigikkit.