Isumaginninnermi naammagittaalliuuteqartarfik

Isumaginninnermi inatsisit malillugit aalajangiissutaasimasut, Isumaginninnermi Naammagittaalliuuteqartarfimmut naammagittaalliuuteqarsinnaapput.

Maalaaruteqarit

Sullissivimmi immersugassaq

Atuinermit saqqummiussat

13. Dec 2012

Qinnuteqarnermi akunnernik suliffiusunik naatsorsuineq – erninermi sulinngiffeqarneq ilanngullugu

Suliffissarsiortoq, siusinnerusukkut akunnermusialittut sulisuusimasoq, ikiorsiissutinik qinnuteqarpoq. Qinnuteqaat kommunimit itigartitsissutigineqarpoq, naatsorsuinermi ersermat qinnuteqartoq taamaallaat akunnerni 153,13-ini sulisimammat, qinnuteqarfik sapaatip akunneri 13-ini sioqqullugu. Kommuni malillugu akunnerit taakku peqqussut malillugu piumasaqaatinik naammassinninngillat. Isumaginninnermi Naammagittaalliuteqartarfik isumaqarpoq kommuni akunnernik kisitseqqittariaqartoq, tassani erninermut atatillugu sulinngiffeqarneq ilanngunneqartussaammat. Tamanna tunngaveqarpoq qinnuteqartoq erninermut atatillugu sulinngiffeqalersimammat suli suliffeqarfimmi sulisuuneranili.
Atuaruk →
1. Nov 2012

Isumaginninermi Maalaaruteqarnermi Aalajangiisartut ukiumoortumik nalunaarutaat 2009

Uani atuarsinnaavatit suut suliat Isumaginninermi Maalaaruteqarnermi Aalajangiisartut annermik suliarisimaneraat 2009-mi
Atuaruk →
13. Apr 2012

Piareersimasuunissamik atorunnaarsitsineq – ernermik napparsimasumik paarsineq

Pisortatigut ikiorsiissutinik pisartagaqarnermi piareersimasuunissamik atorunnaarsitsineq. Aapparisaq/inooqatigisaq illugiimmik pilersueqataasinnaanngilaq.
Atuaruk →
13. Apr 2012

Ikiorsiissutinik pisartagaqannginneq

Maalaaruteqartoq pisortat ikiorsiissutaanik qinnuteqarpoq, itigartitaallunili, kommunip naatsorsuinermini qinnuteqartup inooqataatalu aningaasaqarnerani takusinnaammagu qaammammut 10.127,45 kr-imik sinneqartoortut. Isumaginninnermi Naammagittaalliuteqartarfiup aalajangiineq attatiinnarpaa, isumaqarami qinnuteqartut marluullutik aalajangersimasumik suliffeqarmata, aammalu takussutissaqanngimmat inuttut atugarisaanni soorlu napparsimaneq, ernereernerup kingorna sulinngiffeqarneq, aappariikkunnaarneq imaluunniit assingusutigut ikiorsiissutinik pissarsinissaannut.
Atuaruk →
8. Apr 2011

Erninermut atatillugu ullormusianik utertitsinissaq

Suliaq arnamut ulloq 16. december 2008 naartunini pillugu ullormusiaqalernissaminik qinnuteqaataanut tunngavoq. Kommuni oqaasiinnartigut qinnuteqaammut itigartitsivoq. Isumaginninnermi Naammagittaalliteqartarfiup suliaq kommunimut uterteqqippaa, nutaamik nalilersugassanngorlugu.
Atuaruk →
8. Apr 2011

Tapiissutinik utertitseqqusineq – katsorsartinneq

Ukioq 2007-imi qinnuteqartup katsorsartinnissaminut pisortanit ikiorsiissutinik tunineqarpoq. Ikiorsiissutit kingumut akilerneqartussanngorlugit tunniunneqarput. Qinnuteqartoq akileraarutitigut utertoorutisiassaqartussatut nalunaarsoqqavoq, tassungalu tunngatillugu akileraarutitigut utertoorutisiassat kommunip uninngatippat, ilaatigut katsorsartinnissamut akiliutitut atorneqassammata. Qinnuteqartoq akilersuinissaq pillugu isumaqatigiissummik atsiugaqarpoq. Isumaginninnermi Naammagittaalliuteqartarfiup, kommuni pisortanik ikiorsiissutit pillugit, katsorsartinnermut angalanermullu tunngasut, akilersortinneqarnissaanut pisussaatitaanngitsoq aalajangerpaa. Aammattaaq qinnuteqartup akileraarutitigut utertoorutissaata uninngatinnissaanut kommuni pisussaatitaanngitsoq aalajangerneqarpoq.
Atuaruk →
Scroll to Top