Ineqarneq

Ineqarneq pillugu Maalaaruteqartarfiup ukiumoortumik nalunaarusiaa 2021

Inigisavit qimanneranut atatillugu akiligassat pillugu Inissiaatileqatigiiffiup XX-ip aalajangiineranut tunngasumik maalaaruteqarnerit Ineqarneq pillugu Maalaaruteqartarfiup ulloq 12. aggusti 2021-mi suliarivaa imalu aalajangiivoq Ineqarneq pillugu Maalaaruteqartarfik ima aalajangiivoq: AALAJANGIINEQ Ineqarneq pillugu Maalaaruteqarfik isumaqarpoq, najugakuvit XX-XXX-imiittoq nalinginnaasumik iluarsartinnera nammineq akilissagit. Ineqarneq pillugu Maalaaruteqartarfik sullissineq taarsiiffigineqarnerlu pillugit apeqqummut tungatillugu suliaqarnissaminut piginnaatitaanngilaq. Kalaallit Nunaata Eqqartuussivianut unnerluussissallutit innersuussutigineqarpoq, qulaani maalaarutigineqartut suliarisinnaanngisagut maalaarutigerusukkukkit. Tamanna isumaqarpoq, maalaarutinnut ilalerneqanngitsutit. Inissianik attartortitsisarneq pillugu Inatsisartut peqqussutaat nr. 2, 12. maaji 2005-imeersoq kingusinnerusukkut allannguuteqartoq naapertorlugu aaliangiisoqarpoq. Suliami allagaatit: Ineqarneq pillugu Maalaaruteqarfimmut maalaarutit 9. marsi 2021-meersoq. Attartornermut isumaqatigiissut 4. maaji 2018-imeersoq. Nakkutilliinermi nalunaarusiaq 18. decembari 2020-meersoq. Najukkamit nutsernermi akiligassaq 6. januaari 2021-meersoq. Ilinnit assit ulloq 9. marsi 2021-mi nassiunneqarnikut. Oqummik misissuineq 28. decembari 2021-meersoq. Inissiaatileqatigiiffimmiit maalaarut pillugu oqaaseqaat 7. apriili 2021-meersoq.  Nassuiaat: Ulloq 9. marsi 2021 Ineqarneq pillugu Maalaaruteqarfimmut inissiaatileqatigiiffik XX aqqutigalugu najugaqarfikut, XX-XXX pillugu maalaaruteqarputit. Attartornermut isumaqatigiissummi takuneqarsinnaavoq, najugaq ulloq 4. maaji 2018-imi tigusimagit. Inissiaq 88,10 m²-iuvoq 5-nullu najukkanut agguataaqqalluni. Ulloq nutserfissaq kingulleq 30. decembari 2021-mut killeqarpoq. Misissuinermi nalunaarusiaq 18. decembari 2020-meersoq malillugu, najugaq nalinginnaasumik iluarsartuunneqartussaavoq, iikkat qilaarlu qalipanneqarlutik naterlu lakkerneqarluni. Aammattaaq oqaatigineqarpoq, najugaq pisussaaffimmik sumiginnaaneq peqqutaalluni qalipanneqaqqillunilu eqqiarneqarluni iluarsartuunneqartussaasoq. Nakkutilliinermi nalunaarusiaq ilinnit atsiorneqarsimavoq. Inigisavit qimanneranut atatillugu akiligassami 6. januaari 2021-meersumi takuneqarsinnaavoq, 14991 koruuninik nalinginnaasumik iluarsartuutsitsinermut 31,5 %-mik ilanngaaseqqaarnagit, isumaqartoq inigisanni qaammatit amerlassusaat naapertorlugu, akiligassitsissimavutit. Allaqqavortaarlu pisussaaffimmik sumiginnaanermut 3543 koruunit akilissagitit. Naggataatigut 12765 koruunit qularnaveeqqummut aamma 2853,70 koruuninik annertuallaamik attartornermut akilersimavatit. Tassa isumaqarpoq, inissiaatileqatigiiffimmiit katillugit 1806,87 koruuninik ajunngitsorsiassaqarputit. Ineqarneq pillugu Maalaaruteqartarfimmut maalaarutinni takuneqarsinnaavoq, najugakunni oqoqartoq aamma sullissinerlunnimmik nalaataqarsimasutit. Taamaattumik