Suliffeqarfiit atuisutik isumaqatigisimagunikkit, imaluunniit inatsisitigut arlaatigut ilanngunneqarsimappat, akitsuusiinissaminnut pisinnaatitaatitaapput. Suliffeqarfiit akitsuusiinerat aallaavimminni inatsitigut aaqqiiffigineqanngillat. Taamaattumik suliffeqarfiup atuisuminnut suut akitsuutit atussanerlugit nammineq aaliangiisinnaatitaavoq. Tuniniaanissamik nittarsaassisarneq pillugu inatsimmili suliffeqarfimmut nammineq isumaqatigiissuteqarluni akitsuusiinerit aaqqiiffigineqarsinnaasut sorliunersut allaqqapput. Assersuutigalugu isumaqatigiissusiortarnerit nutartertartuni allannguinerniluunniit akilernissaanut akuereriikkatit akitsuusiinerit atuutsinneqarsinnaapput. Akilersuinissamut isumaqatigiissutini allat isumaqatigiissuteqarnermut inatsimmi maleruagassat aaliangersimasut atorlugit aaqqiisoqartarpoq. Akitsuut aaliangersimasoq pillugu inatsimmi allaqqasoqanngippat, taava suliffeqarfik aallaavittut nammineq akitsuusiissanerluni aaliangiisinnaavoq. Suliffeqarfiup nammineq akitsuutip annertussusaa akulikitsigineralu qanorlu piumaneqartassanersoq inississinnaavaa. Atuisutut, isumaqatigiissusiunnginninni imaluunniit pisinnginninni, suut akitsuutit periarfissarinerlugit paasisaqaannartussaavutit. Akitsuut assigiinngitsutigut isumaqatigiissutigineqarsinnaavoq. Isumaqatigiissut pappialaasumi, isumaqatigiissummi assigisaaniluunniit takuneqarsinnaassaaq, taannalu illit suliffeqarfik peqatigalugu sanassavarsi. Aamma suliffeqarfiup piumasaqaataani imaluunniit nalinginnaasumik isumaqatigiissutinut piumasaqaammi takuneqarsinnaavoq. Akitsuut isumaqatigiissummut ilaagaluartoq, aamma piumanissaa maannakkut pisut tunngavigalugit naammannginanngissinnaavoq, imaluunniit akitsuut annertuallaarsinnaalluni. Akitsuut naammaginanngippat, taava isumaqatigiissut allanngortinneqarsinnaavoq, tassanilu akiliinissat pisariaarussinnaavoq annikinnerusumilluunniit akiliisinnallutit. Akitsuutit nalinginnaasumik isumaqatigiissutitut ilaatillugit Nalinginnaasumik isumaqatigiissut qularnaveeqqusiinermut isumaqatigiissutaasinnaavoq, atornermut isumaqatigiissut, mobilimut abonnement imaluunniit fitnesscenterimut ilaasortaanermut isumaqatigiissut. Isumaqatigiissummi taamak ittumi aaliangersimasunik akitsuuteqartoq nalinginnaasuuvoq, assersuutigalugu allaffissornikkut akitsuut, soraarniuteqarnermut akitsuut, imaluunniit akiligassiinermut akitsuut. Akitsuutit qaffakkiartortut Suliffeqarfiup akitsuutit allanngortittarnissai kissaatigippagu, assersuutigalugu akit qaffakkiartorneri malitsigalugit qaffaasarneq atorneqassaguni, isumaqatigiissummi allaqqassaaq. Qaffaasoqarnikkut qaffaassutissat nutaat pillugit ilisimatinneqassaatit. Akitsuutit nutaat Suliffeqarfik nutaanik akitsuuseerusukkuni, taava isumaqatigiissutip allanngortinnissaa pisariaqarpoq. Isumaqatigiissummik allannguineq piffissaq atorluarlugu nalunaarutigineqassaaq, taava illit nutaamut isumaqatigiissuteqarusunngikkuit, isumaqatigiissuteqarunnaarnissannut periarfissaqassaatit. Atuisunut ataasiakkaanut isumaqatigiissutaareersumi annertuumik allannguisoqassappat, ersarissumik nalunaarutigineqajaarnissaa pingaaruteqarpoq. Suliffeqarfik aviisitigut pilerisaaruteqarnermi nalunaaruteqaruni nittartakkaminiluunniit paasissutissiiguni naammanngilaq.  