Unammilleqatigiinnermi Aalajangiisartut

Unammilleqatigiinnerup iluani annertuumik kattussinerit aqutsisoqarfiup akuersissutigisarpai, Unammilleqatigiinnerup inatsisaanni unioqqutitsisoqarsimatillugu paasiniaallutik aamma qisuariaateqartarput, aamma unammilleqatigiinnerup inatsisaanni suliffeqarfiit oqartussaasullu siunnersortarlugit.

Share on print
Share on facebook
Share on twitter
Share on linkedin
Share on email

Unammilleqatiginnermi oqartussaasut attaviginiarukkit ugguuna attavigisinnaavatit:

  1. Mail-ikkut allagit unammineq@nanoq.gl
  2.  Immersugassaatigut ilaat immersoruk
  3. Whistleblower

Attaviginnginnitsinni suna ilisimassaviuk?

Naliginnaasumik saaffiginnissutit nassiunneqassapput unammineq@nanoq.gl Unammilleqatiginnermi Aqutsisoqarfiup nammineq mail-ia.

Unammilleqatigiinnermut inatsit naapertorlugu isumaqatigiittoqarsimaneq imaluunniit pisortatigut ikiorsiinikkut isumaqatigiittoqarsimaneq pillugu nalunaaruteqarniaruit, taava immersugassaq atussavat. Uani immersugassat aasinnaavatit.

Misissuilluni alakkarterinerit (dawnraids)

Atuisartoqarnermut Unammilleqatigiinnermullu Aqutsisoqarfiup misissuiartorluni alakkarterinerit ilisimatitsissutigineq ajorpai, alakkarterinerit sioqqullugit, alakkarterinerup nalaani imaluunniit alakkarterereernerup kingorna.

Misissuilluni alakkarterinerni Atuisartoqarnermut Unammilleqatigiinnermullu Aqutsisoqarfiup pingaartittarpaa tatigeqatigiilluni aammalu suliffeqarfik alakkarneqartoq pisariaqanngitsumik nittarsaannerlussanagu. Taamaammat misissuilluni alakkarterinerit oqaaseqarfigisinnaanngilagut imaluunniit uppernarsarusuttarnatigit.

Politi-nut suliassanngortitsinerit aammalu suliat Naalagaaffiup immikkut aningaasaqarnermut nunallu tamat akornanni pinerlunnermut Inatsisilerituua (SØIK)

Suliani pillagaanermik kinguneqartussani, Atuisartoqarnermut Unammilleqatigiinnermullu Aqutsisoqarfiup suliffeqarfiit pineqartut politi-nut suliassanngortittarpai, tassa imaappoq Naalagaaffiup immikkut aningaasaqarnermut nunallu tamat akornanni pinerlunneq pillugu inatsisilerituuanut (SØIK) suliassanngortitsisarpoq. SØIK tassaasarpoq eqqartuussivinnut suliassanngortitsisartoq.

Atuisartoqarnermut Unammilleqatigiinnermullu Aqutsisoqarfiup avammut saqqummiunneq ajorpaa suliamik politi-nut tunniussisimaguni. Suliap misissuiffigeqqissaarnera pillugu annertunerusumik oqaaseqarfigineqarneq ajorput, imaluunniit suliap politi-nut suliassanngortissimappat tamanna uppernarsarneqarneq ajorpoq, imaluunniit suliaq Atuisartoqarnermut Unammilleqatigiinnermullu Aqutsisoqarfimmi suli suliarineqarnersoq.

Unammilleqatigiinnermi suliat ingerlasut

Atuisartoqarnermut Unammilleqatigiinnermullu Aqutsisoqarfiup suliat ingerlasut oqaaseqarfiginissaat tunuarsimaarfigisarpaa. Suliani, kikkut tamat ilisimaleriigaanni, periarfissaasarpoq suliap killiffia pillugu paasiniaanissamut, kisiannili tamatigut oqaatigineq ajorparput suliaq qaqugu naammassissanersoq.

Unammilleqatigiinnermut ataatsimiititaliat 7-nik ilaasortaqarput. Allattoqarfeqarnikkut aalajangiisartunut suliassat Atuisartoqarnermut Unammilleqatigiinnermullu Aqutsisoqarfiup ingerlatarai.

