Ineqarneq pillugu maalaaruteqartarfik
Namminersorlutik oqartussat kommunilluunniit attartortittagaanni attartortut tamarmik maalaaruteqarsinnaapput – Namminersorlutik Oqartussat kommuniluunniit immikkut allaffissornertalimmik attartortitsigaluarpalluunniit – soorlu inissiaatileqatigiiffik A/S INI.
Attartortoq Ineqarneq pillugu Maalaaruteqarfimmut ukua paasissutissat ilanngullugit malaaruteqarsinnaavoq:
- Ineqarnermut akiligassanik qaffaaneq pillugu nalunaaruteqarneqarneq pillugu.
- Aserfallatsaaliuinermut iluarsartuussinermullu.
- Najukkamut nutsernermi qanoq issusaa pillugu.
- Attartukkami ikkussuussat iluarsartuussallu pillugit (atuisinnaatitaaneq).
- Attartortup attartukkamik atuinera (maleruagassanik unioqqutitsinerit).
- Attartorsinnaanermi pisinnaatitaaffiup allamut ingerlateqqinnerani (najukkamik paarlaaqatigiinneq, attartortitsineq attartukkamillu ingerlatsiinnarneq).
- Nutsernermi najukkap qanoq innera (nalinginnaasumik iluarsaassineq).
Maalaaruteqarusukkuit uunga: immersueriarlutit nittartakkakkut (NemID atorlugu atornaguluunniit) nassiussisinnaavutit, uanilu immersugassaq nassaarisinnaavat: Sullissivik, Ineqarneq pillugu Maalaaruteqarfimmut immersugassaq
Maalaarut allakkatigut tunniunneqassaaq, Ineqarneq pillugu maalaaruteqarfiup suna maalaarutitut suliassanngortinnerlugu ersarissumik allassavat, soorluttaaq maalaaruteqartup attartugaq pillugu sullinneqarnissamut suliamut paasissutissat pisariaqartinneqartut ilanngutissagai – ataaniilluni uppernarsaatit attartortitsisumut tungassuteqartut.
Ineqarneq pillugu Maalaaruteqarfiup allaffeqarfiata suliaq suliarineqarsinnaanersoq nalilerpagu, 150 koruuninik akiliinissat pillugu nalunaarfigineqarumaarputit. Akiliutit suliami maalaarutigisanni ilalerneqaruit ilaannakortumilluunnit ilalerneqaruit utertinneqassaaq.
Maalaarummik nassiussinermi pingaaruteqarpoq maalaaruteqartup aqqa, najugaa oqarasuaatikkullu normua ilanngullugu allaqqassasoq.
Ineqarneq pillugu Maalaaruteqarfimmut maalaaruteqaleruit uppernarsaatit ukua maalaarutigisannut attuumassuteqartut ilanngutissavatit: attartornermut isumaqatigiissutit, allakkatigut aalajangiussaq inissiaatileqatigiiffimmiillu uppernarsaataasinnaasut allat.
Suliap imarisaa apeqqutaalluni suliap tiguneraniit naammassinissaanut piffissaq atorneqartoq ukiup affaanik sivisussuseqarsinnaavoq.
Maalaaruteqarfik ukiumut pingasoriarluni ataatsimiittarpoq, tassanilu ilaasortat suliaq pillugu eqqartueriarlutik aalajangiisarlutik.
Ineqarneq pillugu Maalaaruteqarfiup aalajangiussaa isumaqatiginngikkukku, eqqartuussivimmut ingerlateqqinneqarsinnaavoq.
Ineqarneq pillugu Maalaaruteqartarnermi siulittaasumik ilaasortaqarput nalinginnaasumillu ilaasortanik pingasunik. Siulittaasoq kingoraartissaalu Ineqarnermut naalakkersuisumit toqqarneqartarpoq, ilaasortaq ataaseq INI A/S-ip innersuussuteqarneratigut, ataaseq KANUKOKAp innersuussuteqarneratigut ataaserlu inissianik attartortut peqatigiiffiisa kattuffita IPKp innersu
Ineqarneq pillugu Maalaaruteqartarfik Naalakkersuisunit toqqarnerqartumik ukunannga ilaasortaqarpoq:
Christina Johnsen, siulittaasoq (15. november 2025)
Frederik Flindt Hansen (KANUKOKA) (15. november 2025)
Thomas Wiemann (INI) (15. november 2025)
Josef Therkildsen (SIK) (15. november 2025)
Sinniisussat taamatuttaaq Naalakkersuisunik toqqarneqarput, ukuullutillu:
Ane Marie Sakariasen, Christina Johnsen-mut (15. november 2025)
Olafur Nielsen (KANUKOKA) Frederik Flindt Hansen-mut (KANUKOKA) (15. november 2025)
Karsten Lyberth-Klausen (INI) Thomas Wiemann-mut (INI) (15. november 2025)
Bjarne Petersen (SIK), Josef Therkildsen-mut (SIK) (15. november 2025)
Uiguusikkani ilaasortat sinniisussallu kattuffik suliffeqarfilluunniit taqqagaaffigisaat nalunaarsoqqavoq, aammalu qaqugu atuukkunnaarfissaat nalunaaqqalluni.
ussuteqarneratigut. Peqqussummi piumasaqaatit naammassisimassavaat ukiunilu 4-ni atuuffeqarlutik.
Assiliaq: Inatsisartut Allattoqarfiat
Ineqarneq pillugu Maalaaruteqartarfiup ukiumoortumik nalunaarusiaa 2023
Ineqarneq pillugu Maalaaruteqartarfiup ukiumoortumik nalunaarusiaa 2022
Ineqarneq pillugu Maalaaruteqartarfiup ukiumoortumik nalunaarusiaa 2021
Ineqarneq pillugu Maalaaruteqartarfiup ukiumoortumik nalunaarusiaa 2020
Ineqarnermi Maalaaruteqartarfiup aalajangiisartut ukiumoortumik nalunaarutaat 2019
Ineqarnermi Maalaaruteqartarfiup aalajangiisartut ukiumoortumik nalunaarutaat 2018
Ineqarnermi Maalaaruteqartarfiup aalajangiisartut ukiumoortumik nalunaarutaat 2017
Ineqarnermi Maalaaruteqartarfiup aalajangiisartut ukiumoortumik nalunaarutaat 2016
Ineqarnermi Maalaaruteqartarfiup aalajangiisartut ukiumoortumik nalunaarutaat 2015
Ineqarnermi Maalaaruteqartarfiup aalajangiisartut ukiumoortumik nalunaarutaat 2014
Ineqarnermi Maalaaruteqartarfiup aalajangiisartut ukiumoortumik nalunaarutaat 2013
Ineqarnermi Maalaaruteqartarfiup aalajangiisartut ukiumoortumik nalunaarutaat 2012
Ineqarnermi Maalaaruteqartarfiup aalajangiisartut ukiumoortumik nalunaarutaat 2011
Ineqarnermut Maalaaruteqartarfiup aalajangiisartut ukiumoortumik nalunaarutaat 2008
Ineqarnermut Maalaaruteqartarfiup aalajangiisartut ukiumoortumik nalunaarutaat 2007
Ineqarnermut Maalaaruteqarnermi aalajangiisartut ukiumoortumik nalunaarutaat 2006
Maalaaruteqarit
Sullissivimmi immersugassaq
