Isumaginninnermi naammagittaalliuuteqartarfik

Isumaginninnermi inatsisit malillugit aalajangiissutaasimasut, Isumaginninnermi Naammagittaalliuuteqartarfimmut naammagittaalliuuteqarsinnaapput.

Maalaaruteqarit

Sullissivimmi immersugassaq

Atuinermit saqqummiussat

8. Apr 2011

Ilinniartunut pisortanit ikiorsiissutit

Suliaq anaanamut kisimiittumut ilinniartuusumut tunngassuteqarpoq. Pisortanit ikiorsiissutinik qinnuteqarpoq, ilinniarnermusiai qaammammut 3.587 kr-inik annertussuseqartut inuussutiginissai naammanngimmata. Pisariaqartitai naapertorlugit kommuni naatsorsuivoq, taamalu pisortanit ikiorsiissutinik 2.334 kr-inik tunillugu. Isumaginninnermi Naammagittaalliuteqartarfik isumaqarpoq qinnuteqartoq ikiorsiissutinik pissarsinissaminut pisinnaatitaanngitsoq, ilinniartuummat. Isumaginninnermi Naammagittaalliuteqartarfiup innersuussutigaa pisortanit ikiorsiissutinik pissarsisinnaanngimmat, qinnuteqartoq pilersuisinnaanissaminut toqqammavissaqarpat.
Atuaruk →
8. Apr 2011

Inooqammiit nuunnermi pisortatigut ikiorsiissutit – pilersuisinnaanermut pisussaaffik

Suliaq anaanaasumut tallimanik nukangasunik meeralimmut tunngavoq, taanna kommunimut pisortatigut ikiorsiissutinik qinnuteqarsimavoq. Uiusup angerlarsimaffik qimassimavaa, aalajangersimasumillu najugaarulluni. Kommunip qinnuteqaat itigartippaa, tamannalu tunngavilersorlugu qinnuteqartoq paasissutissanik tamakkiisumik tunniussaqarsimanngimmat, tassani uiusup akissarsiaasa allagartaanik ilanngussaqarsimanani. Qinnuteqartup ilisimatitsissutigaa avinnissamik qinnuteqaammik tunniussaqarsimallutik, uiusorli tamanna pillugu politeeqarfimmut aggerumasimanani. Isumaginninnermi Naammagittaalluteqartarfiup kommunip aalajangigaa allanngortippaa. Naammagittaalliuteqartarfik isumaqarpoq qinnuteqartoq pisortanit ikiorsiissutinik pissarsinissaminut pisinnaatitaaffeqartoq.
Atuaruk →
1. Nov 2010

Isumaginninermi Maalaaruteqarnermi Aalajangiisartut ukiumoortumik nalunaarutaat 2010

Uani atuarsinnaavatit suut suliat Isumaginninermi Maalaaruteqarnermi Aalajangiisartut annermik suliarisimaneraat 2010-mi
Atuaruk →
8. Oct 2010

Parnaarussamut pisortatigut ikiorsiissutit – atisat

Pinerluttunik Isumaginnittoqarfik parnaarussaq isertitsivimmiitinneqartoq sinnerlugu pisortanik ikiorsiissutinik nutaanik atisarsiniarnissamut qinnuteqarpoq. Kommunip qinnuteqaat itigartippaa, tunngavilersuutigalugu tassunga tunngatillugu nunatsinni isertitsivinniittunut inatsiseqanngimmat. Isumaginninnermi Naammagittaalliuteqartarfiup aalajangerpaa parnaarussaq atisarsiniarnissaminut pisortanit ikiorsiissutinik pissarsinissaminut pisinnaatitaaffeqartoq. Kommunip aalajangiinera allanngortinneqarpoq.
Atuaruk →
8. Oct 2010

Tapiissutinik utertitsineq – qanigigaasup toqukkut qimagunnerani angalanermut aningaasartuutit

Innuttaasoq qanigisami ilaata toqukkut qimagunnerani angalanissamut akiliunneqarnissaminit pisortanit ikiorsiissutinik tunineqarpoq. Ikiorsiissutit tunniunneqarput akilersorlugit utertinneqarnissaat piumasaqaatitaralugu. Kommunip aalajangiinini tunngavilersorpaa innuttaasoq inuusuttuummat aammalu tamakkiisumik sulisinnaassuseqarluni. Isumaginninnermi Naammagittaalliuteqartarfiup aalajangerpaa angalanermut tunngatillugu pisortatigut ikiorsiissutit utertinneqassanngitsut.
Atuaruk →
8. Oct 2010

Pisortat ikiorsiissutaannik naatsorsuineq – Meeqqamut tapiissutit

Kommunip innuttaasup pisortat ikiorsiissutaanik qinnuteqaataa itigartitsissutigaa, ilaqutariit naatsorsuutsereernermik kingorna qaammammut 1.221,40 kr-mik sinneqartoortut paasineqarmat, qaammammi tassani qinnuteqarfigisaanni. Isumaginninnikkut Naammagittaalliuteqartarfiup nalilerpaa ilaqutariit pisortat ikiorsiissutaanik pissarsisinnaanissaminnut pisinnaatitaasut, meeqqanut tapiissutit naatsorsuutsinnermi ilanngunneqartussaanngimmata. Kommuni piumaffigineqarpoq nutaamik naatsorsuissasoq naliliinermi tunngavigineqartut aallaavigalugit.
Atuaruk →
Scroll to Top