Isumaqatigiissuteqarunnaarnissamut pisinnaatitaaneq Nutaanik akitsuuteqalertillugu imaluunniit akitsuutaareersut qaffanneqarnerini, akiitsut nutaat atuutsinneqalersinnagit isumaqatigiissuteqarunnaarsinnaavutit. Isumaqatigiissuteqarunnaarsinnaaguit, suliffeqarfiup akitsuutinik allannguinissaminik nalunaaruteqarnermini tamanna pillugu allakkatigut ilisimatissavaatit. Taamaasiunngikkuni tuniniaanissamik nittarsaassisarneq pillugu inatsit naapertorlugu akiligassinneqarsinnaavoq.  Akileeqqussummut akitsuutit aamma aningaasanik akiliisitsiniaanermut akitsuutit Suliffeqarfik maleruagassat malillugit kingusinaartumik akiliisoqarsimappat, isumaqatigiissummi allaqqanngikkaluartoq, akileeqqussummut aamma aningaasanik akiliisitsiniaanermut akitsuutinik piumasaqarsinnaavoq. Akitsuutit taakkua piumasaqaatiginiaraanni, inatsimmi aaqqiinissamut tunngasunik piumasaqaateqassaaq.  Kortimik akiliinermi akitsuutit Suliffeqarfiit kortimik akiliisunut akitsuusiinissaminnut piumasaqaateqarsinnaapput. Tamannali akitsuusiineq, assersuutigalugu karsimi, ersarissumik ilisimatitsiissutigineqassaaq. Aningaasanik akiliinermi akitsuusiisoqaqqusaanngilaq, aningaasat nalertik atuinnartuussaammassuk.

Jullimi tunissutissanik paarlaatitsisinnaanermut maleruagassat suuppat? Allagartat tunissutit (gavekort) qanoq sivisutigisumik atuuttarpat? Internet-ikkullu pisiniarnermi siunnersuutit pitsaasut suuppat?

Qaqagukkut tunniussinissaq kinguaattoortigisoq pisiniartuppit isumaqatigiissummiit ilaajunnaarsitaanissaanut apeqqutaassaaq suna pisiniartornut neriorsuutigisimanerit isumaqatigiissuteqarnissinni. Ukua pisut marluk eqqumaffigissavatit: Pisineq aalajangiisuuppat piffissaliussap iluani tunniussinissamut Nioqqutissaq aalajangersimasumi piffissami tunniutissagukku aammalu pisiniartup isumaqatigiissusiortoqarnerani tamanna piumasarisimappagu sunaluunniit kinguaattoorneq pingaarteqassaaq, aammalu pisiniartup pisineq atorunnaarsissinnaavaa. Assersuutigalugu arnap katissutissaa tunniunneqanngippat isumaqatigiissutigineqartumut piffissamut. Pisineq aalajangiisuunngippat piffissaliussap iluani tunniussinissamut Tunniussinissamut piffissamik isumaqatigiissusiorsimanngikkussi taamaatsillugu pisiniartup piumasaqarfigissavaatit nioqqutissaq tunniuteqqullugu, aammalu illit pisussaaffigissavat sukkasuumik nioqqutissap tunniunnissaa. Pisinermi paasititsisimaguit nioqqutissaq toqqorsivimmiinngitsoq, taamaasilluni pisiniartup naatsorsuutigissavaa aatsaat assartuunneqaqqaassasoq illoqarfimmut imaluunniit nunaqarfimmut. Nioqqutissani anginerusuni taamaattumik naliginnaasumik piffissaq ilanngunneqartassaaq umiarsuakkut assartornissaanut tunniussinissamut piffissarititaasoq. Piumasaqaateqartoqarnera aallaavigalugu nioqqutissaq suli tunniussinnaanngikkukku imaluunniit piffissaq sivisuallaartoq ingerlappat pisiniartup piumaffigisinnaavaatit nioqqutissap piffissaliussap iluani tunniunneqarnissaanut. Tamanna taaneqartarpoq ”tunniusseqqusineq”. Atuisartup tunniusseqqusinermik tunisinnaavaatit sianerfingalutit imaluunniit allaffingalutit. Taanna piffissaliussaq pisiniartup