isumaqarputit, nalinginnaasumik iluarsartuussineq akilertussaanagu, aamma qalipaanermut akiliutit qularnaveeqqullu ilinnut utertinneqassasut. Najugaq XXZ-imiit misissorneqarsimasoq oqaatigaat, misissuinerli oqoqarneranik uppernarsaanngitsoq, inissiaatileqatigiiffiup misissuisoqannginnerani ajoqutit iluarsartuutereermagit. Taamaattumik oqoqarneranut misissuinermut sunniuteqarsimasoq isumaqarputit. Naggataatigut oqaatigaat, XXZ-ip misissuisimaneranut atatillugu 2450 koruuninik taarsiiffigineqarusupputit, akkanniit ikiorneqarninnut 1000 koruuninik taarsiiffigitikkusupputit, najukkanni nerisassaarussimanerit peqqutaalluni aamma angajoqqaanniit ikiorneqarnerit peqqutaalluni 1000 koruuninik taarsiiffigineqarusupputit. Maalaarutinnut ilanngullugit najukkap assingi nassiuppatit. Aammattaaq XXZ-ip ulloq 28. decembari 2020-mi oqoqarneranik misissuinera nassiuppat, tassanilu takuneqarsinnaavoq, silaannarissarfik oqoqartoq, silaannarissarfiilli avataani oqummik takussutissaqanngitsoq. Inissiaatileqatigiiffiup ulloq 7. apriili 2021-mi Ineqarneq pillugu Maalaaruteqartarfimmut oqaatigaa, isaariami ruujoreqarfinni kisimi oqummik nassaarsimallutik, taannalu nassaarfiat matoqqasuusoq, taamaattumillu najukkami oqummik siaruaattoqarsimanngitsoq. Aammattaaq inissiaatileqatigiiffiup oqaatigaa, illup iluata silaannaa ajoquteqanngitsoq silaannaritsorlu. Taamaattumik inissiaatileqatigiiffiup najugaq oqoqartoq imaluunniit peqqinnissamut ulorianaateqartoq isumaqanngilaq. Inatsisitigut tunngavigisaq: Inissianik attartortitsisarneq pillugu Inatsisartut peqqussutaat nr. 2, 12. maaji 2005-imeersumi § 45 imm. 3. ...

Inigisavit qimanneranut atatillugu akiligassat pillugu Inissiaatileqatigiiffiup YY-ip aalajangiineranut tunngasumik maalaaruteqarnerit Ineqarneq pillugu Maalaaruteqartarfiup ulloq 12. aggusti 2021 suliarivaa imalu aalajangiivoq Ineqarneq pillugu Maalaaruteqartarfik ima aalajangiivoq:  AALAJANGIINEQ  Ineqarneq pillugu Maalaaruteqarfik isumaqarpoq, illoqarfik Y najugakunni, XX-mi nalinginnaasumik iluarsartuussineq akilissagit. Ineqarneq pillugu Maalaaruteqarfik ineqarnermut akiligassat, tuaviusaarutit qularnaveeqqummullu akiligassat sinneruttut pillugit apeqqutinik suliaqarnissaminut piginnaatitaaffeqanngilaq. Taakkua maalaarutitit suliarineqarnissai kissaatigigukkit, Kalaallit Nunaanni Eqqartuussiveqarfimmut suliassanngortitsisinnaavutit. Tamanna isumaqarpoq, maalaarutinnik ilalerneqanngitsutit. Inissianik attartortitsisarneq pillugu Inatsisartut peqqussutaat nr. 2, 12. maaji 2005-imeersoq kingusinnerusukkut allannguuteqartoq naapertorlugu aaliangiisoqarpoq. Suliami allagaatit: Ineqarneq pillugu Maalaaruteqarfimmut maalarutit 13. maaji 2019-imeersoq. Attartornermut isumaqatigiissut 13. maajip 2016-imeersoq. Amingaatit allattorsimaffiat 23. maaji 2016-imeersoq Inissiaatileqatigiiffiup amingaatit allattorsimaffiat pillugu akissutaat 24. maaji 2016-imeersoq. Misissuinermi nalunaarusiaq 31. oktobari 2016-imeersoq. Oqarasuaatikkut oqaloqatigiinnermi allatat 14. juuni 2021-meersoq. Inissiap