Ineqarneq pillugu maalaaruteqartarfik
Namminersorlutik oqartussat kommunilluunniit attartortittagaanni attartortut tamarmik maalaaruteqarsinnaapput – Namminersorlutik Oqartussat kommuniluunniit immikkut allaffissornertalimmik attartortitsigaluarpalluunniit – soorlu inissiaatileqatigiiffik A/S INI.
Attartortoq Ineqarneq pillugu Maalaaruteqarfimmut ukua paasissutissat ilanngullugit malaaruteqarsinnaavoq:
- Ineqarnermut akiligassanik qaffaaneq pillugu nalunaaruteqarneqarneq pillugu.
- Aserfallatsaaliuinermut iluarsartuussinermullu.
- Najukkamut nutsernermi qanoq issusaa pillugu.
- Attartukkami ikkussuussat iluarsartuussallu pillugit (atuisinnaatitaaneq).
- Attartortup attartukkamik atuinera (maleruagassanik unioqqutitsinerit).
- Attartorsinnaanermi pisinnaatitaaffiup allamut ingerlateqqinnerani (najukkamik paarlaaqatigiinneq, attartortitsineq attartukkamillu ingerlatsiinnarneq).
- Nutsernermi najukkap qanoq innera (nalinginnaasumik iluarsaassineq).
Maalaaruteqarusukkuit uunga: immersueriarlutit nittartakkakkut (NemID atorlugu atornaguluunniit) nassiussisinnaavutit, uanilu immersugassaq nassaarisinnaavat: Sullissivik, Ineqarneq pillugu Maalaaruteqarfimmut immersugassaq
Maalaarut allakkatigut tunniunneqassaaq, Ineqarneq pillugu maalaaruteqarfiup suna maalaarutitut suliassanngortinnerlugu ersarissumik allassavat, soorluttaaq maalaaruteqartup attartugaq pillugu sullinneqarnissamut suliamut paasissutissat pisariaqartinneqartut ilanngutissagai – ataaniilluni uppernarsaatit attartortitsisumut tungassuteqartut.
Ineqarneq pillugu Maalaaruteqarfiup allaffeqarfiata suliaq suliarineqarsinnaanersoq nalilerpagu, 150 koruuninik akiliinissat pillugu nalunaarfigineqarumaarputit. Akiliutit suliami maalaarutigisanni ilalerneqaruit ilaannakortumilluunnit ilalerneqaruit utertinneqassaaq.
Maalaarummik nassiussinermi pingaaruteqarpoq maalaaruteqartup aqqa, najugaa oqarasuaatikkullu normua ilanngullugu allaqqassasoq.
Ineqarneq pillugu Maalaaruteqarfimmut maalaaruteqaleruit uppernarsaatit ukua maalaarutigisannut attuumassuteqartut ilanngutissavatit: attartornermut isumaqatigiissutit, allakkatigut aalajangiussaq inissiaatileqatigiiffimmiillu uppernarsaataasinnaasut allat.
Suliap imarisaa apeqqutaalluni suliap tiguneraniit naammassinissaanut piffissaq atorneqartoq ukiup affaanik sivisussuseqarsinnaavoq.
Maalaaruteqarfik ukiumut pingasoriarluni ataatsimiittarpoq, tassanilu ilaasortat suliaq pillugu eqqartueriarlutik aalajangiisarlutik.
Ineqarneq pillugu Maalaaruteqarfiup aalajangiussaa isumaqatiginngikkukku, eqqartuussivimmut ingerlateqqinneqarsinnaavoq.
Ineqarneq pillugu Maalaaruteqartarnermi siulittaasumik ilaasortaqarput nalinginnaasumillu ilaasortanik pingasunik. Siulittaasoq kingoraartissaalu Ineqarnermut naalakkersuisumit toqqarneqartarpoq, ilaasortaq ataaseq INI A/S-ip innersuussuteqarneratigut, ataaseq kommunit peqatigiillutik inassuteqarnerisigut ataaserlu inissianik attartortut peqatigiiffiisa kattuffita IPKp innersu ussuteqarneratigut. Peqqussummi piumasaqaatit naammassisimassavaat ukiunilu 4-ni atuuffeqarlutik.
Ineqarneq pillugu Maalaaruteqartarfik Naalakkersuisunit toqqarnerqartumik ukunannga ilaasortaqarpoq:
Christina Johnsen, siulittaasoq (1. februar 2026 – 16.november 2029)
Pavia Kielsen (kommunit peqatigiillutik inassuteqarnerisigut) (1. februar 2026 – 16.november 2029)
Thomas Wiemann (INI) (1. februar 2026 – 16.november 2029)
Juaanna Abelsen-Petersen (IMAK) (1. februar 2026 – 16.november 2029)
Sinniisussat taamatuttaaq Naalakkersuisunik toqqarneqarput, ukuullutillu:
Ane Marie Sakariasen, Christina Johnsen-mut (1. februar 2026 – 16.november 2029)
Malik L. Jensen (kommunit peqatigiillutik inassuteqarnerisigut) Pavia Kielsen-mut (kommunit peqatigiillutik inassuteqarnerisigut) (1. februar 2026 – 16.november 2029)
Sika Nielsen (INI) Thomas Wiemann-mut (INI) (1. februar 2026 – 16.november 2029)
Nivikkannguaq Reimer (IMAK), Juaanna Abelsen-Petersen (IMAK) (1. februar 2026 – 16.november 2029)
Uiguusikkani ilaasortat sinniisussallu kattuffik suliffeqarfilluunniit taqqagaaffigisaat nalunaarsoqqavoq, aammalu qaqugu atuukkunnaarfissaat nalunaaqqalluni.
