Ineqarneq

Inigisavit qimanneranut atatillugu akiligassat pillugu Inissiaatileqatigiiffik aalajangiineranut tunngasumik maalaaruteqarnerit Ineqarneq pillugu Maalaaruteqartarfiup ulloq 12. aggusti 2021-mi suliarivaa imalu aalajangiivoq. Ineqarneq pillugu Maalaaruteqartarfik ima aalajangiivoq: AALAJANGIINEQ  Ineqarneq pillugu Maalaaruteqartarfik isumaqarpoq, najugakunni, YYX- mi nalinginnaasumik iluarsartuussineq akilissanngikkit. Ineqarneq pillugu Maalaaruteqartarfik isumaqarpoq, inissiami eqqiaaneq akilissagit. Taamaattumik inissiaatileqatigiiffiup nutaamik najukkamit nutsernermi akiligassamik nassissavaatit, tassani nalinginnaasumik iluarsartuussinermi akigititaq ilanngaatigalugu. Ineqarneq pillugu Maalaaruteqartarfiup sikaaviup matua, listit, igalaat ssavi, kiassaatit, matut, majuartarfiit sinaakkutaat naqqullu qanoq issusaa pillugit suliaqassalluni piginnaatitaaffeqanngilaq, Ineqarneq pillugu Maalaaruteqartarfiup pisussaaffimmik sumiginnaaneq imaluunniit nalinginnaasumik nungullarsimanersut pisoqalillutillu nalilersussallugu periarfissaasimanngimmat. Ineqarneq pillugu Maalaaruteqartarfik ineqarnermut akiitsut akileqquneqartut aamma taarsiiffigineqarneq pillugit apeqqummut tungatillugu suliaqarnissaminut piginnaatitaanngilaq. Kalaallit Nunaata Eqqartuussivianut unnerluussissallutit innersuussutigineqarpoq, qulaani maalaarutigineqartut suliarisinnaanngisagut maalaarutigerusukkukkit. Tassa imaappoq maalaarutit ilaannakuusumik isumaqataaffigineqarpoq. Inissianik attartortitsisarneq pillugu Inatsisartut peqqussutaat nr. 2, 12. maaji 2005-imeersoq kingusinnerusukkut allannguuteqartoq naapertorlugu aaliangiisoqarpoq. Suliami allagaatit: Ineqarneq pillugu Maalaaruteqartarfimmut maalaarutit 1. apriili 2020-meersoq. Attartornermut isumaqatigiissut marsi 2018-imeersoq. Nakkutilliinermi nalunaarusiaq decembari 2019-imeersoq. Oqarasuaatikkut oqaloqatigiinnermi nalunaarusiaq 10. maaji 2021- Inissiaatileqatigiiffimmiit suliaq pillugu oqaaseqaat 10. maaji 2021- Najukkamit nutsernermi akiligassaq marsi 2020-meersoq. Nalinginnaasumik iluarsartuussineq pillugu akiligassaq januaari 2020-meersoq. Eqqiaanermut akiligassaq decembari 2019-imeersoq. Pisussaaffimmik sumiginnaaneq pillugu akiligassaq januaari 2020-meersoq. Pisussaaffimmik sumiginnaaneq pillugu akiligassaq januaari 2020-meersoq. Inissiaatileqataigiiffimmut saaffiginnissutit 26. oktobari 2019- Maalaarutinnut ilassutit juuli 2020-meersoq. Inissiaatileqatigiiffiup suliaq pillugu oqaaseqaataa oktobari 2020-meersoq. Inissiaatileqatigiiffimmiit assit ulloq 13. oktobari 2020-mi Oqarasuaatikkut oqaloqatiginninnermi nalunaarusiaq oktobari 2020-meersoq Tusarniaanermi akissutit oktobari 2020-meersoq. Nassuiaat:  Ulloq 1. apriili 2020 Ineqarneq pillugu Maalaaruteqarfimmut inissiaatileqatigiiffik aqqutigalugu najugaqarfikut YYX pillugu maalaaruteqarputit. Attartornermut isumaqatigiissummi takuneqarsinnaavoq, najugaq ulloq 1. marsi 2018-imi