Ineqarneq

Inigisavit qimanneranut atatillugu akiligassat pillugu Inissiaatileqatigiiffiup X-ip aalajangiineranut tunngasumik naammagittaalliuuteqarnerit Ineqarneq pillugu Maalaaruteqartarfiup ulloq 9. juuni 2021 suliarivaa imalu aalajangiivoq Ineqarneq pillugu Maalaaruteqartarfik ima: AALAJANGIINEQ Ineqarneq pillugu Maalaaruteqartarfik isumaqarpoq, Illoqarfik Z-mi najugakunni YY pillugu nalinginnaasumik iluarsartuussineq akilissanngikkit. Ineqarneq pillugu Maalaaruteqartarfik matu pillugu apeqqummi paarsinerlunnermut tunngasumik suliarinninnissamut piginnaatitaanngilaq. Nagaataatigut Ineqarneq pillugu Maalaaruteqartarfik oquk pillugu suliaqarnissaminut piginnaatitaaffeqanngilaq, tamanna pillugu inissiaatileqatigiiffimmut saaffiginnittoqarnikuunngimmat. Tassa imaappoq naammagittaalliuutit ilaannakuusumik isumaqataaffigineqarpoq. Taamaattumik akiliutigisimasavit utertinneqarnissaanut pisinnaatitaaffeqarputit. Inissianik attartortitsisarneq pillugu Inatsisartut peqqussutaat nr. 2, 12. maaji 2005-imeersoq kingusinnerusukkut allannguuteqartoq naapertorlugu aaliangiisoqarpoq. Suliami allagaatit: Ineqarneq pillugu Maalaaruteqartarfimmut naammagittaalliuut 13. aggusti 2020-meersoq. Attartornermut isumaqatigiissut 4. novembari 2019-imeersoq. Misissuinermi nalunaarusiaq 12. marsi 2020-meersoq. Najukkamit nutsernermi akiligassaq 27. apriili 2020-meersoq. Nalinginnaasumik iluarsartuussineq pillugu akiligassaq 23. apriili 2020-meersoq. Pisussaaffimmik sumiginnaaneq pillugu akiligassaq 23. apriili 2020-meersoq. Nalinginnaasumik iluarsartuussineq pillugu akiligassaq 23. apriili 2020-meersoq. Inissiaatileqatigiiffiup nassuiaataa 04. decembari 2020-meersoq. Tusarniaanermi akissutit 16. februaari 2021-meersoq. Inissiaatileqatigiiffimmiit suliaq pillugu oqaaseqaat 16. apriili 2021-meersoq. Inissiaatileqatigiiffimmiit suliaq pillugu oqaaseqaat 22. apriili 2021-meersoq. Nassuiaat: Ulloq 13. aggusti 2020 Ineqarneq pillugu Maalaaruteqartarfimmut inissiaatileqatigiiffik X aqqutigalugu najugaqarfiginikuusat, YY pillugu maalaaruteqarputit. Maalaarutinni erserpoq, najukkavit erngup innarlersimammagu, utaqqiisaasumik najugassannik tunineqarsimavutit. Najukkamit nutsernermi akiligassaq tigusimallugu oqaatigaat. Aammattaaq najukkami oqoqartoq tusarsimallugu oqaatigaat. Naggataatigut najukkamit nutsernermi nakkutilliisoqarnissaanut aggersarneqarsimanak oqaatigaat. Attartornermi isumaqatigiissummi erserpoq, ulloq 4. novembari 2019-imili najukkamut nuussimasutit. Nakkutilliinermut nalunaarusiaq 12. marsi 2020-meersoq malillugu, ulloq 7. marsi 2020 aallarnerfigalugu najukkat qimakkit. Nakkutilliinermut nalunaarusiami atuarneqarsinnaavoq, najukkami iikkat qilaallu qalipanneqarnissaat aamma naqqit lakkerneqarnissaat pillugu nalinginnaasumik iluarsartuussisoqartussaasoq. Matuma saniatigut pisussaaffimmik sumiginnaaneq peqqutaalluni sinittarfiup matua qalipanneqassasoq oqaatigineqarpoq. Akiligassat allat inissiaatileqatigiiffimmit akilerneqarput. Naggataatigut