Unammileqatigiinnermut ataatsimiititaliat 1.oktober 2020 – 31.maj 2024-ip tungaanut aqunneqarnermikkut ima inissisimapput:

Jacob Hinrichsen (siulittaasoq)

Terje Sigurdsson

Tina Lynge Schmidt

Tine Rønde

Anita Hoffer

Jenseeraq Poulsen

Gerth Jakobsen

Ilitsersuut Ingerlatseqatigiit pillugit 

Ilitsersuut Unammilleqatigiinnermik killilersuisumik isumaqatigiissuteqarneq

Ilitsersuut Salliusutut inississimanermik atornerluineq

Ilitsersuut pisortat tapiissutaat unammillernermik ajalusoortitsisut

Ilitsersuut iliuusereriikkamik kinguneqartitamik taamaatiinnartoqarneq aamma iliuusereriikkamik kinguneqartitamik sakkukilliliineq

Assiliaq: Inatsisartut Allattoqarfiat

Unammilleqatigiinneq pillugu Inatsisartut inatsisaat nr. 1, 15. maj 2014-imeersoq (unammilleqatigiinnermut inatsit)

Namminersorlutik Oqartussat nalunaarutaat nr. 8, 28. juuni 2017-meersoq, tamatumani pineqarput tapiissutit pisortat suliffeqarfiutaannut aalajangersimasunut ingerlateqqinneqartarsimasut, tamatumali saniatigut kaaviaartitsisarnermik naatsorsuisarneq pillugu Nalunaarut Unammilleqatigiinneq pillugu Namminersornerullutik Oqartussat Inatsisartut inatsisaanut attuumassuteqartoq atorunnaarsinneqarpoq

Isumaqatigiissutinik ilaalu ilanngullugit Unammilleqatigiinnermut Ataatsimiititaliamut nalunaaruteqartarneq pillugu maleruagassat pillugu Unammilleqatigiinnermut Ataatsi-miititaliap nalunaarutaa nr. 1, 10. april 2015-imeersoq

Pisortaniit tapiissutit nalunaarutigineri pillugit maleruagassat pillugit Unammilleqati-giinnermut Ataatsimiititaliap nalunaarutaa nr. 2, 10. april 2015-imeersoq

Unammilleqatigiinneq pillugu Inatsisartut inatsisaat malillugu suliffeqarfiit kattunnerannik nalunaaruteqartarneq pillugu Namminersorlutik Oqartussat nalunaarutaat nr. 3, 10 marsi 2016-imeersoq

Suliffeqarfiup imaluunniit ingerlatseqatigiiffissuup ataatsip iluani isumaqatigiissutit il.il. pillugit Namminersorlutik Oqartussat nalunaarutaat nr. 4, 10. marts 2016-imeersoq

Atuisartoqarnermut Unammilleqatigiinnermullu Aqutsisoqarfiup sulinera pillugu Namminersorlutik Oqartussat nalunaarutaat nr. 5, 10. marts 2016-imeersoq

Unammilleqatigiinnermut Ataatsimiititaliap suleriaasissaa taassumalu suliassai pillugit Namminersorlutik Oqartussat nalunaarutaat nr. 12, 23. juli 2015-imeersoq

Pisortat aaqqissuussinerat:

Østre Landsret-ip eqqartuusssissutaa 17. oktober 2008: Unammilleqatigiinnermut Aqutsisoqarfik akerleralugu, KNI A/S (immiaaqqanik sodavandinillu pisiortorneq agguaanerlu)

Østre Landsret-ip eqqartuussissutaa 17. oktober 2008: Unammilleqatigiinnermut Aqutsisoqarfik akerleralugu, KNI A/S (Uuliamik nioqquteqarniarluni isumaqatigiissut)

Kalaallit Nunaata Eqqartuussisuuneqarfiata eqqartuussissutaa 27. november 2003: Nuuk Imeq A/S akerleralugu Unammilleqatigiinnermut Aqutsisoqarfik

Isumaqatigiissutit unammilleqatigiinnermut annikillisaataasut:

Unammilleqatigiinnermut Aqutsisoqarfiup aalajangiinera 30. oktober 2014: Unammilleqatigiinnermut isumaqatigiissummi immikkut piumasaqaat (Akulerunniarnani nalunaarneq)