qimanneranut atatillugu akiligassaq 21. decembari 2016-imeersoq. Akiligassaq 7. decembari 2016-imeersoq. Maalaarutinnut ilanngussat 14. maaji 2019-imeersoq. Inissiaatileqatigiiffimmiit suliaq pillugu oqaaseqaatit 15. aggusti 2019-imeersoq. Tusarniaanermi akissutit 8. oktobari 2019-imeersoq. Ineqarneq pillugu Maalaaruteqarfimmut saaffiginnissutit 14. apriili 2020-meersoq. Inissiaatileqatigiiffimmiit assit ulloq 5. maaji 2021-mi nassiunneqarnikut. Nassuiaat: Ulloq 13. maaji 2019 Ineqarneq pillugu Maalaaruteqarfimmut inissiaatileqatigiiffik YY aqqutigalugu illoqarfik Y najugaqarfikut XX pillugu maalaaruteqarputit. Attartornermut isumaqatigiissummi takuneqarsinnaavoq, najugaq ulloq 13. maaji 2016-imi tigusimagit. Inissiaq 73,10 m²-uvoq najugaqatigiiffimmi pingasunut agguarneqarnikoq. Amingaatit allattorsimaffiat 23. maaji 2016-imeersoq allattuiffigisimasat malillugu, najugaq ilaatigut qalipalluarneqarsimanngilaq. Inissiaatileqatigiiffiup ulloq 24. maaji 2016-imi oqaatigaa, amingaatit allattorsimaffia ilinniit tigusimallugu. Ulloq nutserfissaq kingulleq 31. oktobari 2016-imik ullulersimavat. Misissuinermi nalunaarusiaq 31. oktobari 2016-imeersoq malillugu, najugaq nalinginnaasumik iluarsartuunneqartussaavoq, iikkat qilaarlu qalipanneqarluni naterlu lakkerneqarluni. Aammattaaq oqaatigineqarsimavoq, tummeqqat qulaanniittoq qilaaq, tummeqqani iigaq isaariamilu iigaq qalipanneqartussaasut. Nakkutilliinermi nalunaarusiaq ilinnit atsiorneqarsimanngilaq. Aamma oqarasuaatikkut ulloq 14. juuni 2021-mi Ineqarneq pillugu Maalaaruteqartarfimmut ilisimatitsiivutit, nakkutilliinermi ilaasimagaluarlutit inissiaatileqatigiiffik isumaqatiginnginnakku atsiorsimanngitsutit. Inigisavit qimanneranut atatillugu akiligassami 21. decembari 2016-imeersumi takuneqarsinnaavoq, 4595 koruuninik nalinginnaasumik iluarsartuutsitsinermut 6 %-mik ilanngaaseqqaarnagit, isumaqartoq inigisanni qaammatit amerlassusaat naapertorlugu, akiligassitsissimavutit. Aammattaaq 768,65 koruunit ineqarnermut, 2326,35 koruunit najukkamit nutsereernerup kingorna tuavisaarummut aamma 5868 koruunit qularnaveeqummut akiligassat sinneruttut akilissagitit takuneqarsinnaavoq. Naggataatigut 11745 koruunit qularnaveeqqummut akilersimavatit. Taamaattumik inissiaatileqatigiiffimmut katillugit 7425,70 koruunit akilertussaavatit. XZX-imit ulloq 7. decembari 2016-imi akiligassiissutigineqartoq malillugu, najugaq 4595 koruunit nalinganut nalinginnaasumik iluarsartuunneqarpoq. Ineqarneq pillugu Maalaaruteqarfimmut maalaarutinni takuneqarsinnaavoq, qularnaveeqummut akiliutiginikuusavit utertinneqannginnera paasisinnaanagu, nammineq najukkannit nuuleravit qalipassimagakku. Naggataatigut oqaatigaat, najugaq amerlasuunik assilisimallugu, taakkuali iPad-ikunniittut ammarnaveeritit. Maalaarutinnut ilassutiginikuusanni 14. maaji 2019-imeersumi takuneqarsinnaavoq, najukkannut nuukkavit najukkat ipertusoq tipeqarlunilu, tamannalu assilisaarnikuuat inissiaatileqatigiiffimmullu amingaatit allattorsimaffianut ilanngullugit nassiussimavatit. ...