tigusimagit. Inissiaq 94,20 m²-iuvoq 4-nillu ineerartaqarluni. Najukkannit nutsernissannut ulloq 31. decembari 2019 killiliussimavat, najugarlu ulloq 10. decembari 2019-imi nakkutilliiffigineqarluni. Nakkutilliinermi nalunaarusiaq 10. decembari 2019-imeersoq malillugu, najugaq nalinginnaasumik iluarsartuunneqartussaavoq, iikkat qilaarlu qalipanneqarlutik naterlu lakkerneqarluni. Taassuma saniatigut oqaatigineqarpoq, najugaq eqqiarneqassasoq pisussaaffimmillu sumiginnaaneq pillugu iluarsartuunneqassasoq. Aammattaaq oqaatigineqarpoq, listit, igalaat saavi, kiassaatit, matut majuartarfiillu sinaakkutaat pisussaaffimmik sumiginnaaneq peqqutaalluni qalipanneqartussat. Naggataatigut oqaatigineqarpoq, inimi sinittarfinnilu nateq qapiarneqassasoq, sinittarfimmilu ataatsimi sikaaviup matua taarseneqarluni. Nakkutilliinermi nalunaarusiaq ilinnit atsiorneqarsimanngilaq. Ulloq 10. maaji 2021 Ineqarneq pillugu Maalaaruteqartarfimmut oqarasuaatikkut ilisimatitsiivutit, najukkamit nutsernermi nakkutilliinermut ilaasimannginnavit nakkutilliinermut nalunaarusiaq atsiorsimanngikkit, tassanngaannartumik aallartariaqarsimanerit peqqutaalluni. Inissiaatileqatigiiffiup ulloq 10. maaji 2021-mi Ineqarneq pillugu Maalaaruteqartarfimmut attartornermut isumatigiissutip ulloq 30. oktobari 2019-imeersup ilinnit atorunnaartinneqarnera pillugu uppernarsaammik nassiussivoq. Tassani inissiaatileqatigiiffiup oqaatigaa, najukkamit nutsernermut atatillugu nakkutilliineíssaq pillugu oqarasuaatikkut attavigisimagaatit, tassanilu ilisimatitsiisimasutit, novembari qaammammi nakkutilliinissamut piffissamik nalunaaruteqarumaarlutit. Inigisavit qimanneranut ...

Ineqarneq pillugu maalaaruteqarfik ulloq 9. juuni 2021-mi YYX aserfallatsaaliineq iluarsartuussinerlu pillugu maalaarutit suliaraa. Ineqarneq pillugu Maalaaruteqartarfik ima aalajangiivoq: AALAJANGIINEQ Ineqarneq pillugu Maalaaruteqartarfik isumaqarpoq, YYX aserfallatsaaliuinissamut pisussaaffimminik eqquutitsisimanngitsoq. Taamaattumik Ineqarneq pillugu Maalaaruteqartarfik isumaqarpoq, YYX teknikerimik najukkap ajoqutaanik amingaataalu pillugit misissuititsissasoq. Taassuma saniatigut Ineqarneq pillugu Maalaaruteqartarfik isumaqarpoq, YYX-ip erngup aqqutaa (ruujorit) iluarsartuutissagai, qerillutik najukkap iluanut erngup isaannginnissaa pinaveersaarniarlugu. Naggataatigut Ineqarneq pillugu Maalaaruteqartarfik isumaqarpoq, YYX-ip solaarip tikka aamma naqqup-iluani silaannarissarfik pillugu iluarsartuussissasoq. Ineqarneq pillugu Maalaaruteqartarfiup pingaartippaa, YYX-ip kiassaat errorfillu taarsersimagai. Ineqarneq pillugu Maalaaruteqartarfiup najukkanni igalaat, igaffiup naqqullu qanoq inneri pillugit suliaqassalluni pisinnaatitaaffeqanngilaq, taakkua pillugit uppernarsaatinik ilanngussaqarsimannginneq peqqutaalluni. Aammattaaq Ineqarneq pillugu Maalaaruteqartarfiup ineqarnermut akiligassat aamma attartukkamik pisinermi apeqqutit suliarissallugit pisinnaatitaaffeqanngilaq. Tassa imaappoq naammagittaalliuutit ilaannakuusumik isumaqataaffigineqarpoq. Taamaattumik akiliutigisimasavit utertinneqarnissaanut pisinnaatitaaffeqarputit. Inissianik attartortitsisarneq pillugu Inatsisartut peqqussutaat nr. 2, 12. maaji 2005-imeersoq kingusinnerusukkut allannguuteqartoq naapertorlugu aaliangiisoqarpoq.  