nakkutilliinermi nalunaarusiami atuarneqarsinnaavoq, nakkutilliinermut atatillugu ilaasimanngitsutit. Najukkamit nutsernermut akiligassami 27. apriili 2020-meersumi takuneqarsinnaavoq, najukkami nalinginnaasumik iluarsartuussinermut 9130,56 koruuninik aamma pisussaaffimmik sumiginnagaaneq peqqutaalluni sinittarfimmi matup iluarsartuunneqarneranut 318 koruunit akiligassarigitit. Inissiaatleqatigiiffik X ulloq 4. decembari 2020-mi Ineqarneq pillugu Maalaaruteqartarfimmut oqaatigaa, utaqqiisaasumik najugassannut nutsileravit ilisimatinneqarsimasutit najukkavit qimannerani nalinginnaasumik iluarsartuutassat isumagissagitit. Inissiaatileqatigiiffiup oqaatigaa, nalinginnaasumik iluarsartuussinerup saniatigut matu pisussaaffimmik sumiginnaaneq peequtaalluni 318 koruunimik nalilimmik qalipanneqassasoq. Aammattaaq inissiaatileqatigiiffiup nakkutilliinermi ilaasimanngitsutit uppernarsarpaa. Naggataatigut inissiaatileqatigiiffiup oqaatigaa, najukkami oquk pillugu saaffiginnittoqarnikuunngitsoq. Atuisartoqarnermut Unammilleqatigiinnermullu Aqutsisoqarfimmut ulloq 16. februaari 2021-mi takkullutit saaffiginninninni nalunaarutigaat, inissiaatileqatigiiffiup najukkamit nutsernermut atatillugu nakkutilliinermi attavigisimanngikkaatit pillugu, tassanilu aserfallatsaaliuinermi nalinginnaasumillu iluarsartuussineq pillugu aamma matumut akiligassaq pillugu maalaaruteqarlutit. Aammattaaq najukkap oqoqarnerarpat. Inissiaatileqatigiiffiup ulloq 16. apriili 2021-mi Ineqarneq pillugu Maalaaruteqartarfimmut oqaatigaa, matuarsaat atuisut saaffiginnittarfianut ulloq 11. marsi 2021-mi tunniussimagit. Matumalu ...

Inigisavit qimanneranut atatillugu akiligassat pillugu Inissiaatileqatigiiffiup X-ip aalajangiineranut tunngasumik naammagittaalliuuteqarnerit Ineqarneq pillugu Maalaaruteqarfiup ulloq 22. juuni 2021 suliarivaa imalu aalajangiivoq Ineqarneq pillugu Maalaaruteqarfik ima aalajangiivoq: AALAJANGIINEQ Ineqarneq pillugu Maalaaruteqarfik isumaqarpoq, illoqarfimmi Z-mi inissiap YY-imiittoq nalinginnaasumik iluarsartinnera nammineq akilissagit. Aammattaaq Ineqarneq pillugu Maalaaruteqarfik isumaqarpoq, cylinderimik taarsiineq nammineq akilissagit. Naggataagut Ineqarneq pillugu Maalaaruteqarfik isumaqarpoq, eqqiaanermut akunnerit atorneqartut amerlavallaartut akunnernullu 8-nut appartinneqartariaqartut, eqqiaanermi inissiaatileqatigiiffiup najukkap akunnernik 14-inik eqqiarneqartariaqarnera uppernarsarlugu takussutissaateqanngimmat. Taamaasilluni inissiaatileqatigiiffiup immikkut ittumik eqqiaasoqarnissaanut pisariaqartitsisoqarnersoq uppernarsarsimanngilaa. Ineqarneq pillugu Maalaaruteqarfimmi eqqiaanermi akunnerit atorneqarsimasut pillugit isumaqatigiinniarneq ajornarsimasoq malugeqquneqarpoq. Ineqarneq pillugu Maalaaruteqarfimmi qinersinerit nalingiissimapput. Siulittaasup qinersinera aalajangiisuusimavoq. Ineqarneq pillugu Maalaaruteqarfik ineqarnermut akiligassat akilerneqarnissaanut apeqqut aamma qularnaveeqqummut akiligassap