Assiliaq: Inatsisartut Allattoqarfiat
Inissianik attartortitsisarneq pillugu Inatsisartut peqqussutaata allanngortinneqarnera pillugu Inatsisartut peqqussutaat nr. 14, 20. november 2006-imeersoq (Inissiamik tigusinissamut ukiuni arfineq marlunni najugaqarsimasussaatitaaneq pillugu maleruagassanik allannguineq, inissiat piginneqatigiilluni inissianut imaluunniit inissianut nammineq pigisanut allanngortinneqarnerini attartortuni sinneruttut inatsisitigut inissisimanerat pillugu aalajangersakkat, Ineqarnermut maalaaruteqartarfiup piginnaatitaaffiinik erseqqissaaneq kiisalu aalajangersakkani ataasiakkaani teknikkikkut allannguutit.)
Isumaginnittoqarfiup aqunneqarnera aaqqissuussaaneralu pillugit Inatsisartut peqqussutaata nr. 55, 25. novembari 2024-imeersoq allanngortinneqarneranik, inissianik attartortitsisarneq pillugu Inatsisartut peqqussutaata allanngortinneqarneranik, unammilleqatigiinneq pillugu Inatsisartut inatsisaata allanngortinneqarneranik, siusinaartumik pensionisiat pillugit Inatsisartut inatsisaata allanngortinneqarneranik, Pisortat Pisiortortarneranni Neqerooruteqartitsinermi Maalaaruteqartarfik pillugu Inatsisartut inatsisaata allanngortinneqarneranik aamma pinngortitamik illersuineq pillugu Inatsisartut inatsisaata allanngortinneqarneranik Inatsisartut inatsisaat (Naammagittaalliuuteqartarfiit suleriaasiisa aalajangersarneqartarnerannut maleruagassanik allanngortitsineq)
Ineqarneq pillugu Maalaaruteqartarfiup ukiumoortumik nalunaarusiaa 2024
Ineqarneq pillugu Maalaaruteqartarfiup ukiumoortumik nalunaarusiaa 2023
Ineqarneq pillugu Maalaaruteqartarfiup ukiumoortumik nalunaarusiaa 2022
Ineqarneq pillugu Maalaaruteqartarfiup ukiumoortumik nalunaarusiaa 2021
Ineqarneq pillugu Maalaaruteqartarfiup ukiumoortumik nalunaarusiaa 2020
Ineqarnermi Maalaaruteqartarfiup aalajangiisartut ukiumoortumik nalunaarutaat 2019
Ineqarnermi Maalaaruteqartarfiup aalajangiisartut ukiumoortumik nalunaarutaat 2018
Ineqarnermi Maalaaruteqartarfiup aalajangiisartut ukiumoortumik nalunaarutaat 2017
Ineqarnermi Maalaaruteqartarfiup aalajangiisartut ukiumoortumik nalunaarutaat 2016
Ineqarnermi Maalaaruteqartarfiup aalajangiisartut ukiumoortumik nalunaarutaat 2015
Ineqarnermi Maalaaruteqartarfiup aalajangiisartut ukiumoortumik nalunaarutaat 2014
Ineqarnermi Maalaaruteqartarfiup aalajangiisartut ukiumoortumik nalunaarutaat 2013
Ineqarnermi Maalaaruteqartarfiup aalajangiisartut ukiumoortumik nalunaarutaat 2012
Ineqarnermi Maalaaruteqartarfiup aalajangiisartut ukiumoortumik nalunaarutaat 2011
Ineqarnermut Maalaaruteqartarfiup aalajangiisartut ukiumoortumik nalunaarutaat 2008
Ineqarnermut Maalaaruteqartarfiup aalajangiisartut ukiumoortumik nalunaarutaat 2007
Ineqarnermut Maalaaruteqarnermi aalajangiisartut ukiumoortumik nalunaarutaat 2006
Titartakkamik isiginnaagassiap qanoq maalaaruteqarsinnaanerlutit nassuiaateqarfigaa:
Maalaaruteqarit
Sullissivimmi immersugassaq
Atuinermit saqqummiussat
Inissiamik paarlaaqatigiinneq
Akiliutigineqartup qaffanneqarnissaanut nalunaarut
Unioqqutitsineq nipiliorneq 1