Unammilleqatigiinnermut Aqutsisoqarfiup aalajangiinera 10. april 2014: Unammilleqatigiinnermut isumaqatigiissummi immikkut piumasaqaat (pituttuisumik akuersaarluni nalunaarneq)

Kalaallit Nunaata Eqqartuussisuuneqarfiata eqqartuussissutaa 25. oktober 2013:  KNI A/S, Polaroil akerleralugu, Unammilleqatigiinnermut Aqutsisoqarfik

Kalaallit Nunaata Eqqartuussiviata eqqartuussissutaa 4. april 2012: Unnerluussisussaatitaasut akerleralugu BJ Entreprise A/S

Kalaallit Nunaata Eqqartuussiviata eqqartuussissutaa 4. april 2012: Unnerluussisussaatitaasut akerleralugu Kang Total Byg ApS akerleralugu

Kalaallit Nunaata Eqqartuussiviata eqqartuussissutaa 4. april 2012: Unnerluussisussaatitaasut akerleralugu Permagreen Grønland A/S akerleralugu

Unammilleqatigiinnermut Aqutsisoqarfiup aalajangiinera 3. april 2009: Unammilleqatigiinnermut immikkut piumasaqaatit

Salliusutut inissisimanermik atornerluineq:

Unammilleqatigiinnermut Aqutsisoqarfiup aalajangiinera 22. november 2016: Tele Greenland A/S’-ip salliusutut inissisimanermik atornerluinera

Kalaallit Nunaata Eqqartuussiviata eqqartuussissutaa 7. oktober 2011: Royal Greenland A/S akerleralugu, Unammilleqatigiinnermut Aqutsisoqarfik

Østre Landsret-ip eqqartuussissutaa 14. december 2006: Unammilleqatigiinnermut Aqutsisoqarfik akerleralugu Air Greenland A/S

Kalaallit Nunaata Eqqartuussisuuneqarfiata eqqartuussissutaa 12. august 2004: Air Greenland A/S akerleralugu, Unammilleqatigiinnermut Aqutsisoqarfik

Suliffeqarfiit kattunnerinik nakkutilliineq:

Unammilleqatigiinnermut Aqutsisoqarfiup aalajangiinera 10. februar 2020: Pisiffik A/S’-ip Arctic Retail Group ApS-imik pisinera (pituttuisumik akuersaarluni nalunaarneq)

Niuerfimmi aalajangiinerit:

Atuisartoqarnermut Unammillleqatigiinnermullu Aqutsisoqarfiup aalajangiinera 9. december 2020: IP-Transit-imut accessnet-imullu niuerfimmut tunngasumik aalajangiineq

Atuisartoqarnermut Unammillleqatigiinnermullu Aqutsisoqarfiup aalajangiinera 12. oktober 2020: VoIP-ikkut attaveqaatinik ingerlatanik pisortat nalunaarasuartaatikkut niuernermi aalajangiineq

Unammilleqatigiinnermut oqartussaasut paasissutisssanik piumasaqarnerat:

Kalaallit Nunaata Eqqartuussisuuneqarfiata eqqartuussissutaa 24. november 2009: Greenland Venture A/S akerleralugu, Unammilleqatigiinnermut nakkutilliisut

Isumaqatigiissutinik ilaalu ilanngullugit Unammilleqatigiinnermut Ataatsimiititaliamut nalunaaruteqartarneq

pillugu maleruagassat pillugu Unammilleqatigiinnermut Ataatsimiititaliap nalunaarutaa nr. 1, 10. apriili 2015-imeersoq

Unammilleqatigiinneq pillugu Inatsisartut inatsisaanni nr. 1, 15. maaji 2014-imeersumi § 8, imm. 2, oqaaseqatigiit aappaat, § 9, oqaaseqatigiit aappaat aamma § 11, imm. 6 naapertorlugit aalajangersarneqarpoq:

§ 1.  Unammilleqatigiinneq pillugu inatsimmi §8, imm.2, oqaaseqatigiit siulliit, §9, oqaa-seqatigiit siulliit imaluunniit § 11, imm. 4 malillugit nalunaaruteqarneq imaluunniit § 11, imm. 5, oqaaseqatigiit siulliit malillugit apeqquteqaateqarneq ukuninnga saqqummiunneqar-sinnaavoq:

1) Suliffeqarfiit arlaat sunaluunniit isumaqatigiissummi pineqartumi imaluunniit suleriaatsinik ataqatigiissitsinerni peqataasut.