sinneruttup akilernissaa pillugu suliaqarnissaminut pisinnaatitaaffeqanngilaq. Naggataatigut Ineqarneq pillugu Maalaaruteqarfik Illoqarfimmi Z-mi najugakut YY-mut tunngasut suliarinissaanut pisinnaatitaaffeqanngilaq. Imaappoq, ilaannakortumik ilalerneqarputit. Inissianik attartortitsisarneq pillugu Inatsisartut peqqussutaat nr. 2, 12. maaji 2005-imeersoq kingusinnerusukkut allannguuteqartoq naapertorlugu aaliangiisoqarpoq. Suliami allagaatit: Ineqarneq pillugu Maalaaruteqarfimmut maalaarut 17. januaari 2020-meersoq. Inissiaq YY, Illoqarfimmi Z-mi pillugu attartornermut isumaqatigiissut 1. aggusti 2008-meersoq. Attartornermut isumaqatigiissutip atorunnaarsinneqarnera 27. oktobari 2008-meersoq. Najukkamik kinguartitsinermut qinnuteqaat 11. maaji 2009-meersoq. Misissuinermi nalunaarusiaq 9. decembari 2009-meersoq. Najukkamit nutsernermi akiligassaq 31. januaari 2011-meersoq. Nalinginnaasumik iluarsaattuussineq pillugu akiligassaq 14. januaari 2010-meersoq. Nalinginnaasumik iluarsaattuussineq pillugu akiligassaq 15. januaari 2020-meersoq. Cylinderimik taarsiinermut akiligassaq 10. decembari 2009-meersoq. Eqqiaanermut akiligassaq 17. januaari 2010-meersoq. Inissiaatileqatigiiffiup suliaq pillugu oqaaseqaataa 15. oktobari 2020-meersoq. Maalaaruteqartup tusarniaaffiginera 13. novembari 2020-meersoq. Nassuiaat: Ulloq 17. januaari 2020 Ineqarneq pillugu Maalaaruteqarfimmut inissiaatileqatigiiffik X aqqutigalugu najugaqarfiginikuusat, Illoqarfimmi Z-mi inissiaq YY pillugu maalaaruteqarputit. Attartornermut isumaqatigiissummi erserpoq, najugakunnut ulloq 1. aggusti 2008-mi isertersimasutit. Ulloq 1. decembari 2008-mi aallartittumi ini attartorunnaarpat. Ulloq 11. maaji 2009-mi najukkavit qimannissaa kinguartippat. Nakkutilliinermut nalunaarusiaq 9. decembari 2009-meersoq malillugu, najugaq 76,40 kvadratmiiteriuvoq. Najugakuvit najugarinerata sivisussusaa malillugu ilanngaatit 19 procentit ilanngutereerlugit, 11810,30 koruunit nalinganut najukkami iikkat qilaarlu qalipanneqarluni aamma naqqit lakkerneqarlutik nalinginnaasumik iluarsartuussisoqassaaq. Aammattaaq nakkutilliinermi nalunaarusiami allaqqavoq, pisussaaffimmik sumiginnaaneq peqqutaalluni iluarsartuussisoqartussaq, soorluttaaq najugaq tamaat aamma pilivittaa eqqiarneqartussaasut. Najukkamit nutsernermi akiligassaq 31. januaari 2011-meersoq malillugu, piffissami decembari 2008-miit decembari 2009 tikillugu ineqarnermut 66239 koruunit aamma qularnaveeqqummut akiligassap sinnera 935 koruuninik annertutigisoq akiligassarivatit. XZX-imiit 10. decembari 2009-meersumi akiligassami takuneqarsinnaavoq, cylinderi 928 koruunilerlugu taarserneqartussaasoq. Eqqiaanermut sullissisoq ZZX-imit 17. januaari 2010-meersumi akiligassami takuneqarsinnaavoq, najukkamik eqqiaaneq akunnerni 14-inik sivisussuseqartoq 3122 koruuninillu naleqartoq atorneqarsimasoq. Ineqarneq pillugu Maalaaruteqarfimmut maalaarutit malillugu, novembari 2008-mi najukkanniit nutserputit. Piffissami tassani ...