Suliami allagaatit: Ineqarneq pillugu Maalaaruteqartarfimmut maalaarut 1. septembari 2020-meersoq YYX saaffiginnissutit 16. novembari 2018-imeersoq YYX saaffiginnissutit 3. septembari 2019-imeersoq YYX-nut saaffiginnissutit 7. maaji 2020-meersoq Oqarasuaatikkut oqaloqatiginninnermi nalunaarusiaq 20. oktobari 2020-meersoq YYX-ip suliamut oqaaseqaatai 10. novembari 2020-meersoq Oqarasuaatikkut oqaloqatigiinnermi nalunaarusiaq 01. decembari 2020-meersoq YYX-ip suliamut oqaaseqaatai 16. decembari 2020-meersoq YYX-ip suliamut oqaaseqaatai 17. februaari 2021-meersoq Assit ulloq 20. februaari 2021-mi nassiunneqartut Oqarasuaatikkut oqaluussisimanermut allatuiffik 22. marsi 2021-meersoq Nassuiaat: Ulloq 1. septembari 2020 Ineqarneq pillugu Maalaaruteqartarfimmut YYX aqqutigalugu najugaqarfiit, XXX-XXX pillugu maalaaruteqarputit. Maalaarutinni erserpoq, najukkat aserfallatsaaliorneqarsimanngitsoq iluarsartuuttariaqartorlu. Najukkat solaarisunnittoq aamma igalaat, naqqit igaffillu iluarsartuunneqartariaqartut oqaatigivatit. Aammattaaq piffissami apriili 2017-imit septembari 2018 tikillugu ineqarnermut akiligassap akilernissaa pillugu nassitsissimavutit. Aammattaaq YYX-imit najukkat pisiarerusullugu kissaatigaat. Ulloq 20. oktobari 2020 Ineqarneq pillugu Maalaaruteqartarfimmut oqarasuaatikkut ilisimatitsiivutit, najukkanni erngup aqqutaa qerittartoq, kiassaallu ajoquteqartoq, igalaat ussiittut naterlu iluamik oqorsarneqanngitsoq. YYX ulloq 10. novembari 2020-mi Ineqarneq pillugu Maalaaruteqartarfimmut oqaatigaa, YYX-ip avinneqarnerata kingorna YYX-mit najugarineqartut pillugit allaffissornikkut sullissinerat tigusimagai. Tassunga atatillugu YYX-ip paasisimavaa, XZZ-mi sulisuunikut najugaqarfimmi suli najugaqartut. Taamaattumik 2018-imi nutaanit ulloq 1. apriili 2017-imi atuutilertussanik attartornermut isumaqatigiissusiortoqarpoq, tamannalu ineqarnermut akiligassanik regningi malinnaatitanut peqqutaalluni. Aammattaaq YYX ilisimatitsiivoq, sapaatip akunnerata tulliani teknikerimik kissarsuut uuliatortup takutinnissaa pillugu suliakkiiniarluni. Ulloq 1. decembari 2020 Ineqarneq pillugu Maalaaruteqartarfimmut oqarasuaatikkut ilisimatitsiivutit, teknikermik takkuttoqarsimanngitsoq. YYX ulloq 16. decembari 2020-mi Ineqarneq pillugu Maalaaruteqartarfimmut oqaatigaa, teknikeriata naqqup-ilua ulloq 30. juuni 2020-mi takusarsimagaa, paasillugulu silaannarissarfeeqqanik putunik amingaateqartoq, annikitsumik solaarisunnittoq, uuliaasivik illup silataani kusersimasoq aamma naqqup-ilua atisanik madrassinillu ulikkaartoq, taamaattumillu illup iluani silaannaq ...