tunniussaa naleqquttuussaaq Suna ”naleqquttuunersoq” apeqqutaavoq suna nioqqutissaq eqqartorneqarnersoq aammalu pisiniartup atorfissaqartitsinera nioqqutissamut, kisiannili aamma illit tunniussinissamut periarfissatit. Nioqqutissaq piffissaliussap iluani tunniussinnaanngikkukku, aammalu piffissaliussaq naleqquttuuppat pisiniartup pisinnaatitaaffigivaa pisineq atorunnaarsissallugu. Tunniusseqqusinermi pisiniartoq aalajangersimasumik piffissaliussinngippat nioqqutissaq tunniunneqassaaq piffissap iluani piumaqartoqarnerata kingorna. Apeqqutaanngilaq illit pisiortorfiit imaluunniit illiunngitsoq pisuussuteqarnersoq kinguaattoornermi. Kinguaattoorneq eqqartorneqanngilaq pisiniartup nammineq pisuussutigippagu nioqqutissaq piffissaq eqqorlugu tunniunneqarsinnaanngippat. Siunnersuut pitsaasoq Misissoqqaaruk qanoq sivisutigisumik illit nammineq pisiortorfitit tunniussinissamut piffissaliussisarnersut. Pingaartumik pisineq tunniussinissamik piumasaqaateqarpoq piffissap aalajangersimasup iluani.

Tuniniaasutut taarsiinissamik akisussaaffilerneqarsinnnavutit nioqqutissaq atuisartumut tunisimasat inummut imaluunniit pequtinut ajoqutaalluni pisuussutaappat. Qaqagukkut akisussaasuusarpat? Nioqqutissiap ajoquteqarsinnaaneranut akisussaaffimmut inatsimmi malittarisassaat malillugit nioqqutissiortoq aammalu akornanni tuniniaasoq (assersuutigalugu tuniniaasoq imaluunniit pisiortorfik) nioqqutissamik taarsiisussaatitaanermik akisussaasuusinnaapput inummik ajoqusertoqarsimappat imaluunniit pequttumik nioqqutissap ajoqutillip malittarisaanik taassuminnga nioqqutissiarineqarsimappat imaluunniit tunniunneqarsimappat. Tunngaviusumik piumasaqaatit pingasuupput illit taarsiisussaatitaanermut akisussaaffeqalersinnaanernut: Nioqqutissaq eqqartorneqassaaq: Nioqqutissaq suusinnaavorluunniit tigussaasoq (pigisat nuunneqarsinnaasut), taassumalu ataani atortut pisattamut ilaasut allamut nioqqutissamut imaluunniit aalajaatsut pigisat aammalu innaallagiaq. Nioqqutissaq ajoquteqassaaq: Nioqqutissaq ajortutut isigineqassaaq naatsorsuutigisinnaasamik isumannaassuteqartitsinngikkuni. Soorlu assersuutigalugu iffiami ujaraasinnaavoq. Ajoqusiisoqarsimassaaq taassuminnga nioqqutissamik ajoquteqartumik pissutaasumik: Ajoqusiineq isumaqarpoq kinaluunniit ajoqusersimassasoq, imaluunniit arlaat aserorsimassasoq nioqqutissap ajoqutillip malittarisaanik. Akisussaasunngorsinnaapput taarsiinissamut aammalu akiliummut taarsiisinnaalluni ajoqusernermut, pilersuisumut annaasaqarnermik taarsiineq aammalu pequttanut ajoqusiinernut atortoq naliginnaasumik naatsorsuussaappat atungassatut aammalu atorneqarluni tamanna naapertorlugu. Nioqqutissiap ajoquteqarsinnaaneranut akisussaaffimmut inatsimmi ilaanngillat piareersarneqarnikuunngitsut nioqqutissat nunalerinermut, aalisarnermut piniarnermullu tunngasut. Tassa imaappoq piareersarneqanngittunik nerisassank kalaalimineerniarfimmi pisineq. Kina akisussaasuua? Nioqqutissiap ajoquteqarsinnaaneranut akisussaaffimmut inatsimmi immikkoortiterneqartarput nioqqutissiortoq akunnermiliuttutut nioqqutaatilillu, tamarmimmi taarsiinissamut akisussaasinnaammata. Nioqqutissiortoq tassaavoq nioqqutissiamik