lnigisavit qimanneranut atatillugu akiligassat pillugu lnissiaatileqatigiiffiup YY-ip aalajangiineranut tunngasumik maalaaruteqarnerit lneqarneq pillugu Maalaaruteqartarfiup ulloq 12. aggusti 2021-mi suliarivaa. lneqarneq pillugu Maalaaruteqartarfik ima aalajangiivoq: AALAJANGIINEQ  lneqarneq pillugu Maalaaruteqartarfik isumaqarpoq, inissiaatileqatigiif­ fimmiit allakkatigut akuersissummik noqqaassuteqaqqaarnak nateq linoleumiusoq allanngortissimagakku taarsiinissamut akisussaasuusutit. Taassuma saniatigut lneqarneq pillugu Maalaaruteqartarfik isumaqarpoq, sikaaviit matui uffarfimmiittorlu tarrarsuutip taarsertinneri akilissagitit. lneqarneq pillugu Maalaaruteqartarfiup nalinginnaasumik iluarsartuussi­ nermut tunngasunik suliaqarnissaminut tunngavissaqanngilaq, tassani inissiaatileqatigiiffiup akiligassaq akilissagaa takuneqarsinnaammat. Errorfiup, perusuersartarfiup, tarrarsuummi ilisivik, matut, matserfiit, iga­laap saattortaa matuersaaserfiullu taarserneqarneri pillugit apeqqummut Ineqarneq pillugu Maalaaruteqartarfik suliaqassalluni piginnaatitaanngi­laq, taarsersuinermi nungullarneq pisoqalisoornerlu imaluunniit pisus­saaffimmik sumiginnaaneq peqqutaanersoq nalilersussallugu tunngavis­ saqanngimmat. Naggataatigut lneqarneq pillugu Maalaaruteqartarfik ineqarnermut akiit­ sut pillugit suliaqarnissaminut piginnaatitaanngilaq. Kalaallit Nunaata Eqqartuussivianut unnerluussissallutit innersuussutigi­neqarpoq, qulaani maalaarutigineqartut suliarisinnaanngisagut maalaaru­ tigerusukkukkit. Tamanna isumaqarpoq, maalaarutinnut ilalerneqanngitsutit. lnissianik attartortitsisarneq pillugu lnatsisartut peqqussutaat nr. 2, 12. maaji 2005-imeersoq kingusinnerusukkut allannguuteqartoq naapertor­lugu aalajangiisoqarpoq. Suliami allagaatit: lneqarneq pillugu Maalaaruteqarfimmut maalaarutit XXX Attartornermut isumaqatigiissut YYY-imeersoq. Nakkutilliinermi nalunaarusiaq XXY-imeersoq. Oqarasuaatikkut oqaloqatigiinnermi allataq YYX- lnissiaatileqatigiiffimmiit suliaq pillugu oqaaseqaat XYXY- Najukkamit nutsernermut akiligassaq YXYX-imeersoq. Akiligassaq XZY-imeersoq. Akiligassaq YXZ 2015-imeersoq. Akiligassaq ZYX-imeersoq. Takkulluni saaffiginninnermi allataq ZZZ-imeersoq. lnissiaatileqatigiiffimmiit suliaq pillugu oqaaseqaat ZZY- lnissiaatileqatigiiffimmiit assit ulloq YYZ-imi lnissiaatileqatigiiffimmiit suliaq pillugu oqaaseqaat ZZXY-meersoq. lnissiaatileqatigiiffimmiit suliaq pillugu oqaaseqaat ZXZXY- Tusarniaanermi akissutit ZZXXY-meersoq. Nassuiaat: lneqarneq pillugu Maalaaruteqarfimmut ulloq 16. oktobari 2018-imi inissiaatileqatigiiffik YY-imi najugarisakut, XXX-XXX, pillugu maalaaruteqarputit. Attartornermut isumaqatigiissummi takuneqarsinnaavoq, najugaq ulloq januaari 1996-imi tigusimagit. lnissiaq 57,9 m2-iuvoq marlunnullu najukkanut  agguataaqqalluni. Najugaq ulloq 6. maaji 2015-imi nooreertussanngorlutit qimappat, ullorlu maaji 2015-imi najukkanni nakkutilliisoqarpoq. Nakkutilliinermi nalunaarusiaq 8. maaji 2015-imeersoq malillugu, najugaq nalinginnaasumik