Ineqarneq pillugu Maalaaruteqartarfiup YY-ip aalajangiussaa 23. apriili 2020-meersoq pillugu maalaarutit ulloq 9. juuni 2021-mi XX-XXX tunngasoq suliaraa imalu aalajangiivoq: AALAJANGIINEQ Ineqarneq pillugu Maalaaruteqartarfik piginnaatitaaffeqanngilaq maalaarutit suliarissallugu, inissiaq YY-ip pigimmagu, YY-ilu pisortanik pigineqarani. Taamaattumik suliassaq unitsinneqarpoq. Inissianik attartortitsisarneq pillugu Inatsisartut peqqussutaat nr. 2, 12. maaji 2005-imeersoq kingusinnerusukkut allannguuteqartoq naapertorlugu aaliangiisoqarpoq. Suliami allagaatit: Attartornermut isumaqatigiissut, inissiaatileqatigiiffik aamma naammagittaalliortup akornanni ullulerneqarnikoq 2. januaari 2020 YY-imiit attartornerup atorunnaarsinneqarnera pillugu allagaq 23. apriili 2020-meersoq Maalaarut 27. apriili 2020-meersoq YY-imit email inissiap kiap pigineraanut tunngasoq. Nassuiaat: Suliami allagaatini erserpoq, XX-XXX januaarip ulluisa aallaqqaataani 2020 aallarnerfigalugu attartulersimagit.  Attartuinermut allagartami takuneqarsinnaavoq, inissiaq attartortagaq YY-miit attartortinneqartoq. Annertuumik aserfallatsaaliineq pissutigalugu attartukkamik unitsiinissamut YY-imiit allagarsisimavutit ulloq apriilip 23-iat 2020. Aserfallatsaaliisimasutit isumaqatigisimannginnakku Ineqarneq pillugu Maalaaruteqartarfimmut maalaaruteqarsimavutit apriilip ulluisa 27-iat 2020. Kingusinnerusukkut YY Ineqarneq pillugu Maalaaruteqarfimmut paasititsiisimavoq inissiaq attartortagaq XX-XXX YY-imit pigineqartoq. Inatsisitigut tunngavigisaq: Inissianik attartortitsisarneq pillugu Inatsisartut peqqussutaat nr. 2, 12. maaji 2005-imeersumi §82-imi allassimavoq, Naalakkersuisut ineqarneq pillugu maalaaruteqartarfimmik pilersitsisinnaapput tak. tak. § 84, suliarineqarnissaannut Naalakkersuisut ineqarneq pillugu maalaaruteqartarfimmik pilersitsisinnaapput, taannalu siulittaasoqassaaq maalaaruteqartarfimmilu pingasunik nalinginnaasunik ilaasortaqassalluni. Tak. § 86 Imm. 6. Ineqarneq pillugu maalaaruteqartarfiup aalajangiineri Namminersornerullutik Oqartussanut kommunenullu, inissianik attartortitsisuusunut pinngitsoorani malinneqassapput. Namminersornerullutik Oqartussat kommuneluunniit avataaniit allaffissornikkut aqutsisumik isumaginnittuutitaqarpata, maalaruteqartarfiup aalajangiineri aamma taakkununnga pinngitsoorani malinneqassapput. Maalaaruteqartarfiup aalajangiinera allaffissornikkut oqartussaaffimmut allamut ingerlateqqinneqarsinnaanngilaq. Naliliineq: Ineqarneq pillugu maalaaruteqartarfik isumaqarpoq, suliassiissutivit suliarinissaanut piginnaassuseqartitaanani. Inissiaatileqatigiiffik YY pisortanik pigineqannginnera peqqutaavoq. Ineqarneq pillugu Maalaaruteqartarfiup Namminersorlutik Oqartussat kommunillu attartortittagaataat kisiisa suliarisinnaavaat. Ineqarneq pillugu Maalaaruteqartarfiup pingaartippaa, YY namminersortutut inissisimanera kommunip suliassaata avataaniittoq. Ineqarneq pillugu Maalaaruteqartarfik inatsisitigut tunngavissaqanngilaq attartortitsinermut tunngasunik maalaarutinik suliaqarnissaminik, YY attartortakkat pigimmatigit. YY-ip aalajangigaa pillugu maalaaruteqarniaruit, eqqartuussivimmut suliassanngortitsinissat periarfissaavoq. Attartortitsisartoq tunniunniarukku eqqartuussivimmut ingerlateqqissavat. Aalajangiineq: Ineqarneq pillugu Maalaaruteqartarfik suliamik suliaqarnissaminut piginnatitaaffeqanngilaq, taamaattumillu suliaq suliareqqissanngilaa. Akiliutigisimasavit utertinneqarnissaannut pisinnaatitaaffeqarputit. Taamaammat qinnuigineqarputit kontomut sorlermut akiliutigisimasatit ikineqassasut Ineqarnermut Naammagittaalliuuteqartarfimmut ilisimatitsissutigeqqullugu.  