Y Kommuniata meeqqanut tapit pillugit ulloq 1. juuli 2022-mi qinnuteqaatinnut itigartitsilluni aalajangiinera pillugu naammagittalliuutit lsumaginninnermi Naammagittalliuuteqartarfiup siulittaasuata suliaraa imalu aalajangiivoq: AALAJANGIINEQ Kommunip aalajangiinera atuutsiinnarneqarpoq. Tassa imaappoq, kommunip aalajangiinera eqqortuusoq naammagittaalliuuteqarninnilu ilalerneqanngitsutit. Suliaq Meeqqanut tapiissutit pillugit lnatsisartut inatsisaat nr. 9, 7. decembari 2009-imeersumi § 3, imm. 1 aamma 5, § 6, imm. 5 aamma § 7, imm. 1, Meeqqanut tapiissutit pillugit lnatsisartut inatsisaata allanngortinnera pillugu lnatsisartut inatsisaat nr. 7, 27. novembari 2018- imeersumi allanngortinneqartoq, aamma Meeqqanut tapiissutit pillugit Namminersorlutik Oqartussat nalunaarutaat nr. 10, 14. decembari 2018- imeersumi § 1 naapertorlugu aalajangiiffigineqarpoq. Suliami paasissutissat: Suliami takuneqarsinnaavoq, siusinaartumik pensionisiaqartutit, ernuttallu X ilaqutariit paarsisartutut nammineq isumaqatigiissuteqarnikkut ilinni najugaqartoq. Kommunip meeqqanut tapit ernutarnut pilersuinera unitsinneqarsimavoq, tassani arnaa X decembari 2021-mi nuussimammat. Ulloq 17. juuni 2022 kommunimut meeqqat tapisiaqaqqilerusullutit qinnuteqaqqipputit. Kommuni ulloq 1. juuli 2022-mi aalajangiivoq, tassanilu qinnuteqaatit itingartinneqarpoq. Kommunip aalajangiinera pillugu lsumaginninnermi Naammagittaalliuuteqartarfimmut ulloq 5. juuli 2022-mi naammagittaalliuuteqarputit. lsumaginninnermi Naammagittaalliuuteqa rtarfik kommunimit suliami allagaatinik pissarsisimavoq. TunngaviIersuutit: lsumaginninnermi Naammagittaalliuuteqartarfiup siulittaasua isumaqarpoq, arnaa XX-mi najugaqarmat, kommuni ernutannut pilersuinissamut meeqqat tapiinik ikiorsiisinnaanngitsoq. Tassunga tunngavigineqarpoq, meeqqamut tapiutit isumaqatigiissuteqarluni paarsaqarnermi, angajoqqaatut akisussaasup isertitai tunngavigalugit ikiorsiissutigineqartarmata. Kommunip meeqqat tapii naatsorsorunigit, ilaatigut angajoqqaap isertitai Akileraarnermut Aqutsisoqarfimmut noqqaassutigisarpai. Angajoqqaaq Kalaallit Nunaanniit nuussiguni tamanna periarfissaaneq ajorpoq. Taamaattumik meeqqat tapiinik ikiorsiiniaraanni angajoqqaatut akisussaassusilik Kalaallit Nunaanni najugaqartariaqarpoq inunnillu allattorsimaffimmi nalunaarsoqqasariaqarluni. lsumaginninnermi Naammagittaalliuuteqartarfiup siulittaasuata kommunimut malugeqqussavaa, meeraq pilersorneqarnissamut pisariaqartitsippat, Meeqqat tapersersorneqarnissaannut inatsit naapertorlugu meeqqamut tapersiinissaq kommunimit isumagineqartussaammat. Eqqartuussivimmut suliassanngortitsineq: lsumaginnittoqarfiup aqunneqarnera aaqqissuussaaneralu pillugit lnatsisartut peqqussutaat nr. 11, 12. novembari 2001-imeersoq kingusinnerusukkut allannguuteqartinneqartumi § 8, imm. 4-mi allassimavoq, lsumaginninnermi Naammagittaalliuuteqartarfiup aalajangigai, suliamut peqataasumit Kalaallit Nunaanni Eqqartuussivimmut suliassanngortinneqarsinnaapput. Aalajangiinermiit sapaatip akunneri sisamat qaangiutinnginnerini Kalaallit Nunaanni Eqqartuussivimmut tunniunneqassaaq. lnussiarnersumik inuulluaqqusillunga Kristina Nordby