Inigisavit qimanneranut atatillugu akiligassat pillugu Inissiaatileqatigiiffiup X-ip aalajangiineranut tunngasumik maalaaruteqarnerit Ineqarneq pillugu Maalaaruteqarfiup ulloq 9. juuni 2021-mi suliaraa imalu aalajangiivoq: AALAJANGIINEQ Ineqarneq pillugu Maalaaruteqarfik isumaqarpoq, Ilooqarfimmi Z najugakunni, YY-mi nalinginnaasumik iluarsartuussineq akilissagit. Aammattaaq Ineqarneq pillugu Maalaaruteqarfik isumaqarpoq, inimi qilaap nalinginnaasumik iluarsartinneqarnera akilissanngikkit. Taamaattumik Ineqarneq pillugu Maalaaruteqarfik nalinginnaasumik iluarsartuussineq pillugu akimik nutaamik naatsorsuissaaq, nutaamillu najukkamit nutsernermi akiligassamik ilinnut nassiusseqqilluni. Ineqarneq pillugu Maalaaruteqarfik ineqarnermut akiligassat, tuaviusaarutit qularnaveeqqummullu akiligassat sinneruttut pillugit apeqqutinik suliaqarnissaminut piginnaatitaaffeqanngilaq. Tassa imaappoq maalaarutit ilaannakuusumik isumaqataaffigineqarpoq. Inissianik attartortitsisarneq pillugu Inatsisartut peqqussutaat nr. 2, 12. maaji 2005-imeersoq kingusinnerusukkut allannguuteqartoq naapertorlugu aalajangiisoqarpoq.  Suliami allagaatit: Ineqarneq pillugu Maalaaruteqarfimmut maalarutit 13. maaji 2019-imeersoq. Attartornermut isumaqatigiissut 28. oktobari 2016-imeersoq. Amingaatit allattorsimaffiat 9. novembari 2016-imeersoq. Inissiaatileqatigiiffiup amingaatit allattorsimaffiat pillugu akissutaat 14. novembari 2016-imeersoq. Misissuinermi nalunaarusiaq 31. maaji 2017-imeersoq. Najukkamit nutsernermi akiligassaq 28. juuni 2017-imeersoq. juuni 2017-imeersoq akiligassaq. Maalaarutinnut ilanngussat 14. maaji 2019-imeersoq. Inissiaatileqatigiiffimmiit suliaq pillugu oqaaseqaatit 15. aggusti 2019-imeersoq. Tusarniaanermi akissutit 7. oktobari 2019-imeersoq. Tusarniaanermut ilassutit 8. oktobari 2019-imeersoq. Atuisartoqarnermut Unammilleqatigiinnermullu Aqutsisoqarfimmut saaffiginnissutit 14. apriili 2020-meersoq. Oqarasuaatikkut saaffiginninnerit pillugu nalunaarusiaq 6. maaji 2021-meersoq. Inissiaatileqatigiiffimmiit suliaq pillugu oqaaseqaatit 7. maaji 2021-meersoq.  