Naammagittaalliuuteqarnissamut ilitsersuut: Ineqarneq pillugu Maalaaruteqartarfiup aalajangiinera allaffissornikkut aqutsinermi pisortanut oqartussaasunut allanut suliassanngorteqqinneqarsinnaanngilaq, Inissianik attartortitsisarneq pillugu Inatsisartut peqqussutaanni nr. 2-mi, 12. maaji 2005-imeersumi kingusinnerusukkullu allanngortinneqartumi, § 86, imm. 7 naapertorlugu. Inussiarnersumik inuulluaqqusillunga Naja Joelsen Ineqarnermut Maalaartarfimmi siulittaasoq Assilineqarnera uunga: Inissiaatileqatigiiffik YY. Allakkat nr. innersuussutigineqarpoq XX-XXXX-XXXX

Ineqarneq pillugu maalaaruteqartarfik ulloq 9. juuni 2021-mi inissiaatileqatigiiffiup YY-ip XXX-XX pillugu aalajangiussaa 16. aggusti 2019-imeersoq pillugu maalaarutit suliaraa imalu aalajangiivoq: AALAJANGIINEQ Ineqarneq pillugu Maalaaruteqarfik maalaarutit suliarissallugu piginnaatitaaffeqanngilaq, najugaq maalaarutit ZZX-imiit pigineqarnera peqqutaammat, pisortaniillu pigineqanngimmat. Taamaattumik suliassaq unitsinneqarpoq. Inissianik attartortitsisarneq pillugu Inatsisartut peqqussutaat nr. 2, 12. maaji 2005-imeersoq kingusinnerusukkut allannguuteqartoq naapertorlugu aaliangiisoqarpoq. Suliami allagaatit: Attartornermut isumaqatigiissut, inissiaatileqatigiiffik aamma naammagittaalliortup akornanni 1. apriili 2003-mik ullulerneqarnikoq. Allagaq 16. aggusti 2019-imeersoq najukkamut qularnaveeqqut pillugu itigartitsissut najukkani siunnersuisuminngaanneersoq Ineqarneq pillugu Maalaaruteqarfimmut maalaarut 17. aggusti 2019-imeersoq YY-imiit najukkamik pigittoq pillugu maili. Nassuiaat: Suliami erserpoq, attartugaq, XX-XX ulloq 1. apriili 2003 aallarnerfigalugu tigusimagit. Attartornermut isumaqatigiissummi takuneqarsinnaavoq, inissiaatileqatigiiffik YYZ-imit attartortinneqartoq, taamanilu attartukkannut allaffissornikkut akisussaasuusoq. Maannakkut allaffissornikkut akisussaasuusup YY-ip ulloq 16. aggusti 2019-imi najukkamut qularnaveeqqut pillugu itigartitsilluni ilinnut allagaqarsimavoq. Ulloq 17. aggusti 2019-imi Ineqarneq pillugu Maalaaruteqarfimmut maalaaruteqarputit, XXY uterninni najukkannut qularnaveeqqummik pisinnaannginnerit peqqutaalluni angerlarsimaffeerukkavit. Kingorna YY-ip Ineqarneq pillugu Maalaaruteqarfimmut nalunaarutigaa, attartugaq XX-XX ZXZ-imit pigineqartoq. Inatsisitigut tunngavigisaq: Inissianik attartortitsisarneq pillugu Inatsisartut peqqussutaat nr. 2, 12. maaji 2005-imeersumi § 82-imi takuneqarsinnaavoq, suliarineqarnissaannut Naalakkersuisut ineqarneq pillugu maalaaruteqartarfimmik pilersitsisinnaapput, tak. § 84 Namminersornerullutik Oqartussani kommunillu attartortittagaanni attartortup attartortitsisullu akornanni siulittaasoqassaaq inalinginnaasumillu ataatsimiisitaliamut ilaasortat pingasut. Peqqussummi § 86 imm. 6-imi erserpoq, Ineqarneq pillugu maalaaruteqartarfiup aalajangiineri Namminersornerullutik Oqartussanut kommunenullu, inissianik attartortitsisuusunut pinngitsoorani malinneqassapput. Namminersornerullutik Oqartussat kommuneluunniit avataaniit