Kommune X ulloq 15. februaari 2022-mi pisortanit ikiorsiissutit utertinnissaannut aalajangiinera pillugu naammagittaalliuutit lsumaginninnermi Naammagittaalliuuteqartarfiup siulittaasuata suliaraa imalu aalajangiivoq: AALAJANGIINEQ  Kommunip aalajangiinera atuutsiinnarneqassaaq, allamilli tunngavilersuutilerlugu. Tamanna isumaqarpoq, kommunip aalajangiinera eqqortuusoq aammalu naammagittaalliuutit ilalerneqanngitsoq. Pisortanit ikiorsiissutit pillugit lnatsisartut peqqussutaat nr. 15, 20. novembari 2006-imeersoq kingusinnerusukkut allanngortinneqartumi § 19, imm. 1, imm. 2, nr. 4, aamma imm. 3, § 26, imm. 1 aamma § 27 naapertorlugit suliaq aalajangiiffigineqarpoq. Nassuiaat: lsumaginninnermi Naammagittaalliuuteqartarfik kommunimit suliami allagaatinik pissarsisimavoq. Matumani takuneqarsinnaavoq, piffissami 17. marsi 2021-miit 3. januaari 2022 tikillugu pisortanit ikiorsiissutisiaqarsimasutit. Ulloq 18. novembari 2021 sillimmasiissummik akileraarusereerlugu 58.000 koruuninik tunineqarputit. Sillimmasiissut sillimmasiisarfimmiit X­-imiit tunniunneqarpoq, tassani uummatinni taqarsuakkut ballonimik alliliiffigitissimanerit tunngavigalugu. Matuma kingorna kommuni piffissami 18. novembari 2021-miit 3. janu­aari 2022 tikillugu pisortanit ikiorsiissutigisiarisimasatit 5673,27 koruunit utertinnissai pillugit ulloq 15. februaari 2022-mi aalajangiivoq. Ulloq 1. marsi 2022 lsumaginninnermi Naammagittaalliuuteqartarfimmut naammagittaalliuuteqarputit. Tunngavilersuutit: lsumaginninnermi Naammagittaalliuuteqartarfiup siulittaasua isumaqar­poq, piffissami 18. novembari 2021-miit 3. januaari 2022 tikillugu pisor­tanit ikiorsiissutisiaqarnissannut pisinnaatitaanngitsutit. Tassunga tunngavigineqarpoq, ulloq 18. novembari 2021-mi 58.000 koruuninik tunineqarsimagavit, taakkualu pilersuinermut akiligassanullu aaliangersimasunut akiliutigisinnaallugit, ataaniilluni najugaqarneq. Tassunga atatillugu ersarissarneqassaaq, sillimmasiissut napparsimaneq peqqutaalluni tunniunneqartoq, aallaavimmisut pilersuinermut akiligassa­nullu aaliangersimasunut atorneqarnissaannut piumasarineqarneq ajor­mat. Piumasaqaataavorli, sillimmasiissut tunniunneqartup aningaasaqar­neranut aallanut immikkoortinneqarsimassasoq. Tamanna piumasaqaat ilinnut atuutsinneqarsimanngilaq, tassani sillimmasiissut 58.000 koruuni­nik naleqartoq akissarsillutit kontomut ikisiffigineqartumut ikineqarsi­mammat, tassanilu isertitat akiligassallu naatsorsuutinut allanneqartar­lutik. Taamaattumik piffissami 18. novembari 2021-miit 3. januaari 2022 tikil­lugu 5673,27 koruunit pisortanit ikiorsiissutisiarisimasatit utertissavatit. Eqqartuussivimmut suliassanngortitsineq: lsumaginnittoqarfiup aqunneqarnera aaqqissuussaaneralu pillugit lnatsisartut peqqussutaat nr. 11, 12. novembari 2001-imeersoq kingusinnerusukkut allannguuteqartinneqartumi § 8, imm. 4-mi allassimavoq, lsumaginninnermi Naammagittaalliuuteqartarfiup aalajangigai, suliamut peqataasumit Kalaallit Nunaanni Eqqartuussivimmut suliassanngortinneqarsinnaapput. Aalajangiinermiit sapaatip akunneri sisamat qaangiutinnginnerini Kalaallit Nunaanni Eqqartuussivimmut tunniunneqassaaq. lnussiarnersumik inuulluaqqusillunga Kristina Nordby lsumaginninnermi Naammagittaalliuuteqartarfiup siulittaasua

Matumani ullumi lsumaginninnermi Naammagittaalliuuteqartarfiup pineqartoq X pillugu aalajangiinera ilanngunneqarpoq. Sinniisutut inissisimagavit, aalajangiinerup ingerlateqqinnissaa illit akisussaaffigaat. Uunga pineqartoq X Kommune YYY 3. marts 2020-mi siusinaartumik pensionisialimmut inummut tapiissutitigut illoqarfik XYX angalanermut aningaasartuutinut akiliutissanut aalajangiinera, 4. marts 2020-mi illoqarfik XYX-mut angalanissamut aningaasartuutinut akiliinissamut pisortatigut ikiorsiissutinut itigartitsinnera aammalu 12. marts 2020-mi siusinaartumik pensionisialimmut inummut tapiissutitigut illoqarfik XYX-mit illoqarfik ZXZ-mut angalanermut aningaarsartuutinut akiliutinut itigartitsissutaat pillugit naammagittaalliutit