Nassuiaat: Ineqarneq pillugu Maalaaruteqarfimmut ulloq 13. maaji 2019 inissiaatileqatigiiffik X-imi najugarisakut, illoqarfimmi Z-mi YYY-miittoq pillugu maalaaruteqarputit. Attartornermut isumaqatigiissummi takuneqarsinnaavoq, najugaq ulloq 28. oktobari 2016-imi tigusimagit. Inissiaq 101,50 m²-iuvoq pingasunillu ineerartaqarluni. Amingaatit allattorsimaffia 9. november 2016-imeersoq malillugu, ataani allaqqasut najukkami ajoqutaasutut allassimavatit: Igaffimmi “ikkuffiit” “assiaquteqanngitsut” Toqqorsivimmut matu qupinikoq Inimut matup qalipannera qalippernikoq Inimi qilaaq qalipanneqanngitsoq Inimi iigaq ataaseq qalipalluarneqanngitsoq Sinittarfinni saagulerfinnik qimataqaannartoqarsimasoq Najugaq oqussunnittoq Qaliani qilaaq iluamik suliarineqarnikuunngitsoq Matu silarlermi matserfik aserornikoq Igaffimmi aalap milluaasuata sinaakkutaa amingaataasoq Qullermut assiaqut amingaataasoq Inissiaatileqatigiiffiup ulloq 14. novembari 2016-imi oqaatigaa, amingaatit allattorsimaffia tigusimallugu. Najugaq ulloq 1. juuni 2017-imi nooreertussanngorlutit qimappat, ullorlu 31. maaji 2017-imi najukkat misissortinneqarpoq. Nakkutilliinermi nalunaarusiaq ilinnit atsiorneqarsimanngilaq. Nakkutilliinermi nalunaarusiaq 31. maaji 2017-imeersoq malillugu, najukkap iigai qilaavilu nalinginnaasumik qalipanneqarlutik aamma ataasia masammik tigusisinnaanngitsumik qalipanneqarlutik iluarsartuunneqartussaapput. Taassuma saniatigut kissarsuutip tunua eqqiarneqarsimanngitsoq oqaatigineqarpoq. Najukkamit nutsernermi akiligassami 28. juuni 2017-imeersumi takuneqarsinnaavoq, nalinginnaasumik iluarsartuussinermut 12612 koruunit, najukkami qaammatit amerlassusaat naapeertorlugu 8 procentit ilanngaatit ilanngunnagit, akiliissasutit. Aammattaaq 4418,43 koruunit ineqarnermut, 150 koruunit tuavisaarummut aamma 5558 koruunit qularnaveeqummut akiligassat sinneruttut akilissagitit takuneqarsinnaavoq. Naggataatigut 16773 koruunit qularnaveeqqummut akilersimavatit. Taamaattumik inissiaatileqatigiiffimmut katillugit 4986,47 koruunit akilertussaavatit. Qalipaasoq XXZ-imit ulloq 17. juuni 2017-imi akiligassiissutigineqartoq malillugu, najugaq 12612 koruunit nalinganut ...