allaffissornikkut aqutsisumik isumaginnittuutitaqarpata, maalaruteqartarfiup aalajangiineri aamma taakkununnga pinngitsoorani malinneqassapput. Imm. 7. Maalaarummik itigartitsineq allaffissornikkut aqutsinermi pisortanut oqartussaasunut allanut suliassanngorteqqinneqarsinnaanngilaq. Naliliineq: Ineqarneq pillugu maalaaruteqartarfik isumaqarpoq,suliassiissutivit suliarinissaanut piginnaassuseqartitaanani. Matumunnga tunngavigineqarpoq, najukkat ZXZ-imit pigineqarpoq, taannalu pisortanit pigineqanngilaq. Ineqarneq pillugu Maalaaruteqarfiup Namminersorlutik Oqartussat aamma kommunip attartortittagai kisiisa suliarisinnaavai. Ineqarneq pillugu Maalaaruteqarfiup tunngaviliuppaa, ZXZ namminersortutut kommunip avataatigut ingerlasoq. Ineqarneq pillugu Maalaaruteqarfiup attartortup ZXZ-imiillu attartortitsisup akornanni pisut pillugit suliassat inatsisitigut tunngavilimmik suliarisinnaanngilai. Inissiaatileqatigiiffiup aalajangiussaa pillugu maalaaruteqarusukkuit, Kalaallit Nunaanni eqaartuussiveqarfimmut suliassamik tunniussisinnaavutit. Eqqartuussivimmut attartortitsisumik sassaqqusissummik tunniussisinnaavutit. Aalajangiineq: Ineqarneq pillugu Maalaaruteqarfik suliamik suliaqarnissaminut piginnatitaaffeqanngilaq, taamaattumillu suliaq suliareqqissanngilaa. Akiliutigisimasavit utertinneqarnissaannut pisinnaatitaaffeqarputit. Taamaammat qinnuigineqarputit kontomut sorlermut akiliutigisimasatit ikineqassasut Ineqarnermut Naammagittaalliuuteqartarfimmut ilisimatitsissutigeqqullugu.  Naammagittaalliuuteqarnissamut ilitsersuut: Ineqarneq pillugu Maalaaruteqartarfiup aalajangiinera allaffissornikkut aqutsinermi pisortanut oqartussaasunut allanut suliassanngorteqqinneqarsinnaanngilaq, Inissianik attartortitsisarneq pillugu Inatsisartut peqqussutaanni nr. 2-mi, 12. maaji 2005-imeersumi kingusinnerusukkullu allanngortinneqartumi, § 86, imm. 7 naapertorlugu. Inussiarnersumik inuulluaqqusillunga Naja Joelsen Ineqarnermut Maalaartarfimmi siulittaasoq Assilineqarnera uunga: Inissiaatileqatigiiffik YY. Allakkat nr. innersuussutigineqarpoq XX-XXX-XXX

Inigisavit qimanneranut atatillugu akiligassat pillugu Inissiaatileqatigiiffiup X-ip aalajangiineranut tunngasumik naammagittaalliuuteqarnerit Ineqarnermut maalaaruteqarfiup ulloq 9. juuni 2021 suliarivaa imalu Ineqarneq pillugu Maalaaruteqarfik aalajangiivoq: AALAJANGIINEQ Ineqarneq pillugu maalaaruteqarfik isumaqarpoq, Illoqarfimmi Z-mi inissiap YY-miittoq nalinginnaasumik iluarsartinnera akilissagit. Imaappoq Ineqarneq pillugu Maalaaruteqarfiup inissiaatileqatigiiffiup aalajangiussaa atuutsiinnaraa. Taamaattumik naammagittaalliornerit ilalerneqanngilaq. Inissianik attartortitsisarneq pillugu Inatsisartut peqqussutaat nr. 2, 12. maaji 2005-imeersoq kingusinnerusukkut allannguuteqartoq naapertorlugu aaliangiisoqarpoq. Suliami allagaatit: Ineqarneq pillugu Maalaaruteqarfimmut naammagittaalliuut 1. februaari 2021-meersoq. Attartornermut isumaqatigiissut 25. novembari 2020-meersoq. Inigisavit qimanneranut atatillugu nalunaarusiaq 25. novembari 2020-meersoq. Misissuinermi nalunaarusiaq 12. januaari 2021-meersoq. Inigisavit qimanneranut atatillugu akiligassaq 1. februaari 2021-meersoq. Faktura 21. januaari 2021-meersoq. Inissiaatileqatigiiffimmiit naammagittaalliuut pillugu oqaaseqaataa Allagaq 7. apriili 2021-meersoq. Nassuiaat: Ulloq 