Atuisartoqarneq
Inuussutissarsiutilinnit inatsisit naapertorlugit pineqarnissamik qulakkeerinnittumik Kalaallit Nunaanni atuisartutut pisinnaatitaaffeqarputit.
Tamanna unioqqutinneqarpat – soorlu pisiaq akornutilik nioqquteqartumit aaqqiiviginiarneqanngippat, arlalitsigut akeqanngitsumik ikiorserneqarnissamut periarfissaqarputit. Taama pisoqartillugu Atuisartoqarnermut Unammilleqatigiinnermullu Aqutsisoqarfik imaluunniit Atuisartut Pisisartullu Maalaarutaannik Aalajangiisartut attavigisinnaavatit.
Atuisartoqarnermut Unammilleqatigiinnermullu Aqutsisoqarfik
Atuisutut pisinnaatitaaffitit unioqqutinneqaqqunagit inuussutissarsiutillit atuisut illersorneqarnissaat pillugu inatsisinik maleruaanerat, Atuisartoqarnermut Unammilleqatigiinnermullu Aqutsisoqarfimmit nakkutigineqarpoq. Pisinnaatitaaffinnut assersuutitut ilaatigut makku taaneqarsinnaapput:
- Pisiap ajoqutillip pisiarineraniit ukiut marluk iluanni naammagittaalliuuteqarsinnaatitaaneq
- Pisinermiit ukiut marluk qaangiutinnginneranni – pisiap ajoquteqarnerata amigaateqarnerataluunniit paasineraniit qaammatit marluk iluanni – naammagittaalliuuteqarneq tamatigut piffissaliussamik eqquinerussaaq
- Qarasaasiakkut niuernermi pisianik ullunik 14-inik piffissaqarluni utertitsisinnaaneq
- Akikillisanik neqeroorutinillu pisinermi naammagittaalliuuteqarsinnaatitaaneq
Pisinnaatitaaffiit qulaani taaneqartut avaqqunneqarsinnaanngillat – assersuutigalugu ukiup ataatsip iluani naammagittaalliuuteqarsinnaanerit atsiornikkut akuerisimagaluarukkuluunniit – ukiut marluk iluanni naammagittaalliuuteqarsinnaanerit avaqqunneqarsinnaanngilaq.
Pisinnaatitaaffiit assersuutissallu arlalippassuupput. Illit nammineq qanoq inissisimanerit nalornissutigigukku Atuisartoqarnermut Unammilleqatigiinnermullu Aqutsisoqarfik attavigisinnaavatit. Atuisartututtaaq pisinnaatitaaffinnut tunngasumik nalinginnaasumik apeqqutissaqaruit Atuisartoqarnermut Unammilleqatigiinnermullu Aqutsisoqarfik attavigisinnaavatit.
Atuisartut Pisisartullu Maalaarutaannik Aalajangiisartut
Niuertup illillu akunnissinni aaqqissinnaanngisassinnik isumaqatigiinngissuteqarussi, Atuisartut Pisisartullu Maalaarutaannik Aalajangiisartunut niuertoq naammagittaalliuutigisinnaavat.
Atuisartut Pisisartullu Maalaarutaannik Aalajangiisartut suliap ingerlannissaanut pisinnaatitaaffeqarninni naliliivigereerunikku illuatungeriillu tusarniaavigineqareerpata suliaq aalajangiivigissavaat.
Atuisartut Naammagittaalliornermut Aaliangiisartut
Atuisartut Naammagittaalliornermut Aaliangiisartut pingasunik ilaasortaqarpoq, ataaseq atuisartunut atorfeqarfinnit ataatsimoorlutik innersuussaat, ataaseq inuussutissarsiornermi atorfeqarfinnit ataatsimoorlutik innersuussaat aamma Atuisartoqarnermut Unammilleqatigiinnermullu Aqutsisoqarfiup pisortaa. Ilaasortat ukiunut sisamanut toqqagaasarput.