Inigisavit qimanneranut atatillugu akiligassat pillugu Inissiaatileqatigiiffiup X-ip aalajangiineranut tunngasumik naammagittaalliuuteqarnerit Ineqarneq pillugu Maalaaruteqarfiup ulloq 9. juuni 2021 suliarivaa imalu aalajangiivoq Ineqarneq pillugu Maalaaruteqarfik ima aalajangiivoq: AALAJANGIINEQ Ineqarneq pillugu maalaaruteqarfik isumaqarpoq, Inissiaatileqatigiiffik aserfallatsaaliuinissamut pisussaaffimminik eqquutitsisimanngitsoq. Ineqarneq pillugu Maalaaruteqarfiup inissiaatileqatigiiffiup isaariami nateq, uffarfiup igalaavini, igaffimmi inimilu qullilerfiit, inimi ikkuffik, sinittarfinni iggavimmilu sikaaviit matui matumilu paarnaarsaasertarfik iluarsartuutissagaa isumaqarpoq. Taassuma saniatigut Ineqarneq pillugu Maalaaruteqarfik isumaqarpoq, inissiaatileqatigiiffiup matu silarleq ussissassagaa. Aammattaaq Ineqarneq pillugu Maalaaruteqarfik isumaqarpoq, inissiaatileqatigiiffiup eqqaaveqarfik nutaamik taarsissagaa. Ineqarneq pillugu Maalaaruteqarfiup tunngaviliuppaa, inissiaatileqatigiiffiup sinittarfimmi igalaap qiversartua iluarsartuutereersimagaa. Taassuma saniatigut Ineqarneq pillugu Maalaaruteqarfik isumaqarpoq, illit nammineq inigisat qalipassagit, isaariami uffarfimmilu qulleq pære’lerlugu, paaq apulluunniit qaliaanut ajoqusiinnginniassammat, kiassaateqarfimmi silaannarissarfik ammatillugu nammineq isumagissagit. Naggataatigut Ineqarneq pillugu Maalaaruteqarfik isumaqarpoq, inissiaatileqatigiiffiup silataani assakaasunut salliligaq kiassaateqarfimmilu matu iluarsartuutissanngikkaa. Aamma Ineqarneq pillugu Maalaaruteqarfik isumaqarpoq, inissiaatileqatigiiffik kiassaateqarfimmi igalaamik ikkussissanngitsoq. Ineqarneq pillugu Maalaaruteqarfik apeqqutit inimi naqqit isikkui pillugit aamma uffarfimmi igalaaq pillugu, inigisap silataani isikkua, kuuffiup ruujorianut ikorfaq, illup iluani matut, matserfiit liistillu taarsersorneri pillugit aamma silaannarissarfiup assiaqutaa pillugu malaarutinik suliarinnissalluni piginnaatitaaffeqanngilaq, pissutsit taagorneqartut pillugit uppernarsaammik nassiussisoqarsimanngimmat. Aammattaaq Ineqarneq pillugu Maalaaruteqarfik qui majuartarfillu pillugit apeqqutit maalaarutigineqartut pillugit suliarinnissaanullu piginnaatitaaffeqanngilaq, tamanna attartornermi ilaanngimmat. Tassa imaappoq naammagittaalliuutit ilaannakuusumik isumaqataaffigineqarpoq. Inissianik attartortitsisarneq pillugu Inatsisartut peqqussutaat nr. 2, 12. maaji 2005-imeersoq kingusinnerusukkut allannguuteqartoq naapertorlugu aaliangiisoqarpoq. Suliami allagaatit: Ineqarneq pillugu Maalaaruteqarfimmut maalaarutit 16. januaari 2019-meersoq. Inissiaatileqatigiiffik X-imut saaffiginnissutit 27. apriili 2016-imeersoq. Inissiaatileqatigiiffimmiit suliaq pillugu oqaaseqaatit 11. septembari 2019-imeersoq. Tusarniaanermut akissutit 30. septembari 2019-imeersoq. Inissiaatileqatigiiffimmiit naammagittaalliuut pillugu oqaaseqaat 3. oktobari 2019-imeersoq. Inissiaatileqatigiiffimmiit