1. februaari 2021 Ineqarneq pillugu Maalaaruteqarfimmut inissiaatileqatigiiffik X aqqutigalugu najugaqarfiginikuusat, Illoqarfik X-mi inissiaq YY pillugu maalaaruteqarputit. Najukkamik attartornermut isumaqatigiissummi erserpoq, najugakannut ulloq 25. novembari 2020-mi isertersimasutit. Inissiaq 28,7 m²-uvoq najugaqatigiiffimmi agguarneqarnikoq. Iserternermi nalunaarusiami ilinnit atsiorneqarnikumi takuneqarsinnaavoq, najugaq amigaateqartutut nalunaarutigineqarsimanngitsoq. Ulloq nutserfissaq kingulleq 31. januaari 2021-mik ullulersimavat. Misissuinermi nalunaarusiaq 12. januaari 2021-meersoq malillugu, najugaq nalinginnaasumik iluarsartuunneqartussaavoq, iikkat qilaarlu qalipanneqarluni naterlu lakkerneqarluni. Najukkap qimanneqarneranut atatillugu misissuinermit nalunaarusiaq ilinnit aammalu Inissiaatileqatigiiffimmit sinniisumiit atsiorneqarsimavoq. Inigisavit qimanneranut atatillugu akiligassami 1. februaari 2021-meersumi takuneqarsinnaavoq, 8167 koruuninik nalinginnaasumik iluarsartuutsitsinermut 2 %-mik ilanngaaseqqaarnagit, isumaqartoq inigisanni qaammatit amerlassusaat naapertorlugu, akiligassitsissimavutit. Aammattaaq ineqarnermut akiligassanut 254,52 koruuninik akiliivallaarsimasutit takuneqarsinnaavoq, tamannalu nalinginnaasumik iluarsartuussinermut akiligassamut iluarsiissutigineqarsimavoq. Naggataatigut 6279 koruuninik qularnaveeqqusiinermi akiliisimavutit, aammattaaq tamanna nalinginnaasumik iluarsartuussinermut iluarsiissutigineqarnikuupput. Taamaattumik inissiaatileqatigiiffimmut katillugit 1470,14 koruuninik akiligassaqarputit. Faktura Qalipaasoq YXY-meersoq 21. januaari 2021-meersoq naapertorlugu, inigisakuit nalinginnaasumik iluarsartuunneqarnera aaliangersimasumik 8167 koruunimik nalilerneqarsimavoq. Ineqarneq pillugu Maalaaruteqarfimmut maalaarutinni inigisap qimannerani akiligassiissutip annertunera tupigusuutigigit takuneqarinnaavoq. Inigisakunni qaammatit marlungajaat najugaqarsimallutit oqaatigaat, taamaattumillu iikkaniluunniit nivinngartuinikuunak inigisarlu paarilluarsimallugu allamut nuunniuteqarsimavutit. Aammattaaq oqaatigaat, isumaqarsimagaluarlutit inigisap qimannerani akiligassaq taama annertutigiunnanngitsoq, inigisannummi nutseravit iikkat qalipanneqaqqammertut, inissiaatileqatigiiffiullu sulisua oqarsimalluni, inigisat anginngimmat, akiligassaq annertuallaarnavianngitsoq. Naggataatigut oqaatigaat, taama sivikitsigisumik najugarinikuugakku, soorlu maleruagassat allaanerussagaluartut. Inissiaatileqatigiiffik X ulloq 8. apriili 2021-mi Ineqarneq pillugu Maalaaruteqarfimmut oqaatigaa, ulloq 7. apriili 2021-mi inigisap qimannera atatillugu akiligassaq pillugu allakkamik nassissimallutit. Allakkami takuneqarsinnaavoq, inissiaatileqatigiiffik isumaqarsimasoq, inigisap qimannerani nakkutilliinermi najukkap iigai qilaavatalu qalipatsinnissaanut natiullu lakkerneqarnissaanut nalinginnaasumik iluarsartuunneqarnissaa pillugu akuersisutit, nakkutilliinermilu nalunaarusiaq atsiorlugu. Inatsisitigut tunngavigisaq: Inissianik attartortitsisarneq pillugu Inatsisartut peqqussutaat nr. 2, 12. maaji 2005-imeersumi § 45 imm. 3. allassimavoq piffissami attartorfiusumi attartortup inissiami qilaat qalipallugit qaqorsarnissaat, iikkat qalipannissaat aamma/imaluunniit ungalitsersorneqarnissaat kiisalu natit lakkernissaat akisussaaffigigaa ...