lsumaginninnikkut  Naammagittaalliuteqartarfiup ulloq 13. august 2020-mi suliaraa. lsumaginninnikkut Naammagittaalliuteqartarfik ima aalajangiivoq: Aalajangiineq Illoqarfik YXY-mut angalanermi aningaasartuutit akilerneqarnissaannut inummut tapiutinik Kommune XXY 3. marts 2020-imi aalajangiinermigut itigartitsissutaa atuutiinnartinneqarpoq, kisianni allamik tunngavilerlugu. Tamanna isumaqarpoq, kommunip aalajangiinerata inernera eqqortuusoq aammalu naammagittaalliutit ilalerneqanngitsoq. Kommunip 4. marts 2020-mi illoqarfik XYX-mut angalanissamut aningaasartuutinut akiliinissamut pisortatigut ikiorsiissutinut itingartitsinnera atuutiinnartinneqarpoq. Tamanna isumaqarpoq, kommunip aalajangiinera eqqortuusoq aammalu naammagittaalliutit ilalerneqanngitsoq. Illoqarfik XYX-mut angalanermi aningaasartuutit akilerneqarnissaannut siusinaartumik pensionisialimmut inummut tapiutinik Kommune XXY 12. marts 2020-imi aalajangiinermigut itigartitsissutaa atuutiinnartinneqarpoq, kisianni allamik tunngavilerlugu. Tamanna isumaqarpoq, kommunip aalajangiinera eqqortuusoq aammalu naammagittaalliutit ilalerneqanngitsoq. Siusinaartumik pensionisiat pillugit lnatsisartut inatsisaat nr. 40, 9. december 2015-imeersoq kingusinnerusukkut allannguuteqartoq, Siusinaartumik pensionisiat pillugit Namminersorlutik Oqartussat nalunaarutaat nr. 15, 30. juni 2016-imeersoq Nassuiaat: Qatanngutit YVX, ulloq 3. marts 2020 YYYY napparsimaneranut atatillugu illoqarfik ZXZ-miit illoarfik XYX-mut billetsimut aningaasartuutinut akiliinissamut siusinaartumik pensionisianut inummut tapiummik qinnuteqarpoq. YYYY Napparsimmi illoqarfik XYX-miittumi unissimavoq. Kommuni ulloq 3 marts 2020-imi allakkatsigut aalajangiivoq, tassani itigartitaavutit. Kommunip itigartitsininerminut tunngavilersuutigaa illoqarfik ZXZ-mi najugaqarnerit, siusinaartumik pensionisiaqartarneq annertunermiittoq pisartagarigit aammalu lnatsisartut inatsisaat nr. 40, 9. december 2015- imeersumi aamma Namminersorlutik Oqartussat nalunaarutaat nr. 15, 30. juuni 2016- imeersumi inummut tapimik tunniussinissaq inatsisitigut tunngavissaqanngltsoq. Kommuni Siusinaartumik pensionisiat pillugit lnatsisartut inatsisaat nr. 40, december 2015-imeersumi § 29 aamma Siusinaartumik pensionisiat pillugit lnatsisartut inatsisaata allanngortinneqarnera pillugu lnatsisartut inatsisaat nr. 40, 23. november 2017-imeersoq §10, Siusinaartumik pensionisiat pillugit Namminersorlutik Oqartussat nalunaarutaat nr. 15, juuni 2016-imeersoq aammalu Siusinaartumik pensionisiat pillugit lnatsisartut inatsisaannut ilitsersuut issuarlugillu innersuuppaai. Kommunittaaq napparsimaveqarfiup Nakorsiartut ingiallorteqartarnerannut paasissutissanut innersuussivoq. Tamatumunga atatillugu, ilaqutaasup perululersimaneranut nakorsiarnissaanut ingiallortiginissaanut angalanissamut aningaasartuutaasunut qinnuteqaat napparsimaveqarfimmut inatsisinut aalajangersakkanullu atuuttunut aallussillutik akuerisaallunilu suliaassasoq. Napparsimasut pisariaqassappat ilaquttatik qaninnerit ingerlaqatigisinnaavaat napparsimaviup akiligaanik. Ulloq 4 marts kommunip allakkakkut aalajangiinermigut nalunaarfigeqqippaatit. Erserpoq qinnuteqaatit itigartitaasimasoq, angalanissamut aningaasartuutit Siusinaartumik pensionisiat pillugit lnatsisartut inatsisaat nr. 40, 9. december 2015-imeersumi inatsisikkut tunngavissaqannginnera pissutigalugu aammalu misissuinerup takutikkaa siusinaartumik pensionisiaqartutit. Pisortanit ikiorsiissutit pillugit lnatsisartut peqqussutaanni nr. 15-imi, 20. novembari 2006-imeersumi kingusinnerusukkullu