naammagittaalliuut pillugu oqaaseqaat 14. novembari 2019-imeersoq. Attartornermut isumaqatigiissutip tapiutaa 25. marsi 2009-meersoq. Attartornermut isumaqatigiissutip tapiutaa 24. apriili 2009-meersoq. Oqarasuaatikkut oqaluussisimanermut allatuiffik 5. marsi 2021-meersoq. Maalaarutinnut ilassutit 16. marsi 2021-meersoq. Inissiaatileqatigiiffimmiit naammagittaalliuut 15. apriili 2021-meersoq pillugu oqaaseqaat. Nassuiaat: Ulloq 16. januaari 2019 Ineqarneq pillugu Maalaaruteqarfimmut inissiaatileqatigiiffik X aqqutigalugu najugaqarfiit, illoqarfimmi YZY-mi najugaq XX pillugu maalaaruteqarputit. Maalaarutinni erserpoq, inissiaatileqatigiiffimmut ukiut pingasut ingerlanerini saaffiginnittarsimagaluartutit, najukkanni ajoqutit amingaatillu iluarsitikkusukkaluarlugit. 2006-imiilli najugarilersimallugu oqaatigaat. Ulloq 27. apriili 2016-imi inissiaatileqatigiiffimmut najukkanni silataanilu qalipaaqqusillutit, inimi ikkuffimmik igalaallu qiversarfia qupeqqammat ammarsinnaananilu taarseeqqusillutit noqqaavutit. Taassuma saniatigut sialleraangat matup alloriusaaniit imeq kusertartoq, matorlu ussiitsoq aamma eqqaavik anorimik tinginneqarsimasoq oqaatigaatit. Naggataatigut inissiaatileqatigiiffik piumaffigaat, qui iluarseqqullugu, isaariami uffarfimmilu qulliit pære’tai taarseqqullugit, kiassaateqarfiup matua putoqarmat taarseqqullugu, kiassaateqarfimmi igalaaleeqqusillutit paarnaassaataalu paarnaaruminaammat taarseqqullugu. Inissiaatileqatigiiffik ulloq 11. septembari 2019-imi Ineqarneq pillugu Maalaaruteqartarfimmut oqaaseqarpoq, matu ...

Inigisavit qimanneranut atatillugu akiligassat pillugu Inissiaatileqatigiiffiup X-ip aalajangiineranut tunngasumik naammagittaalliuuteqarnerit Ineqarneq pillugu Maalaaruteqarfiup ulloq 9. juuni 2021 suliarivaa imalu aalajangiivoq Ineqarneq pillugu Maalaaruteqarfik ima aalajangiivoq: AALAJANGIINEQ Ineqarneq pillugu Maalaaruteqarfik isumaqarpoq kissarsuutip taarserneqarnera akiligassarinngikkit. Aammattaaq Ineqarneq pillugu Maalaaruteqarfiup najukkap; YY eqqiarneqarnerani akiligassap affaa akileqquneqartoq kisiat akilissagit isumaqarpoq. Ineqarneq pillugu Maalaaruteqarfiup illup iluani matut taarserneqarnissai pillugit maalaarutit suliarissallugu piginnaatitaaffeqanngilaq, maalaarut aserfallatsaaliuinermut tunngassuteqarmat. Naqqit qisuit eqqarsaatigalugit, Ineqarneq pillugu Maalaaruteqarfik isumaqarpoq, 59250 koruunit annertuallaartut, naqqillu taarsersorneqarneri 46000 koruuninut nalilimmik inissiivigineqarpoq, taakkualu affai kisiisa akilissavatit. Taamaattumik maalaarutigisannut ilaannakortumik ilalerneqarputit. Inissianik attartortitsisarneq pillugu Inatsisartut peqqussutaat nr. 2, 12. maaji 2005-imeersoq kingusinnerusukkut allannguuteqartoq naapertorlugu aaliangiisoqarpoq. Suliami allagaatit: 1: YY-mi illoqarfimmi Z-mi pillugu attartornermut isumaqatigiissut 11. aggusti 2000-meersoq. 