iluarsartuunneqartussaavoq, iikkat qilaarlu qalipanne­qarlutik naterlu lakkerneqarluni. Taassuma saniatigut oqaatigineqarpoq, najugaq pisussaaffimmik sumigin­naaneq pillugu iluarsartuunneqassasoq. Nakkutilliinermi nalunaarusiaq ilinnit atsiorneqarsimanngilaq. Ulloq 3. juuni 2021 lneqarneq pillugu Maalaaruteqartarfimmut oqarasu­ aatikkut ilisimatitsiivutit, najukkamit nutsernermut atatillugu nakkutillii­nermut ilaasimanak, tassani illoqarfimmut allamut aallarsimanerit peqqu­tigalugu, ilisimasimanagulu nakkutilliinermi nalunaaarusiaq atsiortussaal­lugu. lnissiaatileqatigiiffiup ulloq 3. juuni 2021-mi lneqarneq pillugu Maalaaru­teqartarfimmut najukkannik attartorunnaarnermut uppernarsaat 6. maaji 2015-imeersoq nassiuppaa. Matumani takuneqarsinnaavoq, najukkami nakkutilliinissamut piffissamik isumaqatigiittoqassasoq, tassanilu inissiaa­tileqatigiiffiup ulloq 7. maaji 2015 siunnersuutigisimavaa. Najukkamit nutsernermut akiligassami 4. aggusti 2015-imeersumi takune­qarsinnaavoq, inissiaatileqatigiiffiup nalinginnaasumik iluarsartuussinermi akiligassap 100 %-a 18175 koruuninik naleqartoq akilerniaraa, najukkami qaammatit 100-ut sinnerlugit najugaqarnikuunerit peqqutigalugu. Aammattaaq takuneqarsinnaavoq, pisussaaffimmik sumiginnaaninnut 39996,30 koruuninik aamma ineqarnermut akiitsumik 7361 koruuninik nalilinnik akiligassitsissimasutit. Naggataatigut 5973 koruunit qularnaveeqqummut akilersimagitit takuneqarsinnaavoq. Taamaattumik inissiaatileqatigiiffimmut katillugit 41384,30 koruunit akilertussaavatit. YYXX-imiit akiligassaq ulloq 19. juuli 2015-imi ...

Inigisavit qimanneranut atatillugu akiligassat pillugu Inissiaatileqatigiiffiup aalajangiineranut tunngasumik maalaaruteqarnerit Ineqarneq pillugu Maalaaruteqartarfiup ulloq 12. aggusti 2021-mi suliarivaa imalu aalajangiivoq Ineqarneq pillugu Maalaaruteqartarfik ima aalajangiivoq: AALAJANGIINEQ  Ineqarneq pillugu Maalaaruteqartarfik isumaqarpoq, najugakunni YYZ pillugu nalinginnaasumik iluarsartuussineq akilissanngikkit. Taamaattumik inissiaatileqatigiiffiup nutaamik najukkamit nutsernermi akiligassamik nassissavaatit, tassani nalinginnaasumik iluarsartuussinermi akigititaq ilanngaatigalugu. Ineqarneq pillugu Maalaaruteqarfiup eqqiaaneq pillugu apeqqutigineqartoq suliarisinnaanngilaa, tassani eqqiaanermut tunngasunik uppernarsaatinik nassiussisoqarsimanngimmat. Ineqarneq pillugu Maalaaruteqartarfik inimi titartugaq pillugu apeqqummi paarsinerlunnermut tunngasumik suliarinninnissamut piginnaatitaanngilaq. Aammattaaq Ineqarneq pillugu Maalaaruteqartarfik ineqarnermut akiliutip qaffanneqarnera pillugu apeqqummut suliaqarnissaminut piginnaatitaanngilaq. Kalaallit Nunaata Eqqartuussivianut unnerluussinissannut innersuunneqarputit, qulaani apeqqutit suliarisinnaanngisagut maalaarutigerusukkukkit. Tassa imaappoq maalaarutit ilaannakuusumik isumaqataaffigineqarpoq. Inissianik attartortitsisarneq pillugu Inatsisartut peqqussutaat nr. 2, 12. maaji 2005-imeersoq kingusinnerusukkut allannguuteqartoq naapertorlugu aaliangiisoqarpoq. Suliami allagaatit: