Isumaginnittoqarneq

Isumaginninnermi naammagittaalliuuteqartarfik

Isumaginninnermi inatsisit malillugit aalajangiissutaasimasut, Isumaginninnermi Naammagittaalliuuteqartarfimmut naammagittaalliuuteqarsinnaapput.

Maalaaruteqarit

Sullissivimmi immersugassaq

Atuinermit saqqummiussat

19. Apr 2013

Suliffeerunnermi ikiorsiissutinik suliffigisap sulinngiffeqarnermi matoqqanerani qinnuteqaammut itigartitsineq

Kommuni atuarfimmi asaasumut suliffeerunnermi ikiorsiissutinik tunniussinissamut itigartitsivoq, innersuussutigalugu qinnuteqartup tunisassiorfimmi sulisuunnginnera, aammalu suliunnaarsitsinissaq siumut ilisimatitsissutigineqarnikuummat. Isumaginninnikkut Naammagittaalliuteqartarfiup aalajangiineq naqissuserpaa, kisiannili allannguutilimmik tunngavilersuuteqarluni, maalaaruteqartup ilisimasimammagu atuarfiup sulinngiffeqarnerup nalaani matoqqasussaanera nalusimanngimmagu, taamaalilluni sulinngiffeqarfissatut katersarisimasat atorneqarnissaannik, imaluunniit sulinngiffeqarnissanik ileqqaagaqarsimanissamik, atuarfiup matoqqanerani.
Atuaruk →
1. Apr 2013

Isumaginninermi Maalaaruteqarnermi Aalajangiisartut ukiumoortumik nalunaarutaat 2011

Uani atuarsinnaavatit suut suliat Isumaginninermi Maalaaruteqarnermi Aalajangiisartut annermik suliarisimaneraat 2011-mi
Atuaruk →
1. Apr 2013

Isumaginninermi Maalaaruteqarnermi Aalajangiisartut ukiumoortumik nalunaarutaat 2012

Uani atuarsinnaavatit suut suliat Isumaginninermi Maalaaruteqarnermi Aalajangiisartut annermik suliarisimaneraat 2012-mi
Atuaruk →
15. Feb 2013

Qanigisamik toqusooreernerup kingorna pisortatigut ikiorsiissutinik utertitsineq

Maalaaruteqartoq pisortat ikiorsiissutaannik ernuttap inersimasup arnaata perululluni napparsimanerani angalanissamut qinnuteqarpoq. Kommunip qinnuteqaat kingumoortumik akilersuinissamik piumasaqaatitalerlugu akuerivaa. Isumaginninnermi Naammagittaalliuteqartarfiup aalajangiineq allanngortippa, isumaqarami kommuni maalaaruteqartumut pisortat ikiorsiissutaanik tunniussinissaminut pisussaatitaanngitsoq. Taamaalilluni kommuni aningaasat uterteqqinneqarnissaanik piumasaqarnera atorunnaarsinneqarpoq.
Atuaruk →
15. Feb 2013

Iserternermi akiliummut ikiorserneqarneq – ikiorsiissutinik tunineqannginneq

Qaammat juni 2012 aappariit initaarnerminnut atatillugu iserternermi akiliummut akiliinissamut ikiorserneqarnissaminnik qinnuteqarput, kommunimilli itigartinneqarlutik. Qaammat juni 2012 qeqqata missaani aappariit pisortat ikiorsiissutaannik qinnuteqaqqipput, nerisassarsiutissaqan-nginnamik, aningaasaatitik iserternermi akiliummut atorsimagamikkit. Kommuni isumaqarpoq aappariit 108,94 kr-imik pissarsisinnaasut. Isumaginninnermi Naammagittaalliuteqartarfik isumaqarpoq aappariit pisortat ikiorsiissutaannik pissarsinissaminnut tunngavissaqanngitsut, pisumi isumaginninnermut tunngassuteqartoqanngimmat.
Atuaruk →
13. Dec 2012

Pisortat ikiorsiissutaannik naatsorsuutsinneq – aningaaserivimmut atukkat kattuffinnullu akiliutit

Maalaaruteqartoq kommunip aalajangiussaanik pisortanut ikiorsiissutinik qinnuteqarnermik itigartitsinermik maalaarutiginnippoq, maalaaruteqartoq isumaqarmat nerisassarsiniarnissamut, aningaaserivimmi atukkanut taarsersuinissamut aammalu kattuffimmut ilaasortaanermut akiliummut akissaqannginnami. Kommunip aalajangiinermini tunngavilersuutigivaa naatsorsuinerup takutimmagu maalaaruteqartoq aningaasartuutissat aalajangersimasut akilereerlugit qaammammut 2.287 kr-imik sinneqarmata. Isumaginninnermi Naammagittaalliuteqartarfik isumaqarpoq kommunip aalajangiinera eqqortuusoq, takuneqarsinnaammat aningaasartuutit aalajangersimasut innaallagissamut, illumut, nerisassanut allanullu ulluinnarni atugassanut akilereeraanni aningaasat atugassat sinneqartut.
Atuaruk →
Scroll to Top