2) Suliffeqarfiit kattuffii suulluunniit isumaqatigiissummi pineqartumi imaluunniit suleriaatsi-nik ataqatigiissitsinerni peqataasut, imaluunniit isumaqatigiissummi pineqartumi imaluunniit suleriaatsinik ataqatigiissitsinerni peqataasut iluanni isumaqatigiissutaasimasut imaluunniit pi-simasut.

3) Suliffeqarfik sunaluunniit kisimiilluni imaluunniit suliffeqarfiit allat peqatigalugit pissaa-neqarnerusumik inissisimanissamik eqqarsaateqartoq.

4) Suliffeqarfik sunaluunniit kisimiilluni imaluunniit suliffeqarfiit allat peqatigalugit pissaa-neqarnerusumik inissisimanissamik atornerluinissamik eqqarsaateqartoq.

Imm. 2. Imm. 1-imi pineqartut suliffeqarfinni peqataasuni ataasiinnaq ataasiakkaalluunniit nalunaaruteqarpat imaluunniit apeqquteqaateqarpat, suliffeqarfiit peqataasut allat nalunaarut imaluunniit apeqquteqaat pillugit nalunaarfigineqarsimanersut nalunaarummit imaluunniit apeqquteqaammit tamanna takuneqarsinnaassaaq.

Imm. 3.Ataatsimoorluni nalunaaruteqarnermi imaluunniit apeqquteqaateqarnermi suliffe-qarfik imaluunniit suliffeqarfiit nalunaaruteqarfigineqartut imaluunniit apeqquteqaatigineqar-tut sinnerlugit allagaatinik nassiussinissamik tigusinissamullu piginnaatinneqartoq sinniisoq allanneqassaaq.

§ 2.Nalunaarut imaluunniit apeqquteqaat Atuisartoqarnermut Unammilleqatigiinnermullu Aqutsisoqarfimmut tunniunneqassaaq. Allakkatigut imaluunniit elektronikkikkut atassute-qartoqarsinnaavoq. Allagaatit ilaatinneqartut assilissatut ilanngunneqarsinnaapput.

§ 3. Nalunaarut imaluunniit apeqquteqaat immersugassap K1 atorlugu imaluunniit digital-imik assilinera atorlugu tunniunneqassaaq, aamma immersugassami K1-imi allassimasunik paasissutissanik allagaatinillu imaqassalluni.

Imm. 2. Suliap misissorneqarnissaanut pisariaqanngitsut Unammilleqatigiinnermut Ataatsi-miititaliaq isumaqarpat immersugassaq K1-imi allassimasut paasissutissat allagaatillu tun-niunneqarnissaannut pisussaaffimmiit noqqaasoqarneratigut Unammilleqatigiinnermut Ataa-tsimiititaliaq pisussaajunnaarsitsisinnaavoq.

Imm. 3.Tigusinermiit kingusinnerpaamik ullut qulit kingorna nalunaarutip apeqquteqaatil-luunniit tiguneqarnera Unammilleqatigiinnermut Ataatsimiititaliamik uppernarsarneqassaaq.

Imm. 4.Nalunaarummi, apeqquteqaammi imaluunniit allagaatini ilanngunneqartuni paasis-sutissat tamakkiisuunngitsut Unammilleqatigiinnermut Ataatsimiititaliamit paasineqarpat ta-manna pillugu Unammilleqatigiinnermut Ataatsimiititaliap nalunaaruteqartoq allakkatigut na-lunaarfigissavaa aamma paasissutissat ilassutaannut piffissamik naleqquttumik aalajangiilluni.

Imm. 5. Nalunaarummi imaluunniit apeqquteqaammi allassimasuni pissutsini annertuunik allanngortoqarnera pillugu, aamma nalunaaruteqartup ilisimasaanik imaluunniit ilisimasaria-qagaanik nalunaaruteqartoq peqquneqarani ingerlaannartumillu Unammilleqatigiinnermut Ataatsimiititaliamut nalunaaruteqassaaq.