Atuisartut Naammagittaalliornermut Aaliangiisartut maannakkut aqunneqarnera ima unttalerneqarpoq:
Kristina Nordby (Siulittaasoq)
Jenseeraq Poulsen
Anita Hoffer
Assiliaq: Inatsisartut Allattoqarfiat
Atuisunut Siunnersuisoqatigiit ukiumoortumi nalunaarutaat 2011
Atuisunut Siunnersuisoqatigiit ukiumoortumi nalunaarutaat 2010
Atuisunut Siunnersuisoqatigiit ukiumoortumi nalunaarutaat 2009
Atuisunut Siunnersuisoqatigiit ukiumoortumi nalunaarutaat 2008
Atuisunut Siunnersuisoqatigiit ukiumoortumi nalunaarutaat 2007
Atuisunut Siunnersuisoqatigiit ukiumoortumi nalunaarutaat 2006
Atuisunut Siunnersuisoqatigiit ukiumoortumi nalunaarutaat 2005
Atuisunut Siunnersuisoqatigiit ukiumoortumi nalunaarutaat 2004
Atuisunut Siunnersuisoqatigiit ukiumoortumi nalunaarutaat 2003
Atuisoq – Kalaallit Nunaanni atuisartunut pisisartunullu siunnersuisarfik atuisartut sinnerlugit nakkutilliisuuvoq. Atuisoq inuussutissarsiutigalugu niuertarfiutillit inatsisit malillugit ingerlanersut nakkutigisarpai.
Atuisoq Atuisartoqarnermut Unammilleqatigiinnermullu Aqutsisoqarfiup ataani inissisimavoq, Namminersorlutik Oqartussanit pituttorsimanani inissisimasumit.
Atuisartunut tunngatillugu ussassaarisarneq pillugu inatsisip atuutitinneqarnissaa Atuisartoqarnermut Unammilleqatigiinnermullu Aqutsisoqafimmit isumagineqarpoq. Atuisoq pisortat atuisartunut paasissutissiisarfiat Aqutsisoqarfiupo aamma akisussaaffigaa.
Uani atuisartunut nutaarsiassat, nioqqutissanik misileraanerit kiisalu Atuisartut Pisisartullu Maalaarutaannik Aalajangiisartullu suliaat pillugit atuarsinnaavatit.
Ataaniippullu sulifeqarfiit atuisuminnik tapersiillutik naammagittaalliortoqarnikuunerani Atuisartut Pisisartullu Maalaarutaannik Aalajangiisartut aalajangiussaannik malitaqarsimanngitsut.
Uani paasissutissat nutaanik ilassuteqarnerinik malinaagit, tassani aqutsisoqarfiup atit nutaat saqqummiuttarmagit.
North Safari ApS-ip, maannakkut Point660 Glacier Water ApS-iusoq, piumasaqaatit naammassisimanngilai
Maalaaruteqarit
Sullissivimmi immersugassaq
Sulianut aalajangerneqarsimasunut malinnaanngineq
Suliffeqarfiit Sulianut aalajangiunneqarsimasunut malinnaanngineri nassaarisinnaavatit, taakkulu Atuisartoqarnermut Naammagittaalliuuteqartarfiup Aalajangiisartuini suliamik ajorsarnermik kinguneqartumik, aalajangiinermik malitsitsisimannginneranni.
Atuinermit saqqummiussat
Sulisunut pikkorissarneq
Atuisartoqarnermut Unammilleqatigiinnermullu Aqutsisoqarfik sulisunut pikkorissarneq peqqutigalugu 11.december ullup qeqqanut matussaaq. Ataasinngorneq 14-12-2020
Nerisassanik nalunaaqutsiineq
Nerisassanik tuluttut island-iumiusulluunniit nalunaaqutsersimasunik tuniniaaneq akuerineqarpoq. Inuussutissat inissinneqarfigisimasaasa eqqannguani niuertarfimmi
Timmisartut aallartarnerisa allannguutaat
Timmisartorlutit angalaniaruit angalanissarnullu pilersaarutitit allannguuteqarpata – taava pisinnaatitaaffitit aammalu angalatitsisup pisussaffii pillugit
Atuisartut Aalajangiisartut
Atuisartut Pisisartullu Maalaarutaannik Aalajangiisartut nammineerlutik suleriaasissaat