Ineqarneq pillugu maalaaruteqarfik ulloq 9. juuni 2021-mi Kommuuni Y aserfallatsaaliineq iluarsartuussinerlu pillugu maalaarutit suliaraa. Ineqarneq pillugu Maalaaruteqartarfik ima aalajangiivoq: AALAJANGIINEQ Ineqarneq pillugu Maalaaruteqartarfik isumaqarpoq, kommuuni Y aserfallatsaaliuinissamut pisussaaffimminik eqquutitsisimanngitsoq. Taamaattumik Ineqarneq pillugu Maalaaruteqartarfik isumaqarpoq, kommuni teknikerimik najukkap ajoqutaanik amingaataalu pillugit misissuititsissasoq. Taassuma saniatigut Ineqarneq pillugu Maalaaruteqartarfik isumaqarpoq, kommunip erngup aqqutaa (ruujorit) iluarsartuutissagai, qerillutik najukkap iluanut erngup isaannginnissaa pinaveersaarniarlugu. Naggataatigut Ineqarneq pillugu Maalaaruteqartarfik isumaqarpoq, kommunip solaarip tikka aamma naqqup-iluani silaannarissarfik pillugu iluarsartuussissasoq. Ineqarneq pillugu Maalaaruteqartarfiup pingaartippaa, kommunip kiassaat errorfillu taarsersimagai. Ineqarneq pillugu Maalaaruteqartarfiup najukkanni igalaat, igaffiup naqqullu qanoq inneri pillugit suliaqassalluni pisinnaatitaaffeqanngilaq, taakkua pillugit uppernarsaatinik ilanngussaqarsimannginneq peqqutaalluni. Aammattaaq Ineqarneq pillugu Maalaaruteqartarfiup ineqarnermut akiligassat aamma attartukkamik pisinermi apeqqutit suliarissallugit pisinnaatitaaffeqanngilaq. Tassa imaappoq naammagittaalliuutit ilaannakuusumik isumaqataaffigineqarpoq. Taamaattumik akiliutigisimasavit utertinneqarnissaanut pisinnaatitaaffeqarputit. Inissianik attartortitsisarneq pillugu Inatsisartut peqqussutaat nr. 2, 12. maaji 2005-imeersoq kingusinnerusukkut allannguuteqartoq naapertorlugu aaliangiisoqarpoq.  Suliami allagaatit: Ineqarneq pillugu Maalaaruteqartarfimmut maalaarut 1. septembari 2020-meersoq Kommuuni Y-mut saaffiginnissutit 16. novembari 2018-imeersoq Kommuuni Y-mut saaffiginnissutit 3. septembari 2019-imeersoq Kommuuni Y-mut saaffiginnissutit 7. maaji 2020-meersoq Oqarasuaatikkut oqaloqatiginninnermi nalunaarusiaq 20. oktobari 2020-meersoq Kommunip suliamut oqaaseqaatai 10. novembari 2020-meersoq Oqarasuaatikkut oqaloqatigiinnermi nalunaarusiaq 01. decembari 2020-meersoq Kommunip suliamut oqaaseqaatai 16. decembari 2020-meersoq Kommunip suliamut oqaaseqaatai 17. februaari 2021-meersoq Assit ulloq 20. februaari 2021-mi nassiunneqartut Oqarasuaatikkut oqaluussisimanermut allatuiffik 22. marsi 2021-meersoq. Nassuiaat: Ulloq 1. septembari 2020 Ineqarneq pillugu Maalaaruteqartarfimmut Kommuuni Y-mut aqqutigalugu najugaqarfiit, Illoqarfik Z-mi inissiaq YY pillugu maalaaruteqarputit. Maalaarutinni erserpoq, najukkat aserfallatsaaliorneqarsimanngitsoq iluarsartuuttariaqartorlu. Najukkat solaarisunnittoq aamma igalaat, naqqit igaffillu iluarsartuunneqartariaqartut oqaatigivatit. Aammattaaq piffissami apriili 2017-imit septembari 2018 tikillugu ineqarnermut akiligassap akilernissaa pillugu nassitsissimavutit. Aammattaaq kommunimit najukkat pisiarerusullugu kissaatigaat. Ulloq 20. oktobari 2020 Ineqarneq pillugu Maalaaruteqartarfimmut oqarasuaatikkut ilisimatitsiivutit, najukkanni erngup aqqutaa qerittartoq, kiassaallu ajoquteqartoq, igalaat ussiittut naterlu iluamik oqorsarneqanngitsoq. Kommuuni Y-mut ulloq 10. novembari 2020-mi Ineqarneq pillugu Maalaaruteqartarfimmut oqaatigaa, kommunip avinneqarnerata kingorna kommunimit najugarineqartut pillugit allaffissornikkut sullissinerat tigusimagai. Tassunga atatillugu kommunip paasisimavaa, ZXZ-mi sulisuunikut najugaqarfimmi suli najugaqartut. Taamaattumik 2018-imi nutaanit ulloq 1. apriili 2017-imi atuutilertussanik attartornermut isumaqatigiissusiortoqarpoq, tamannalu ineqarnermut akiligassanik regningi malinnaatitanut peqqutaalluni. Aammattaaq kommuni ilisimatitsiivoq, sapaatip akunnerata tulliani teknikerimik kissarsuut uuliatortup takutinnissaa pillugu suliakkiiniarluni. Ulloq 1. decembari 2020 Ineqarneq pillugu Maalaaruteqartarfimmut oqarasuaatikkut ilisimatitsiivutit, teknikermik takkuttoqarsimanngitsoq. Kommuuni Y ulloq 16. decembari 2020-mi Ineqarneq pillugu Maalaaruteqartarfimmut oqaatigaa, teknikeriata naqqup-ilua ulloq 30. juuni 2020-mi takusarsimagaa, paasillugulu silaannarissarfeeqqanik putunik amingaateqartoq, annikitsumik solaarisunnittoq, uuliaasivik illup ...