§ 4. Nalunaarut imaluunniit apeqquteqaat tamakkiisumik eqqortumillu nalunaarummik ima-luunniit apeqquteqaammik, §3-mi allassimasutut Atuisartoqarnermut Unammilleqatigiinnermul-lu Aqutsisoqarfiup piffissami tigusineraniit inatsisitigut sunniuteqalissaaq.

§ 5.Maleruagassat ulloq 10. apriili 2015-imi atuutilissapput.

Imm. 2. Peqatigisaanik isumaqatigiissutinik ilaalu ilanngullugit Unammilleqatigiinnermut Ataatsimiititaliamut nalunaaruteqartarneq pillugu maleruagassat pillugu Unammilleqatigiin-nermut Ataatsimiititaliap nalunaarutaa nr. 1, 5. februaari 2008-meersoq atorunnaarpoq.

Unammilleqatigiinnermut Ataatsimiititaliaq, ulloq 10. apriili 2015

Carl-Aage Skovaa

/

Nicolai Odgaard Jensen

Pisortaniit tapiissutit nalunaarutigineri pillugit maleruagassat

pillugit Unammilleqatigiinnermut Ataatsimiititaliap nalunaarutaa nr. 2, 10. apriili 2015-imeersoq

Unammilleqatigiinneq pillugu Inatsisartut inatsisaanni nr. 1, 15. maaji 2014-meersumi § 12, imm. 5, oqaaseqatigiit aappaat naapertorlugu aalajangersarneqarpoq:

§ 1. Unammilleqatigiinneq pillugu inatsimmi nr. 1, 15. maaji 2014-meersumi § 12, imm. 5, oqaaseqatigiit siulliit malillugit nalunaarut ukuninnga tunniunneqarsinnaavoq:

1) Naalakkersuisoqarfik imaluunniit kommuni tapiissummik tunniussisuusoq imaluunniit aqutsisuusoq.

2) Pisortanit tapiissutinik tigusisuusut.

§ 2. Nalunaarut Atuisartoqarnermut Unammilleqatigiinnermullu Aqutsisoqarfimmut tunniun-neqassaaq. Allakkatigut imaluunniit elektronikkikkut atassuteqartoqarsinnaavoq. Allagaatit ilaatinneqartut assilissatut ilanngunneqarsinnaapput.

§ 3. Oqartussanit imm. 1, nr. 1-imi taaneqartunit pisortanit tapiissutit pillugit nalunaarut im-mersugassiami K2-mi allanneqarsimasunik paasissutissanik allagaatinillu imaqassaaq. § 1, nr. 2-mi taaneqartunik tigusisunik pisortanit tapiissutit pillugit nalunaarut allanneqarluni ima-luunniit immersugassiap K3-p digitalimik immersugaalluni tunniunneqassaaq, aamma immer-sugassiami K3-mi allanneqarsimasunik paasissutissanik allagaatinillu imaqassalluni. Immersugassiat marluullutik Unammilleqatigiinnermut Ataatsimiititaliamiit nalunaarummut matumunga ilanngussatut naqitaapput.

Imm. 2. Suliap misissorneqarnissaanut pisariaqanngitsut Unammilleqatigiinnermut Ataatsi-miititaliaq isumaqarpat immersugassiani allassimasut paasissutissat allagaatillu tunniunneqar-nissaannut pisussaaffimmiit noqqaasoqarneratigut Unammilleqatigiinnermut Ataatsimiitita-liaq pisussaajunnaarsitsisinnaavoq.

§ 4. Tigusinermiit kingusinnerpaamik ullut qulit kingorna nalunaarutip tiguneqarnera Unammilleqatigiinnermut Ataatsimiititaliamik uppernarsarneqassaaq.

Imm. 2. Nalunaarummi imaluunniit allagaatini ilanngunneqartuni paasissutissat tamakkii-suunngitsut Unammilleqatigiinnermut Ataatsimiititaliamit paasineqarpat tamanna pillugu Unammilleqatigiinnermut Ataatsimiititaliap nalunaaruteqartoq allakkatigut nalunaarfigissavaa aamma paasissutissat ilassutaannut piffissamik naleqquttumik aalajangiilluni.