naammassinikumik sanatitsisoq, nioqqutissiap ilaanik, atortussiaq imaluunniit sanasoq imaluunniit akoornagu sanaamik katersisoq, kiisalu taanna nioqqutissiamut atiliisoq, taamaasillunilu nioqqutissiamut nioqqutissiortuuneraluni. Taanna nioqqutissiamik Naalangaaffeqatigiiffimmut eqqussuisoq tuniniaaqqinnissaq siunertaralugu, attartortitsinissaq, atukkiussineq imaluunniit allatigut nioqqutissanik tunisaqarneq aammattaaq isigineqartarput nioqqutissiortuusutut. Akornanni tuniniaasoq tassaavoq sunaluunniit inuutissarsiutini atatillugu tuniniaaqqittoq, atukkiisoq imaluunniit allatigut nioqqutissiamik kaaviiaartitsisoq nioqqutissiortutut isigineqanngikkaluarluni. Soorlu assersuutigalugu nioqqutissanik eqqussuisoq imaluunniit niuertoq. Atuisartoq inummut ajoqusiinermik imaluunniit pigisamut misigisaqaruni allap nioqqutissiap pineranut pissutaasumik toqqarsinnaavaa nioqqutissiortumut imaluunniit tuniniaasumut (akornanni niuertumut) maalaaruteqarnissani tassunga ajoqusiisumut nioqqutissamut aammalu taarsiivigitinnissamut piumasaqarluni. Nioqqutissiortup akisussaaffia Nioqqutissiortup sunaluunniit ajoqusiineq taarsissavaa nioqqutissiamik ajoquteqartumiit pissutaasoq. Akisussaaffimmut sunniuteqanngilaq nioqqutissiortoq pisuunermik takutitsisimanersoq taanna ajoquserneq atatillugu. Aallaavittut nioqqutissiortup annaasaqaat tamaat taarsiivigissavaa ajoqusersimasup annaasaqaatigisimasaa. Pigisanut ajoquserneq eqqartorneqarpat 4.000 koruunit ilanngaatigineqassapput. Akunnermiliuttutut nioqqutillip akisussaaffia Akunnermiliuttutut nioqqutilik akisussaaffigissavaa nioqqutissamut akisussaaneq ajoqusertumut aammalu kingusinnerusukkut akunnermiliuttutut nioqqutilimmut kaaviiaartitsisut iluanni. Pisiniartup taamaattumik taarsiivigitinnissamut piumasaqarnini tuniniaasuminut saatsissinnaavaa. Eqqumaffigisariaqarpat kalaallit akunnermiliuttutut nioqqutillit akisussaaffiat sukannerummapata Danmarkimut EU-mullu sanilliullugit. Danmark-imi akunnermiliuttutut nioqqutaatillit taamaallaat ajoqusiineq taarsiiffigissavaat tunineqartup pissuteqarneranik ajoqusiisumik nioqqutissiortoq imaluunniit akunnermiliuttutut nioqqutiliup nammineq mianersuaalliornermik takutitsisimappat. Assersuutigalugu kummit kalipaataat atuisup qarlianut tunippat, pissutigalugu nioqqutissiortup akisussaaffigimmagu kummit taamaasinnginnissaat. Atuisup pisussaaffia ajoqusernerup killilernissaanut Atuisup paasiguniuk nioqqutissiaq ajoqusiinermut pissutaasoq erniinnaq nioqqutissiaq atorunnaassavaa, taamaasillunilu ajoquserneq sapinngisamik killilerlugu. Atuisup ilisimallugu imaluunniit mianersuaalliorluni ajoqusiineq ajornerulersikkuniuk, aammalu taamaasilluni taarseeqqusissuteqarneq annertuninngortillugu taarsiineq appartinneqarsinnaavoq imaluunniit atorunnaarsinneqarluni. Inatsit saneqqunneqarsinnaanngilaq Inatsit isumaqatigeereerluni saneqqunneqarsinnaanngilaq ajoquserneqartumut ajoqusiinermi. Taamaasilluni ajoqusernerup pinnginnerani isumaqatigiissutigineqarsinnaanngilaq tuniniaasup imaluunniit tuniniaanermi taarsiisussatut akisussaaffeerutsinneqarnissaq imaluunniit taamaallaat killilimmik taarsiinissamut akisussaasunngorluni. Pisoqalisoorneq ...