2: Attartukkami unioqqutitsisumik uumasuuteqarneq peqqutaalluni mianersoqqussummik tunineqarneq 30. januaari 2012-imeersoq. 3: Misissuinermi nalunaarusiaq – 1. maaji 2013-imeersoq. 4: Rengøringsservice XZX inissiaatileqatigiiffimmeersumit eqqiaasunik allatsitsineq 6. maaji 2013-imeersoq. 5: Akiligassaq 10. maaji 2013-imeesoq perusuersartarfiup issiavittaata taarserneranut 6: Akiligassaq 21. maaji 2013-imeersoq ikkuffiit taarsersornerinut. 7: 28. juuni 2013-imeersoq naqqit taarsersornerinut akiligassaq. 8: 28. juuni 2013-imeersoq ineeqqamut matup taarserneranut akiligassaq. 9: Naatsorsuusiorneq 15. juuli 2013-imeersoq, tassani takuneqarsinnaavoq, kissarsuummik taarsiineq 5035 koruuninik naleqartoq aamma eqqiaanermut 6990 koruuninik akeqartoq. 10: Akiligassaq 11. decembari 2017-imeersoq naliginnaasumik iluarsaattuussinermut tunngasoq. 11: Akiligassaq 10. maaji 2013-imeersoq najugaq YY-mi akunnerni 30-ni eqqiaanermut tunngasoq. 12: Akiligassaq 13. maaji 2013-imeersoq kissarsuummik taarsiinermut tunngasoq. 13: Inissiaatileqatigiiffiup attartukkamut akiligassat akilinngisat pillugit noqqaanera 21. aggusti 2013-imeersoq. 14: Najugaq YY-mi najugaqarfinni assilisat quppernerit 13-it. 15: Ineqarneq pillugu maalaaruteqarfimmut nutsernermi akiligassat pillugit maalaarutit 27. marsi 2018-imeersoq. 16: Maalaarutinnut ilassutit 9. maaji 2018-imeersoq. 17: Inissiaatileqatigiiffiup suliaq pillugu nassuiaataa 12. septembari 2018-imeersoq. 18: Inissiaatileqatigiiffiup eqqiaanermi akunnerit atorneqartut pillugit akissutaa 12. septembari 2019-imeersoq. 19: Inissiaatileqatigiiffiup kissarsuut pillugu akissutaa 7. oktobari 2019-imeersoq.  Nassuiaat: Attartuinermut isumaqatigiissummi 11. aggutsi 2000-imeersumi takuneqarsinnaavoq, illoqarfimmi YY najukkamut; Z-mut ulloq 12. aggusti 2000-imi nuussimasutit. Inissiaatileqatigiiffiup suliamut nassuiaammini 12. septembari 2018-imeersumi takuneqarsinnaavoq, najugaq XXXX-imi sananeqarsimasoq. Misissuinermi nalunaarusiaq 1. maaji 2013-imeersoq malillugu najugaq 58,70 kvadratmiiterinik angissuseqarpoq. Ulloq 1. maaji 2013 aallarnerfigalugu ini attartorunnaarpat. Misissuinermi nalunaarusiaq malillugu, najugaq naliginnaasumik iluarsartuunneqartussaavoq, iikkat, qilaaq ataatigullu iikkiussat qalipanneqarlutik naterlu lakkerneqarluni. Massuma saniatigut nalunaarusiami “nalinginnaasumik iluarsartuutassat aamma aserfallatsaaliuinermi” allanneqarsimavoq, najugaq tamaat, matut ilanngullugit eqqiarneqassasut. Aamma allanneqarsimavoq, perusuersartarfiup issiavittaa, kissarsuut, inimut matu, inimi naqqit tamakkerlugu, isaariamilu ikkuffiit taarserneqassasut. Nalunaarummi ungaluusami nalunaarusiap ataaatungaani ’’Najugaq eqqiarneqarpoq’’-mi “naamik” krydsilerneqarsimavoq. ...

Ineqarneq pillugu Maalaaruteqartarfiup Inissiaatileqatigiiffik Y-ip aalajangiussaa 23. apriili 2020-meersoq pillugu maalaarutit ulloq 9. juuni 2021-mi inissiaq XXX, illoqarfik Z-mut tunngasoq suliaraa imalu aalajangiivoq