Ineqarneq pillugu Maalaaruteqartarfimmut maalaarutit maaji 2020-meersoq. Attartornermut isumaqatigiissut apriili 2016-imeersoq. Misissuinermi nalunaarusiaq februaari 2018-imeersoq. Najukkamit nutsernermi akiligassaq apriili 2018-imeersoq. Nalinginnaasumik iluarsartuussineq pillugu akiligassaq apriili 2018-imeersoq. Eqqiaanermut akiligassaq februaari 2018-imeersoq. Pisussaaffimmik sumiginnaaneq pillugu akiligassaq 11. apriili 2018- Inissiaatileqatigiiffimmiit suliaq pillugu oqaaseqaat 31. juuli 2020- Oqarasuaatikkut saaffiginninnerit pillugu nalunaarusiaq novembari 2020-meersoq. Tusarniaanermi akissutit novembari 2020-meersoq. Inissiaatileqatigiiffimmiit suliaq pillugu oqaaseqaat 19. maaji 2021- Oqarasuaatikkut saaffiginninnerit pillugu nalunaarusiaq maaji 2021-meersoq. Inissiaatileqatigiiffimmiit suliaq pillugu oqaaseqaat 26. maaji 2021-meersoq. Nassuiaat: Ulloq 26. februaari 2020 Ineqarneq pillugu Maalaaruteqarfimmut inissiaatileqatigiiffik aqqutigalugu najugaqarfiginikuusat, YYX pillugu maalaaruteqarputit. Attartornermut isumaqatigiissummi takuneqarsinnaavoq, najugaq ulloq apriili 2016-imi tigusimagit. Inissiaq 23 m²-uvoq najugaqatigiiffimmi agguarneqarnikoq. Najugaq ulloq 19. februaari 2018-imi nooreertussanngorlutit qimappat, ullorlu 26. februaari 2018-imi najukkat misissortinneqarpoq. Nakkutilliinermi nalunaarusiaq ilinnit atsiorneqarsimanngilaq. Nakkutilliinermi nalunaarusiaq 26. februaari 2018-imeersoq malillugu, najukkap iigai qilaavilu nalinginnaasumik qalipanneqarlutik aamma ataasia masammik tigusisinnaanngitsumik qalipanneqarlutik iluarsartuunneqartussaapput. Taassuma saniatigut oqaatigineqarpoq, najugaq eqqiarneqassasoq pisussaaffimmillu sumiginnaaneq pillugu iluarsartuunneqassasoq. Inigisavit qimanneranut atatillugu akiligassami 17. apriili 2018-imeersumi takuneqarsinnaavoq, 9293 koruuninik nalinginnaasumik iluarsartuutsitsinermut 22 %-mik ilanngaaseqqaarnagit, isumaqartoq inigisanni qaammatit amerlassusaat naapertorlugu, akiligassitsissimavutit. Aammattaaq takuneqarsinnaavoq, pisussaaffimmik sumiginnaaninnut 3753 koruuninik aamma akitsuummik 35 koruuninik nalilinnik akiligassitsissimasutit. Taassuma saniatigut takuneqarsinnaavoq, 1122,69 koruuninik imeqarnermut aamma 6346,46 koruuninik kiassarnermut akiligassanik utertiivigineqassasutit. Naggataatigut 5937 koruunit qularnaveeqqummut akilersimavatit. Taamaattumik inissiaatileqatigiiffimmiit katillugit 2369,61 koruunit utertoorutigissavatit. ZZV-imiit akiligassaq ulloq 11. apriili 2018-imi nassiunneqarnikumi najugaq 9293 koruuninik nalilinnik nalinginnaasumik iluarsartuutsissimavoq. Akiligassaq YXZ-imiit ulloq 26. februaari 2018-imi nassiunneqarnikumi najugaq 25000 koruunimut eqqiartissimavoq. ZZV-imiit akiligassaq ulloq 11. apriili 2018-imi nassiunneqarnikumi najugaq pisussaaffimmik sumiginnaaneq peqqutaalluni 1253 koruunit nalinganut iluarsartuunneqarsimavoq. Ulloq 26. maaji 2020 Atuisartoqarnermut Unammilleqatigiinnermullu Aqutsisoqarfimmut ornigullutit saaffiginninninni ilisimatitsiivutit, najukkamit ...