Illit pisussaaffeqarputit pisiniartup nioqqutissaataa paarinissaanut aaneqarnissaata tungaanut.Tuniniaqqusaanngilat imaluunniit kaseeqqusaanngilat, naak arlaleriarlutit pisiniartoq aallequnikuungaluarlugu. Taamaasillutik nioqqutissaq toqqoqqassavat aaneqarnissaata tungaanut – naak aamma piffissaq sivisooq ingerlareeraluartoq, soorlu assersuutigalugu ukioq ataaseq. Nioqqutissaq akisuneruppat piffissaq sivisooq pisussaaffigissavat toqqoqqanissaa. Aalajangersimasumik malittarisassaqanngilaq qanoq sivisutigisumik illit nioqqutissaq toqqoqqassanerit. Taamaattorli naleqquttumik toqqoqqaneranut akissarsisinnaavutit. Toqqorsineq akisuallaartumik aningaasartuuteqartitsippat imaluunniit aningaasartuutit toqqorsinermi nioqqutissap nalinga qaangerpagu nioqqutissaq pitsaanerpaamik tuniniarsinnaavat. Nioqqutissaq naleqanngippat arlaanni igissinnaanngussavat. Kisianni taamaasiunnginnerni qularnaaqqaassavat naleqanngitsoq. Nioqqutissaq tuniniartinnagu imaluunniit iginneqannginnerani misilillugu pisiniartoq kalerreqqaassavat taamaattoqarniartoq. Pisiniartumut aallernissamik nukingisaarineq Pisiniartup piffissaq sivisooq ingerlareersoq nioqqutissaatini aasimanngippagu taava mailikkut imaluunniit allakkatigut pisiniartumut allassaatit, tassanilu naleqquttumik piffissaliussamik tunissavat nioqqutissap aanissaanut. Allakkatigut nassiussiguit taava TELE-POST-imiit uppernarsaammik piumassaatit. Taamaasillutit kingusinnerusukkut uppernarsarsinnaassavat pisiniartoq attaveqarfigisimallugu. Suli nioqqutissaq aarusunngippagu piffissap naleqquttup kingorna tuniniaratarsinnaassavat. Pisiniartoq tunisinermi iluanaarteqarsinnaassaaq akiliutigineqartussamik. Nioqqutissat aaneqanngitsut pillugit iginneqarnissaanut piumasaqaatit Ataasiakkaat inuutissarsiutigalugu ingerlatsisut tunniussinermi immersugassaatiminni imaluunniit pisiniarfimmi allagartatigut paasititsissutigisarpaat nioqqutissat assersuutigalugu qaammatit pingasut iluanni aaneqanngitsut iginneqarumaartut. Taamaattut piumasaqaatit naleqqutinngillat aammalu qaangiinnarneqassallutik. Naak pisiniartoq paasitissimangaluarit nioqqutissat piffissami sivikitsuinnarmi toqqoqqaneqartartut kasiissanngilatit. Taamaattoq kaseerukkit taarsiinissamik akileeratarsinnaavutit pisiniartumut. Siunnersuut pitsaasoq Pisiniartuppit atia telefonillu normua aammalu najungaa mailialu pikkit.