Imm. 3. Nalunaarummi allassimasuni pissutsini annertuunik allanngortoqarnera pillugu, aamma nalunaaruteqartup ilisimasaanik imaluunniit ilisimasariaqagaanik nalunaaruteqartoq peqquneqarani ingerlaannartumillu Unammilleqatigiinnermut Ataatsimiititaliamut nalunaa-ruteqassaaq.

§ 5. Maleruagassat ulloq 10. apriili 2015 atulersinneqarput.

Imm. 2. Peqatigisaanik pisortaniit tapiissutit nalunaarutigineri pillugit maleruagassat pillugit Unammilleqatigiinnermut Ataatsimiititaliap nalunaarutaat nr. 2, 30. septembari 2008-meersoq atorunnaarsinneqarpoq.

Unammilleqatigiinnermut Ataatsimiititaliaq, ulloq 10. apriili 2015

Carl-Aage Skovaa

/

Nicolai Odgaard Jensen

Unammilleqatigiinnermi aalajangiisartut ukiumoortumi  nalunaarutaat 2010

Unammilleqatigiinnermi aalajangiisartut ukiumoortumi  nalunaarutaat 2009

Unammilleqatigiinnermi aalajangiisartut ukiumoortumi  nalunaarutaat 2008

Unammilleqatigiinnermi aalajangiisartut ukiumoortumi nalunaarutaat 2006

Unammilleqatigiinnermi aalajangiisartut ukiumoortumi nalunaarutaat 2005

Unammilleqatigiinnermi aalajangiisartut ukiumoortumi nalunaarutaat 2004

Unammilleqatigiinnermi aalajangiisartut ukiumoortumi nalunaarutaat 2003

Unammilleqatigiinnermi aalajangiisartut ukiumoortumi nalunaarutaat 2002

Unammilleqatigiinnermi aalajangiisartut ukiumoortumi nalunaarutaat 2001

Unammilleqatigiinnermi aalajangiisartut ukiumoortumi nalunaarutaat 2000

Nalunaaruteqarnermi immersugassiaq K1

Uani immersuigit - Nalunaaruteqarnermi immersugassiaq K1

Nalunaaruteqarnermi immersugassiaq K2 & K3

Uani immersuigit - Nalunaaruteqarnermi immersugassiaq K2 & K3

Whistleblower

Whistleblower

Unamminermit Aqutsisoqarfimmiik saqqummiussat

Dec09

IP-Transit-imut accessnet-imullu niuerfimmut tunngasumik aalajangiineq

Atuisartoqarnermut Unammilleqatigiinnermullu Aqutsisoqarfik IP-Transit-imut access-imullu attavimmut niuerfiit pillugit tuniniaavimmut aalajangiinera. Niuerfimmut

Atuaruk →
Oct12

VoIP-ikkut attaveqaatinik ingerlatanik pisortat nalunaarasuartaatikkut niuernermi aalajangiineq

Atuisartoqarnermut Unammilleqatigiinnermullu Aqutsisoqarfik matumuuna aalajangiineq siullerpaaq saqqummiuppaa, Unammilleqatigiittarnermut Inatsisip 2017-imi

Atuaruk →
Oct07

AP 95 – Kalaallit Nunaanni sanaartornermi suliassat atortussallu tunniunneqartarneri pillugit ataatsimoortumik piumasaqaatit (MALUGIUK Kalaallisoortaa kukkunersioqqissaagaanngimmat)

Atuaruk →
Aug27

Ilitsersuut iliuusereriikkamik kinguneqartitamik taamaatiinnartoqarneq aamma iliuusereriikkamik kinguneqartitamik sakkukilliliineq

Atuaruk →
Aug27

Aalisarnermi taarsigassarsinermi akiligassiinermilu unammilleqatigiinnermut tunngatillugu ajornartorsiutit

Aalisarnermi taarsigassarsinermi akiligassiinermilu unammilleqatigiinnermut tunngatillugu ajornartorsiutit Atuisartoqarnermut Unammilleqatigiinnermullu Aqutsisoqarfik,

Atuaruk →
Aug27

Ilitsersuut pisortat tapiissutaat unammillernermik ajalusoortitsisut

Atuaruk →
Scroll to Top